రాజస్తాన్ రాయల్స్

రాజస్థాన్ రాయల్స్ ఇండియన్ ప్రీమియర్ లీగ్ (ఐపిఎల్) లో ఆడే రాజస్థాన్ లోని జైపూర్లో ఉన్న ఒక ఫ్రాంచైజ్ క్రికెట్ జట్టు.^[1] తొలి ఎనిమిది ఐపిఎల్ ఫ్రాంచైజీలలో ఒకటిగా 2008 లో స్థాపించబడిన ఈ జట్టు, జైపూర్ లోని సవాయి మాన్సింగ్ స్టేడియంలో ఉంది. రాజస్థాన్ రాయల్స్‌ను కొన్నిసార్లు ఐపిఎల్ యొక్క "మనీబాల్" జట్టుగా పరిగణిస్తారు.^[2][3][4] రాయల్స్, మరుగునపడిన మంచి ప్రతిభను వెలికితీయడానికి,^[5][6][7] అనేక వివాదాలు, కుంభకోణాలకూ ప్రసిద్ధం.^{[8][9][10][11]}

మీడియా, అభిమానులు టైటిల్‌కు పోటీదారుగా లెక్కించనప్పటికీ, షేన్ వార్న్ కెప్టెన్సీలో ఐపిఎల్ ప్రారంభ ఎడిషన్‌ను జట్టు గెలుచుకుంది. రాహుల్ ద్రావిడ్ కెప్టెన్సీలో 2013 ఛాంపియన్స్ లీగ్ ట్వంటీ 20 లో రాయల్స్ రెండవ స్థానంలో నిలిచింది.^[12][13]

2015 జూలై 14 న, 2013 బెట్టింగ్ కుంభకోణంపై భారత సుప్రీంకోర్టు నియమించిన ప్యానెల్ ఇచ్చిన తీర్పులో రాజస్థాన్ రాయల్స్‌ను, చెన్నై సూపర్ కింగ్స్‌నూ రెండేళ్లపాటు సస్పెండ్ చేసింది. అంటే వారు 2016, 2017 ఐపిఎల్ టోర్నమెంట్లలో పాల్గొనలేరు. 2018 సీజన్లో తిరిగి పోటీకి వచ్చారు.

అజింక్య రహానె 2705 పరుగులతో అత్యధిక పరుగులు సాధించిన బ్యాట్స్‌న్మన్ గానూ,^[14], షేన్ వాట్సన్ 67 వికెట్లతో అత్యధిక వికెట్లు తీసిన బౌలరుగానూ ఉన్నారు.^[15]