పూజా బేడి

భారతీయ శాస్త్రీయ నృత్యకారిణి ప్రొతిమా బేడీ, చలనచిత్ర నటుడు కబీర్ బేడీలకు బొంబాయిలో పూజా బేడీ జన్మించింది.^[2] ఆమె బోహేమియన్ ప్రగతిశీల కళాత్మక వాతావరణం అని పిలిచే దానిలో పెరిగింది.

బాలీవుడ్ చిత్రాలలో 1991 నుండి 1995 వరకు పూజా బేడి నటించింది. ఆమె అనేక వాణిజ్య ప్రకటనలు, ప్రచారాలలో కూడా కనిపించింది. ముఖ్యంగా కామసూత్ర కండోమ్ ప్రచారంతో ఆమె అందరికి గుర్తుండిపోయింది. ఈ ప్రకటనను ఆమోదించిన ఆమె ప్రజల్లో ఎయిడ్స్ పై అవగాహన పెంచడానికి కృషి చేసినట్టయింది.^[3] ఆమె జగ్ ముంధ్రా చిత్రం విషకన్య (1991)తో సినీ రంగ ప్రవేశం చేసింది. ఆమె జో జీతా వోహీ సికిందర్ (1992)లో అమీర్ ఖాన్‌తో కలిసి నటించింది.

టైమ్స్ ఆఫ్ ఇండియా, ది హిందుస్థాన్ టైమ్స్, మిడ్ డే వార్తాపత్రికలతో ఆమె కాలమిస్ట్‌గా చేసింది. అలాగే ఎల్'ఆఫీషియల్, ఫెమినా, ది వీక్‌తో సహా అనేక పత్రికలతో వ్యాసాలు రాసింది.^[4]

పూజా బేడీ 1990లో పరిచయం అయిన పార్సీ, ఖోజా సంతతికి చెందిన గుజరాతీ ముస్లిం అయిన ఫర్హాన్ ఫర్నిచర్‌వాలాను వివాహం చేసుకుంది. వీరి వివాహం 1994 మే 6న జరిగింది. ఆ తర్వాత ఆమె ఇస్లాం మతంలోకి మారి నూర్జహాన్ అని పేరు మార్చుకుంది.^[5][6][7] వారికి ఇద్దరు సంతానం కుమార్తె అలయా ఫర్నిచర్‌వాలా, కుమారుడు ఒమర్ ఫర్నిచర్‌వాలా. 2003లో పూజా బేడి, ఫర్హాన్ ఫర్నిచర్‌వాలాలు విడాకులు తీసుకున్నారు.^[8] 2019 ఫిబ్రవరిలో తిరిగి ఆమెకు మానెక్ కాంట్రాక్టర్ అనే పార్సీతో నిశ్చితార్థం జరిగింది.^[9]