ప్రతీక్షా లోన్కర్

ప్రతీక్షా లోన్కర్ మహారాష్ట్రలోని ఔరంగాబాద్‌లో జన్మించింది. తండ్రి డాక్టర్, తల్లి ఉపాధ్యాయురాలు. ప్రతిక్షా 10వ తరగతి వరకు పాఠశాల విద్యను పూర్తిచేసిన తర్వాత, కళారంగం మీద అభిరుచితో నాటకరంగంలోకి వెళ్ళింది.^[2]

నటనపై ఉన్న ఆసక్తితో ముంబైకి వెళ్ళి మరాఠీ, హిందీ టీవీ సీరియల్స్‌లో నటించింది. డిడి సహ్యాద్రిలో వచ్చిన దామిని సీరియల్ లో దామిని పాత్ర పోషించింది.^[3][4] హిందీ టీవీ సీరియల్ కహానీ నహీ....జీవన్ హై మరాఠీలో వసుధగా రీమేక్ చేయబడింది. ఈ రెండు సీరియల్స్‌లో కూడా ప్రధాన పాత్ర పోషించింది.^[5] దూరదర్శన్‌లో ముద్దుపెట్టుకున్న మొదటి మహిళా నటి ప్రతిక్షా. బ్యోమకేష్ బక్షి ఎపిసోడ్‌లో వ్యాంప్‌గా నటిస్తున్నప్పుడు ముద్దు పెట్టుకుంది.

టీవీ సీరియల్స్‌తోపాటు అనేక మరాఠీ, హిందీ సినిమాలలో కూడా నటించింది. 2002లో వచ్చిన భేట్ అనే మరాఠీ సినిమాలో విడాకుల తర్వాత కొడుకు నుండి విడిపోయిన సుధ అనే తల్లి పాత్రలో నటించి అవార్డులు, ప్రశంసలు అందుకుంది.^[6] 2007 ఏవ్‌దే సే ఆభాల్‌లో ఒక చిన్న పిల్లవాడికి తల్లిగా నటించింది. నగేష్ కుకునూర్ దర్శకత్వం వహించిన ఇక్బాల్, దోర్, ఆశేయిన్, మోడ్ అనే నాలుగు సినిమాలతోపాటు పలు బాలీవుడ్ సినిమాలలో నటించింది.

మరాఠీ స్క్రీన్ ప్లే రచయిత ప్రశాంత్ దాల్వీని వివాహం చేసుకున్నది.^[7][8]

• 2003 – మహారాష్ట్ర టైమ్స్ (మాతా) భేట్ కోసం సన్మాన్^[13][14]
• 2003 – భేట్ కోసం మరాఠీ చిత్రంలో ఉత్తమ నటిగా స్టార్ స్క్రీన్ అవార్డు 
• 2007 – పూణే ఇంటర్నేషనల్ ఫిల్మ్ ఫెస్టివల్‌లో ఏవ్‌దే సే ఆభాల్ కోసం ఉత్తమ నటి పురస్కారం^[15]
• 2008 – ఏవదే సే ఆభాల్ సినిమాలో ఉత్తమ నటి పురస్కారం^[16]
• ప్రింట్ వ్యూ పబ్లికేషన్స్, లయన్స్ క్లబ్ ద్వారా వైభవ్ పురస్కారం^[17][18]

• ఇంటర్నెట్ మూవీ డేటాబేసు లో ప్రతీక్షా లోన్కర్ పేజీ