బెజ్జంకి లక్ష్మీనరసింహాస్వామి దేవాలయం

గ్రామంలోని 17ఎకరాల స్థలంలో 200 అడుగుల ఎత్తున్న నల్లని ఏకశిలపై లక్ష్మీనరసింహస్వామి దేవాలయం వెలసింది. 1053లో కళ్యాణీ చాళుక్య చక్రవర్తి త్రైలోకమల్ల సోమేశ్యరుని శనిగరం శాశనంలో బెజవాంక గ్రామంలో భూమి శనిగరంలోని మధుపేశ్వరస్వామి మాన్యంగా ఇచ్చినట్టు ప్రస్తావించబడింది. కాకతీయుల కాలంలో కాటయ రుద్రుని మంత్రి ఇక్కడ ఒక శివాలయం కూడా కట్టించారు. ఒకనాటి కలలో తాను శివునితో పాటు అవతరించానని నరసింహాస్వామి చెప్పడంతో ఆ సమీపంలోని గుహలలో వెలసిన నరసింహస్వామికి గుడి కట్టించారని బెజ్జంకి స్థలపురాణం చెబుతున్నది.

చైత్ర శుద్ధ సప్తమి నుండి పౌర్ణమి వరకు పన్నెండు రోజులపాటు ఇక్కడ బ్రహ్మోత్సవాలు (ఆండాళ్ కళ్యాణం, రథోత్సవం) జరుగుతాయి. ఈ ఉత్సవాలకు 25,000 మందికి పైగా భక్తులు ఇతర ప్రదేశాలనుండి కూడా విచ్చేస్తారు.^[3] ఎడ్లబండి పోటీలు కూడా నిర్వహించబడుతాయి.^[4]