వి6 న్యూస్

2012, మార్చి 1న వి.ఐ.ఎల్. ప్రై.లి అనే సంస్థ ద్వారా ఈ ఛానల్ ప్రారంభించబడింది. దీనికి పాత్రికేయుడు అంకం రవి సి.ఈ.ఓ.గా దీని కార్యకలాపాలలో పేరొందిన పాత్రికేయులు కూడా ఉన్నారు.^[2]

ఇందులో తీన్మార్ వార్తలు, మాటకారి మంగ్లీ, సిన్మా టాకీస్, జనపదం, స్పాట్ లైట్, డెత్ సీక్రెట్స్ వంటి కార్యక్రమాలు ఉంటాయి.

తీన్మార్ వార్తలు: తీన్మార్ వార్తలు వ్యంగ వార్తల కార్యక్రమం, ఇది ప్రతిరోజు రాత్రి గం 9.30 లకు ప్రసారం అవుతుంది.^[3] గతంలో తీన్మార్ వార్తలు కార్యక్రమంలోలో రచ్చ రాములమ్మ,తీన్మార్ మల్లన్న, తీన్మార్ లచ్చవ్వ,తీన్మార్ సావిత్రి, బిత్తిరి సత్తిలు వంటి వార్త పాత్రలు ఉండేవి. అతి తక్కువ సమయంలోనే తీన్మార్ వార్తల కార్యక్రమం చాలా ప్రాచుర్యం పొందింది. ఇది ప్రధానంగా రాజకీయ, పౌర సమస్యలపై దృష్టి సారిస్తుంది. దీనిలో సాధారణ తెలంగాణ యాసను ఉపయోగించి ఒక హాస్య ప్రధానంగా ఉండి, రాజకీయ, ఇతర ప్రముఖులపై కార్యక్రమాలను చేస్తుంది. అంతేకాకుండా ప్రపంచవ్యాప్తంగా జరుగుతున్న సాహసోపేత, ఆసక్తికరమైన విషయాలు కూడా చూపిస్తుంది.

స్పాట్ లైట్: సమకాలీన పరిస్థితులపై దృష్టి సారిస్తూ ఎప్పటికప్పుడు లోతైన, క్లిష్టమైన విశ్లేషణలు అందించే కార్యక్రమం ఇది. జాతీయ, రాష్ట్ర స్థాయి రాజకీయాల గురించిన చర్చలు ఉంటాయి.

స్టూడియో డిస్కషన్: ఇది ఉదయం సాయంత్రం ప్రసారమయ్యే రాజకీయ చర్చ. ఇందులో రాజకీయ పార్టీ నేతలు, విశ్లేషకుల మధ్య చర్చలు జరుగుతాయి.

తెలంగాణ హీరోలు: తెలంగాణ రాష్ట్రానికి చెందిన వెలుగులోకి రాని ప్రముఖుల జీవితం చరిత్రను, వారి త్యాగాల గురించి చెప్పే కార్యక్రమం.

హమారా హైదరాబాద్: హైదరాబాద్ నగరానికి సంబంధించిన ఒక స్థానిక వార్తలు, సంఘటనల కార్యక్రమం.

వి6 న్యూస్ ఛానల్ తెలంగాణ, ఆంధ్ర ప్రదేశ్ రాష్ట్రాలలో వివిధ పంపిణీ మాధ్యమాల ద్వారా ప్రసారం అవుతుంది. అనలాగ్, డిజిటల్ కేబుల్, మొబైల్, Yupp టీవీ వంటి అన్ని ప్రధాన డిజిటల్ మాధ్యమాలలో వి6 న్యూస్ ఛానల్ ను చూడవచ్చు.

• అధికారిక వెబ్ సైట్