బాబు బంగారం
బాబు బంగారం 2016, ఆగస్టు 12న విడుదలైన తెలుగు చలనచిత్రం.[2] సితార ఎంటర్టైన్మెంట్స్ పతాకంపై ఎస్. నాగవంశీ, పి.డి.వి. ప్రసాద్ నిర్మాణ సారథ్యంలో మారుతి దాసరి[3] దర్శకత్వం వహించిన ఈ చిత్రంలో దగ్గుబాటి వెంకటేష్, నయనతార[4][5][6] ప్రధాన పాత్రల్లో నటించగా, జిబ్రాన్ సంగీతం అందించాడు.[7]
బాబు బంగారం | |
---|---|
![]() బాబు బంగారం సినిమా పోస్టర్ | |
దర్శకత్వం | మారుతి దాసరి |
రచన | డార్లింగ్ స్వామి (మాటలు) |
స్క్రీన్ ప్లే | మారుతి |
కథ | మారుతి |
నిర్మాత | ఎస్. నాగవంశీ పి.డి.వి. ప్రసాద్ ఎస్. రాధకృష్ణ (సమర్పణ) |
తారాగణం | దగ్గుబాటి వెంకటేష్ నయనతార |
ఛాయాగ్రహణం | రిచర్డ్ ప్రసాద్ |
కూర్పు | ఎస్.బి. ఉద్ధవ్ |
సంగీతం | జిబ్రాన్ |
నిర్మాణ సంస్థ | సితార ఎంటర్టైన్మెంట్స్ |
పంపిణీదార్లు | హరిక & హసిని క్రియేషన్స్ |
విడుదల తేదీ | 12 ఆగస్టు 2016 |
సినిమా నిడివి | 150 నిముషాలు |
దేశం | భారతదేశం |
భాష | తెలుగు |
బడ్జెట్ | ₹28 crore (US$3.5 million) |
బాక్సాఫీసు | ₹46.2 crore (US$5.8 million)[1] |
బాబు బంగారం సెన్సార్ బోర్డు నుండి యు/ఏ సర్టిఫికేట్ పొందింది.[8] తెలుగు సినిమాతోపాటు సెల్వి అనే తమిళ అనువాదం కూడా విడుదలైంది.[9]
కథా నేపథ్యం
తనవల్ల ఎవరూ బాధ పడకూడదని ఆలోచించే జాలి గల పోలీస్ ఆఫీసర్ కృష్ణ (వెంకటేష్) కు కష్టాల్లో ఉన్న శైలజ (నయనతార) పరిచయం అవుతుంది. తొలిచూపులోనే శైలజను ఇష్టపడి తనకు అండగా ఉండాలనుకుంటాడు. శైలజ బావ బాబ్జీ (పృథ్వీ) ద్వారా తన కుటుంబానికి దగ్గరై శైలజకు ఉన్న ఒక్కో సమస్యను తీరుస్తుంటాడు. ఒకరోజు శైలజ తండ్రి శాస్త్రి (రాధారవి) ఒక కేసులో ఇరుక్కొని పోలీసులకు దొరకకుండా తప్పించుకొని తిరుగుతుంటాడు. అదే సమయంలో శాస్త్రిని చంపడానికి మల్లేశ్ యాదవ్ (సంపత్) ప్రయత్నిస్తుంటాడు. మల్లేశ్ కు ఎమ్మెల్యే పుచ్చయ్య (పోసాని కృష్ణమురళి) ఫుల్ సపోర్ట్ ఇస్తాడు. శైలజ తండ్రిని మల్లేశ్ యాదవ్ ఎందుకు చంపడానికి ప్రయత్నిస్తున్నాడు, కృష్ణ కావాలనే శైలజ కుటుంబానికి దగ్గరయ్యడా అనేది మిగతా కథ.[10][11]
నటులు
- వెంకటేష్ (ఏసిపి కృష్ణ/బాబు బంగారం)
- నయనతార (శైలజ)
- సంపత్ రాజ్ (మల్లేష్ యాదవ్)
- పోసాని కృష్ణ మురళి (ఎమ్మెల్యే పుచ్చప్ప)
- బ్రహ్మానందం (మ్యాజిక్ మంగమ్మ)
- మురళీ శర్మ (కమీషనర్)
- జయప్రకాష్ (శాస్త్రి)
- వెన్నెల కిషోర్ (ఎస్సై కిషోర్)
- బ్రహ్మాజీ (సిఐ)
- రజిత (శైలజ తల్లి)
- షావుకారు జానకి (శైలజ నానమ్మ)
- పృథ్వీరాజ్ (బత్తాయి బాబ్జీ)
- మామిళ్ళ శైలజ ప్రియ (మల్లేష్ యాదవ్ భార్య)
- ఫిష్ వెంకట్ (పుచ్చప్ప సేవకుడు)
- రఘుబాబు
- అనంత్
- మస్త్ ఆలీ
- రాజా రవీంద్ర (ఇన్స్పెక్టర్)
- ప్రభాస్ శ్రీను (దొంగ)
- గుండు సుదర్శన్ (పూజారి)
- గిరిధర్ (కానిస్టేబుల్)
- అరవింద్
- జబర్దస్త్ చంద్ర
- మీనా
- పావలా శ్యామల
- రాగిణి
- వేణు
- నిక్ సులేర్ (డ్యాన్సర్)
- సోనమ్ బజ్వా (పాటలో)[12]
సాంకేతికవర్గం
- కథ, చిత్రానువాదం, దర్శకత్వం: మారుతి దాసరి
- నిర్మాత: ఎస్. నాగవంశీ, పి.డి.వి. ప్రసాద్
- సమర్పణ: ఎస్. రాధకృష్ణ
- మాటలు: డార్లింగ్ స్వామి (మాటలు)
- సంగీతంజిబ్రాన్
- ఛాయాగ్రహణంరిచర్డ్ ప్రసాద్
- కూర్పుఎస్.బి. ఉద్ధవ్
- నిర్మాణ సంస్థ: సితార ఎంటర్టైన్మెంట్స్
- పంపిణీదారు: హరిక & హసిని క్రియేషన్స్
నిర్మాణం
ఈ చిత్రం 2015, డిసెంబరు 16న హైదరాబాదులో ప్రారంభించబడి, మరుసటి రోజు చిత్రీకరణ ప్రారంభమైంది.[13][14] ఈ చిత్ర ఫస్ట్లుక్ పోస్టర్ 2016, ఏప్రిల్ 7న ఉగాది సందర్భంగా విడుదలైంది.[15]
పాటలు
బాబు బంగారం | ||||
---|---|---|---|---|
సినిమా by జిబ్రాన్ | ||||
Released | 24 జూలై 2016 | |||
Recorded | 2016 | |||
Genre | పాటలు | |||
Length | 25:01 | |||
Label | ఆదిత్యా మ్యూజిక్ | |||
Producer | జిబ్రాన్ | |||
జిబ్రాన్ chronology | ||||
|
ఈ చిత్రానికి జిబ్రాన్ సంగీతం అందించాడు. ఆదిత్యా మ్యూజిక్ ద్వారా పాటలు విడుదలయ్యాయి. 2016, జూలై 24న హైదరాబాదులో జరిగిన పాటల విడుదల కార్యక్రమంలో సినీ దర్శకుడు దాసరి నారాయణరావు, సినీ నటుడు నాని, నటి లావణ్య త్రిపాఠి పాల్గొన్నారు.[16]
సం. | పాట | పాట రచయిత | గాయకులు | పాట నిడివి |
---|---|---|---|---|
1. | "మల్లెల వానలా (రచన: రామజోగయ్య శాస్త్రి)" | రామజోగయ్య శాస్త్రి | నరేష్ అయ్యర్ | 4:05 |
2. | "స్నేహితుడో (రచన: శ్రీమణి)" | శ్రీమణి | రంజిత్ | 4:07 |
3. | "దండమే ఎట్టుకుంటం (రచన: భాస్కరభట్ల రవికుమార్)" | భాస్కరభట్ల రవికుమార్ | గోల్డ్ దేవరాజు | 4:08 |
4. | "ధిల్లున్న వాడే (రచన: శ్రీమణి)" | శ్రీమణి | ధనుంజయ్, రామీ | 3:07 |
5. | "రాక రాక (రచన: రామజోగయ్య శాస్త్రి)" | రామజోగయ్య శాస్త్రి | చిన్మయి, యాజిన్ నిజార్ | 4:15 |
6. | "టిక్కు టిక్కంటూ (రచన: కాసర్ల శ్యామ్)" | కాసర్ల శ్యామ్ | నరేంద్ర, ఉమ నేహ | 1:42 |
7. | "బాబు బంగారం" | థీమ్ మ్యూజిక్ | షబీర్ | 3:14 |
మొత్తం నిడివి: | 25:01 |
విడుదల - స్పందన
2016, ఆగస్టు 12న ప్రపంచవ్యాప్తంగా విడుదలయింది.[17] 2017లో రివాల్వర్ రాజా పేరుతో హిందీలోకి అనువాదం చేయబడింది.[18] 123తెలుగు.కాంలో ఈ చిత్రాన్ని కుటుంబ కథా చిత్రంగా పేర్కొనడమేకాకుండా 3.25 రేటింగ్ కూడా ఇచ్చింది.[19]