పూజా బేడి
పూజా బేడి (జననం 1970 మే 11) ఒక భారతీయ నటి, టెలివిజన్ టాక్ షో హోస్ట్. ఆమె వార్తాపత్రికల కాలమిస్ట్ కూడా. ఆమె రియాలిటీ టెలివిజన్ షోలు ఝలక్ దిఖ్లా జా, నాచ్ బలియే, ఫియర్ ఫ్యాక్టర్: ఖత్రోన్ కే ఖిలాడీ, బిగ్ బాస్లలతో ప్రజాదరణ పొందింది.
పూజా బేడీ | |
---|---|
![]() 2019లో పూజా బేడీ | |
జననం | [1] ముంబై, మహారాష్ట్ర, భారతదేశం | 1970 మే 11
వృత్తి | నటి, టెలివిజన్ వ్యాఖ్యాత, రిలేషన్ షిప్ కాలమిస్ట్ |
క్రియాశీల సంవత్సరాలు | 1991–2020 |
జీవిత భాగస్వామి | ఫర్హాన్ ఇబ్రహీం ఫర్నిచర్ వాలా (m. 1994; div. 2003) |
పిల్లలు | 2, అలయ ఎఫ్ తో సహా |
తల్లిదండ్రులు |
|
బాల్యం
భారతీయ శాస్త్రీయ నృత్యకారిణి ప్రొతిమా బేడీ, చలనచిత్ర నటుడు కబీర్ బేడీలకు బొంబాయిలో పూజా బేడీ జన్మించింది.[2] ఆమె బోహేమియన్ ప్రగతిశీల కళాత్మక వాతావరణం అని పిలిచే దానిలో పెరిగింది.
కెరీర్
బాలీవుడ్ చిత్రాలలో 1991 నుండి 1995 వరకు పూజా బేడి నటించింది. ఆమె అనేక వాణిజ్య ప్రకటనలు, ప్రచారాలలో కూడా కనిపించింది. ముఖ్యంగా కామసూత్ర కండోమ్ ప్రచారంతో ఆమె అందరికి గుర్తుండిపోయింది. ఈ ప్రకటనను ఆమోదించిన ఆమె ప్రజల్లో ఎయిడ్స్ పై అవగాహన పెంచడానికి కృషి చేసినట్టయింది.[3] ఆమె జగ్ ముంధ్రా చిత్రం విషకన్య (1991)తో సినీ రంగ ప్రవేశం చేసింది. ఆమె జో జీతా వోహీ సికిందర్ (1992)లో అమీర్ ఖాన్తో కలిసి నటించింది.
టైమ్స్ ఆఫ్ ఇండియా, ది హిందుస్థాన్ టైమ్స్, మిడ్ డే వార్తాపత్రికలతో ఆమె కాలమిస్ట్గా చేసింది. అలాగే ఎల్'ఆఫీషియల్, ఫెమినా, ది వీక్తో సహా అనేక పత్రికలతో వ్యాసాలు రాసింది.[4]
వ్యక్తిగత జీవితం
పూజా బేడీ 1990లో పరిచయం అయిన పార్సీ, ఖోజా సంతతికి చెందిన గుజరాతీ ముస్లిం అయిన ఫర్హాన్ ఫర్నిచర్వాలాను వివాహం చేసుకుంది. వీరి వివాహం 1994 మే 6న జరిగింది. ఆ తర్వాత ఆమె ఇస్లాం మతంలోకి మారి నూర్జహాన్ అని పేరు మార్చుకుంది.[5][6][7] వారికి ఇద్దరు సంతానం కుమార్తె అలయా ఫర్నిచర్వాలా, కుమారుడు ఒమర్ ఫర్నిచర్వాలా. 2003లో పూజా బేడి, ఫర్హాన్ ఫర్నిచర్వాలాలు విడాకులు తీసుకున్నారు.[8] 2019 ఫిబ్రవరిలో తిరిగి ఆమెకు మానెక్ కాంట్రాక్టర్ అనే పార్సీతో నిశ్చితార్థం జరిగింది.[9]
ఫిల్మోగ్రఫీ
Year | Title | Role | Director |
---|---|---|---|
1991 | విషకన్య | ప్రధాన పాత్ర | జగ్ ముంద్రా |
1992 | జో జీత వోహి సికందర్ | సపోర్టింగ్ రోల్ | మన్సూర్ ఖాన్ |
1993 | లూటరే | ధర్మేష్ దర్శన్ | |
చిట్టెమ్మ మొగుడు | మోహన్ బాబుతో కలిసి నటించింది | ||
ఫిర్ తేరీ కహానీ యాద్ ఆయీ | మహేష్ భట్ | ||
1995 | ఆటంక్ హాయ్ ఆటంక్ | అతిథి | దిలీప్ శంకర్ |
2011 | శక్తి | ఫక్తూని | మెహర్ రమేష్ |
2020 | కామెడీ కపుల్ | జోహ్రా | నచికేత్ సమంత్ |
టెలివిజన్
Year | Show | Role |
---|---|---|
2006 | ఝలక్ దిఖ్లా జా 1 | పోటీదారు |
2007 | నాచ్ బలియే 3 | |
2008 | బిగ్ బాస్ 2 | హోస్ట్ |
ఫియర్ ఫ్యాక్టర్: ఖత్రోన్ కే ఖిలాడి 1 | పోటీదారు | |
2011 | మా ఎక్స్ఛేంజ్ | |
బిగ్ బాస్ 5 | ||
2020 | మసాబ మసాబ | గీతా చోప్రా |