బ్యాంక్ ఆఫ్ బరోడా
బ్యాంక్ ఆఫ్ బరోడా (Bank of Baroda) అనేది వడోదరలో ప్రధాన కార్యాలయం ఉన్న ఒక భారతీయ జాతీయ బ్యాంకింగ్, ఆర్థిక సేవల సంస్థ. భారతదేశంలో నాల్గవ అతిపెద్ద జాతీయ బ్యాంకు, 132 మిలియన్ వినియోగదారులతో, మొత్తం వ్యాపారం 218 బిలియన్ అమెరికన్ డాలర్లు, 100 విదేశీ కార్యాలయాల ప్రపంచవ్యాప్తంగా ఉన్నది. 2019 డేటా ఆధారంగా ఫోర్బ్స్ గ్లోబల్ 2000 జాబితాలో 1145వ స్థానంలో ఉంది. [1]
చరిత్ర
![](http://upload.wikimedia.org/wikipedia/commons/thumb/c/c0/Sayajirao_Gaekwad_III%2C_Maharaja_of_Baroda%2C_1919.jpg/220px-Sayajirao_Gaekwad_III%2C_Maharaja_of_Baroda%2C_1919.jpg)
బరోడాకు చెందిన మహారాజు సాయాజీరావు గైక్వాడ్ III దీనిని స్థాపించారు. ఒక మిలియన్ రూపాయల పెయిడ్ అప్ క్యాపిటల్ తో ఈ బ్యాంకును స్థాపించారు. బ్యాంక్ ఆఫ్ బరోడా 1908 జూలై 20న ది బ్యాంక్ ఆఫ్ బరోడా లిమిటెడ్ పేరుతో ప్రైవేట్ బ్యాంక్గా స్థాపించబడింది. 1910లో అహమదాబాద్ నగరంలో బ్యాంకు తమ మొదటి శాఖను ప్రారంభించింది. 1919వ స౦వత్సర౦లో ముంబై నగర౦లో తమ మొదటి శాఖను ప్రార౦భి౦చారు. 1953 లో బ్యాంక్ మొంబాసా కెన్యాలో మొదటి అంతర్జాతీయ శాఖను ప్రారంభించింది. 1953-1969 కాలంలో బ్యాంక్ ఫిజీలో మూడు శాఖలను కెన్యాలో ఐదు శాఖలను ప్రారంభించింది, ఉగాండాలో మూడు శాఖలు ,లండన్, గయానాలలో ఒక్కొక్కటి చొప్పున ఉన్నాయి. 1958లో హింద్ బ్యాంక్ బ్యాంకు, 1962లో న్యూ సిటిజన్ బ్యాంక్ లిమిటెడ్ బ్యాంకు, 1964లో ఉమర్ గావ్ పీపుల్స్ బ్యాంక్ & తమిళనాడు సెంట్రల్ బ్యాంక్ లు బ్యాంకులో దీనిలో విలీనం చేయబడ్డాయి. 1969 జూలైలో ఈ బ్యాంకు జాతీయం చేయబడి, 'ది బ్యాంక్ ఆఫ్ బరోడా లిమిటెడ్' పేరు నుండి 'బ్యాంక్ ఆఫ్ బరోడా' గా మార్చబడింది. 1969 నుండి 1974 మధ్య కాలంలో యాజమాన్యం మారిషస్ లో మూడు శాఖలను స్థాపించారు, బ్రిటన్ లో రెండు శాఖలను ,ఫిజిలో ఒక శాఖను స్థాపించారు.[2]
అభివృద్ధి -సేవలు
![](http://upload.wikimedia.org/wikipedia/commons/thumb/0/06/Bank_of_Baroda_ATM_in_Darjeeling%2C_India_%2831530245103%29.jpg/220px-Bank_of_Baroda_ATM_in_Darjeeling%2C_India_%2831530245103%29.jpg)
బ్యాంకు వ్యాపారంలో ఆరు ప్రధాన వ్యాపార రంగాలతో ఇమిడి ఉన్నాయి అవి కార్పొరేట్ ఆర్థిక సేవలు, అంతర్జాతీయ కార్యకలాపాలు, ఆర్థిక సేవలు, వ్యాపార ఆర్థిక సేవలు, గ్లోబల్ ట్రెజరీ, గ్రామీణ ఆర్థిక సేవలు ప్రజలకు అందచేయబడుతున్నాయి. విస్తృత శ్రేణి కార్పొరేట్ ఆర్థిక సేవలను, వాణిజ్య బ్యాంకింగ్ ఉత్పత్తులను, మధ్య, చిన్న తరహా పరిశ్రమలకు, చిన్న వ్యాపారాలు, ప్రభుత్వ సంస్థలతో సహా కార్పొరేట్ వినియోగదారులకు సేవలను, వివిధ డిపాజిట్ లు, టర్మ్ లోన్ లు, గృహ రుణాల కొరకు అడ్వాన్స్ లు ఉంటాయి. ఆస్తి, నగదు నిర్వహణ, సేవలు వంటి రుసుము ఆధారిత సేవలను బ్యాంక్ తన వినియోగ దారులకు (కస్టమర్లు) అందిస్తున్నది. సంఖ్యా పరంగా భారతదేశంలోని అతిపెద్ద రిటైల్ బ్యాంకుల్లో ఒకటి, ఈ బ్యాంక్ వ్యూహం రిటైల్ బ్యాంకింగ్ కు ప్రాధాన్యత ఇవ్వడం. బ్యాంక్ ఆఫ్ బరోడా దేశీయ ఆర్ధిక కార్యకలాపాలు,స్పెషలైజ్డ్ ఇంటిగ్రేటెడ్ ట్రెజరీ బ్రాంచ్ (SITB) ద్వారా ఇంటిగ్రేట్ చేయబడతాయి. దేశీయ కార్యకలాపాలతో పాటు, అనేక గ్లోబల్ ఫైనాన్షియల్ లో మాకు ట్రెజరీ కార్యకలాపాలు ఉన్నాయి లండన్, న్యూయార్క్, బ్రస్సెల్స్, మారిషస్, నస్సావు, దుబాయ్ లతో సహా కేంద్రాలు ఈ ప్రక్రియలో ఉంది. [3]
శాఖలు
![](http://upload.wikimedia.org/wikipedia/commons/thumb/d/d4/Bank_of_Baroda%2C_Manchester.jpg/220px-Bank_of_Baroda%2C_Manchester.jpg)
భారతదేశంలో ఈ బ్యాంకుకు 5000కు పైగా శాఖలు ( ప్రత్యేక శాఖలతో సహా) అన్ని రాష్ట్రాలు/ కేంద్రపాలిత ప్రాంతాలలో విస్తరించినది. బ్యాంక్ ఆఫ్ బరోడా 59 జోనల్ కార్యాలయాల, 10 NBG కార్యాలయాల ద్వారా నియంత్రించబడతాయి. విదేశాల్లో 45 బ్రాంచీలు/ఆఫీసులు ఉన్నాయి, వీటిలో 23 స్వంత బ్రాంచీలు, 1 రిప్రజెంటేటివ్ ఆఫీసు, 4 సబ్సిడీలు(20 బ్రాంచీలు), 1 జాయింట్ వెంచర్ ఉన్నాయి. బ్యాంక్ 1997 సంవత్సరంలో తన మొదటి పబ్లిక్ ఇష్యూతో ముందుకు వచ్చింది. ఫిబ్రవరి 2008 సంవత్సరంలో క్వాలిఫైడ్ ఇనిస్టిట్యూషన్స్ ప్లేస్ మెంట్ ని అనుసరించింది. [4]