భారత మహిళా క్రికెట్ జట్టు

1700 ల ప్రారంభంలో బ్రిటిష్ వారు భారతదేశానికి క్రికెట్ ని ప్రవేశ పెట్టారు. 1721 లో క్రికెట్ ఆడబడిన మొదటి డాక్యుమెంట్ ఉదాహరణ. దీనిని గుజరాత్ కి చెందిన కోలీలు ఆడారు. ఈ కోలీలు బ్రిటిష్ నౌకలను దోచుకునే సముద్రపు దొంగలు ఇంకా చట్టవ్యతిరేకులు కాబట్టి, ఈస్ట్ ఇండియా కంపెనీ క్రికెట్లో కోలీలను ఆడించింది, విజయవంతమైంది.^[10][11] మొదటి భారతీయ క్రికెట్ క్లబ్ ను 1848లో బొంబాయిలో పార్సీ సమాజం స్థాపించింది. ఈ క్లబ్ 1877లో ఐరోపా వారితో (యూరోపియన్) తమ మొదటి మ్యాచ్ ఆడింది.^[12] మొదటి అధికారిక భారత క్రికెట్ జట్టు 1911లో ఇంగ్లాండ్ లో పర్యటించింది. అక్కడ వారు ఇంగ్లీష్ కౌంటీ జట్లతో ఆడారు.^[13] 1932లో ఇంగ్లాండ్ తో జరిగిన తొలి టెస్టులో భారత జట్టు ఆడింది.^[14] అదే సమయంలో అంటే 1934 లో ఇంగ్లాండ్, ఆస్ట్రేలియా మధ్య మొదటి మహిళల టెస్ట్ జరిగింది.^[15] అయితే మహిళల క్రికెట్ చాలా కాలం తరువాత భారతదేశానికి వచ్చింది. 1973లో భారత మహిళా క్రికెట్ సంఘం (ఉమెన్స్ క్రికెట్ అసోసియేషన్ ఆఫ్ ఇండియా) ఏర్పడింది.^[16] భారత మహిళల జట్టు 1976లో తమ తొలి టెస్ట్ మ్యాచ్ వెస్టిండీస్ జట్టుతో ఆడింది.^[17] 1978 నవంబరులో పాట్నాలోని మొయిన్ - ఉల్ - హక్ స్టేడియంలో శాంత రంగస్వామి నాయకత్వంలో వెస్టిండీస్ మీద తొలి టెస్ట్ విజయాన్ని భారత్ నమోదు చేసింది.^[18][19]

1973లో మహారాష్ట్రలోని పూణేలో భారత మహిళల క్రికెట్ సంఘం (ఉమెన్స్ క్రికెట్ అసోసియేషన్ ఆఫ్ ఇండియా) స్థాపించారు. ప్రేమాల చవాన్ దాని మొదటి అధ్యక్షురాలు. ఇది మొదట్లో అంతర్జాతీయ మహిళా క్రికెట్ మండలికి అనుబంధంగా ఉండేది. అయితే మహిళల క్రికెట్ ను అభివృద్ధి చేయడానికి అంతర్జాతీయ క్రికెట్ కౌన్సిల్ చొరవతో, 2006 - 07లో భారత మహిళల క్రికెట్ సంఘం భారత క్రికెట్ నియంత్రణ మండలి ( బిసిసిఐ) లో విలీనం చేశారు.^[20]

2021లో భారత మహిళల క్రికెట్ జట్టుకు రమేష్ పొవార్ ప్రధాన కోచ్గా వ్యవహరిస్తారని బిసిసిఐ ప్రకటించింది.^[21][22] 2022లో భారత మహిళలు 23 సంవత్సరాలలో ఇంగ్లాండ్ గడ్డపై మొదటి సిరీస్ను గెలుచుకోవడం ద్వారా చరిత్ర సృష్టించారు.

భారత క్రికెట్ నియంత్రణ మండలి (బిసిసిఐ) భారత క్రికెట్ జట్టుకు, భారతదేశంలో మొదటి తరగతి (ఫస్ట్ - క్లాస్) క్రికెట్ కు పాలకమండలి. ఈ బోర్డు 1929 నుండి పనిచేస్తోంది, అంతర్జాతీయ క్రికెట్ మండలిలో భారతకి ప్రాతినిధ్యం వహిస్తోంది. ఇది ప్రపంచంలోని అత్యంత ధనిక క్రీడా సంస్థలలో ఒకటి. ఇది 2006 నుండి 2010 వరకు భారతదేశ మ్యాచ్ మీడియా హక్కులను 6,12,00,000 అమెరికన్ డాలర్లకు విక్రయించింది.^[23] ఇది భారత జట్టు స్పాన్సర్ షిప్ లను, దాని భవిష్యత్ పర్యటనలు, జట్టు ఎంపికను నిర్వహిస్తుంది. అంతర్జాతీయ క్రికెట్ మండలి (ఐసిసి) తన భవిష్యత్ పర్యటనల కార్యక్రమం ద్వారా భారతదేశం రాబోయే మ్యాచ్ లను నిర్ణయిస్తుంది.

2020 సెప్టెంబరు 26న, భారత క్రికెట్ నియంత్రణ మండలి (బిసిసిఐ) అఖిల భారత మహిళల ఎంపిక సమితి నియామకాన్ని ప్రకటించింది.^[24] ఐదుగురు సభ్యులకి మాజీ ఎడమచేతి వాటం స్పిన్నర్ నీతు డేవిడ్ నాయకత్వం వహిస్తున్నారు.^[24]

• నీతూ డేవిడ్ (10 టెస్ట్ లు, 97 WODI)
• ఆరతి వైద్య (3 టెస్ట్స్, 6 WODIs)
• రేణు మార్గరేట్ (5 టెస్ట్ లు, 23 WODI)
• వెంకటాచార్ కల్పన (3 టెస్ట్ లు, 8 WODI)
• మిథు ముఖర్జీ (4 టెస్ట్ లు)

ఈ జట్టుకు ప్రస్తుతం 'బైజూస్' స్పాన్సర్ చేస్తోంది.^[25] OPPO స్పాన్సర్షిప్ 2017 నుండి 2022 వరకు అమలు కావాల్సి ఉంది, కానీ 2019 సెప్టెంబరు 5న 'బైజూస్' కి అప్పగించబడింది.^[26] గతంలో 2014 నుండి 2017 వరకు భారత జట్టును స్టార్ ఇండియా, 2002 నుండి 2013 వరకు సహారా ఇండియా పరివార్ స్పాన్సర్ చేసింది.^[27] భారత జట్టుకు కిట్ నైక్ ఎక్కువకాలం సరఫరా చేసింది, ఈ ఒప్పందం 2005, ఐదేళ్ల కాలానికి 2011, 2016లలో రెండు సార్లు వరుసగా పొడిగించారు.^[28][29][30] అంతర్జాల ఆటల వేదిక (ఆన్లైన్ గేమింగ్ ప్లాట్ఫామ్) మొబైల్ ప్రీమియర్ లీగ్ అనుబంధ సంస్థ ఎంపిఎల్ స్పోర్ట్స్ అప్పారెల్ & యాక్సెసరీస్ ( MPL Sports Apparel & Accessories) 2020 అక్టోబరునుంచి కిట్ సరఫరా చేస్తోంది.^{[31][32][33][34]}

పేటీఎం 2015లో భారతదేశంలో జట్టు ఆడిన అన్ని మ్యాచ్ లకు శీర్షిక హక్కును కొనుగోలు చేసింది, 2019 నుంచి 2023 వరకు పొడిగించింది.^[35][36] స్టార్ ఇండియా, ఎయిర్టెల్ కంపెనీలు ఇంతకు ముందు శీర్షిక హక్కుదారులుగా వ్యవహరించాయి.^[37][38]

అంతర్జాతీయ క్రికెట్లో ఫలితాలు, రాబోయే మ్యాచ్లు

ద్వైపాక్షిక సిరీస్ లు పర్యటనలు
తేదీ	వ్యతిరేకంగా	H / A / N	ఫలితాలు [మాచ్ లు]
			టెస్ట్	WODI	టీ20 ప్రపంచకప్
2022 ఫిబ్రవరి	న్యూజిలాండ్	విదేశం	-	1-4 [5]	0 - 1 [1]
2022 సెప్టెంబరు	ఇంగ్లాండు	విదేశం	-	3-0 [3]	1 - 2 [3]
2022 డిసెంబరు	ఆస్ట్రేలియా	హోమ్	-	-	1 - 4 [5]

మల్టీటైమ్ సిరీస్ టోర్నమెంట్లు
తేదీ	సిరీస్	ఫార్మాట్	స్థానం	ఫలితాలు
మార్చి - 2022 ఏప్రిల్	2022 మహిళా క్రికెట్ ప్రపంచ కప్పు	WODI	5వది	3 - 4 [ 7 ]
జూలై - 2022 ఆగస్టు	2022 కామన్ వెల్త్ ఆటలు	మహిళా టీ20 ప్రపంచకప్	2వ	3 - 3 [ 5 ]
2022 అక్టోబరు	2022 మహిళా టీ20 ఆసియా కప్	మహిళా టీ20 ప్రపంచకప్	1వది	7 - 1 [ 8 ]
2023 ఫిబ్రవరి	2023 ఐసీసీ మహిళల టీ20 ప్రపంచ కప్	మహిళా టీ20 ప్రపంచకప్	3వది	3 - 3 [ 5 ]

ఆసియా క్రీడలు 2023లో మహిళల క్రికెట్ పోటీ 2023 సెప్టెంబరు,19న చైనాలో హాంగ్జౌలో ప్రారంభం అయ్యాయి. భారత మహిళల జట్టు ఆసియా క్రీడల్లో తొలిసారిగా ఆడింది. మహిళల పోటీలో మొత్తం 11 మ్యాచ్‌లు ఆడారు. అన్ని మ్యాచ్‌లు జెజియాంగ్ యూనివర్శిటీ ఆఫ్ టెక్నాలజీ పింగ్‌ఫెంగ్ క్రికెట్ ఫీల్డ్‌లో జరిగాయి. భారత్, పాకిస్థాన్, శ్రీలంక, బంగ్లాదేశ్‌లు క్వార్టర్ ఫైనల్స్‌కు అర్హత సాధించాయి. సెప్టెంబరు 25న భారత మహిళా క్రికెట్ జట్టు చివరిరోజు ఆట శ్రీలంక జట్టుతో ఆడి 19 పరుగుల దూరంలో గెలిచి స్వర్ణ పతకాన్ని కైవసం చేసుకుంది.^[39]

ఇటీవల బిసిసిఐతో ఒప్పందం కుదుర్చుకున్న ఒక రోజు లేదా టి20ఐ జట్లలో ఎంపికైన క్రియాశీల క్రీడాకారుల జాబితా. ఈ జాబితా 2023 జూలై 13 న నవీకరించబడింది. టోపీ లేని క్రీడాకారులు ఏటవాలు అక్షరాలలో (ఇటాలిక్స్) జాబితా చేశారు.

ఆటగాళ్లకు మ్యాచ్ ఫీజు ₹15 లక్షలు (టెస్టుకు $ 19,000), మ్యాచ్ ఫీజు ₹6 లక్షలు (వన్డేలకు US $ 7,500), మ్యాచ్ ఫిజు ₹3 లక్షలు (టి20ఐకి US $ 3,800). బిసిసిఐ 2022 అక్టోబరు 27న పురుషుల మహిళల జట్ల మ్యాచ్ సమాన రుసుములో విధానాన్ని అమలు చేస్తోంది.^[41] ఆటగాళ్ల వేతనాలు ఈ క్రింది విధంగా ఉన్నాయి.

• గ్రేడ్ ఎ - సంవత్సరానికి ₹50 లక్షలు (US $ 63,000)
• గ్రేడ్ బి - సంవత్సరానికి ₹30 లక్షలు (US $ 38,000)
• గ్రేడ్ సి - ₹10 లక్షలు (సంవత్సరానికి 13,000 డాలర్లు)

• ప్రధాన శిక్షకుడు - -
• బ్యాటింగ్ కోచ్ - హృషీకేశ్ కనిత్కర్^[42]
• ఫీల్డింగ్ కోచ్ - అభయ్ శర్మ
• నెట్స్ ట్రైనర్స్ - తన్వీర్ శుక్లా, సౌరవ్ త్యాగి, ఉత్కర్ష్ సింగ్, అఖిళ్ ఎస్. ప్రసాద్
• ఫిజియోథెరపిస్ట్ - మిత్రా అమీన్
• ఫిట్నెస్ ట్రైనర్ - రాధా కృష్ణస్వామి
• విశ్లేషకుడు - దేవరాజ్ రౌత్

• భారత మహిళా టెస్ట్ క్రికెట్ క్రీడాకారుణుల జాబితా
• ఒకరోజు అంతర్జాతీయ భారత మహిళా క్రికెటర్ల జాబితా
• భారత మహిళా అంతర్జాతీయ టీ20 క్రికెట్ క్రీడాకారిణుల జాబితా
• ప్రత్యర్థి వారీగా భారత మహిళల క్రికెట్ జట్టు రికార్డు