పరిణయం
పరిణయం 2021లో విడుదలైన తెలుగు సినిమా. మలయాళంలో 2020లో విడుదలైన ‘వరనే అవశ్యముంద్’ సినిమాను తెలుగులో పరిణయం పేరుతో అనువాదం చేశారు.వేఫారెర్ ఫిలిమ్స్, ఎం స్టార్ట్ ఎంట‌ర్‌టైన్‌మెంట్స్ బ్యానర్ పై దుల్కర్ సల్మాన్ నిర్మించిన ఈ సినిమాకు అనూప్ సత్యన్ దర్శకత్వం వహించాడు. దుల్కర్ సల్మాన్, కల్యాణి ప్రియదర్శన్, సురేశ్‌గోపి, శోభన ప్రధాన పాత్రల్లో నటించిన ఈ సినిమా 24 సెప్టెంబర్ నుండి ‘ఆహా’ ఓటీటీలో స్ట్రీమింగ్‌ అయ్యింది.[1]
| పరిణయం | |
|---|---|
 | |
| దర్శకత్వం | అనూప్ సత్యన్ |
| రచన | అనూప్ సత్యన్ |
| దీనిపై ఆధారితం | వరనే అవశ్యముంద్ (మలయాళం సినిమా) |
| నిర్మాత | దుల్కర్ సల్మాన్ |
| తారాగణం | దుల్కర్ సల్మాన్, కల్యాణి ప్రియదర్శన్, సురేశ్‌గోపి, శోభన |
| ఛాయాగ్రహణం | ముఖేష్ మురళీధరన్ |
| కూర్పు | టోబి జాన్ |
| సంగీతం | అల్ఫాన్స్‌ జోసెఫ్‌ |
నిర్మాణ సంస్థలు | వేఫారెర్ ఫిలిమ్స్ , ఎం స్టార్ట్ ఎంట‌ర్‌టైన్‌మెంట్స్ |
విడుదల తేదీ | 2021 సెప్టెంబరు 24 |
| దేశం |  భారతదేశం |
| భాష | తెలుగు |
కథ
నీనా (శోభన) ఓ ఫ్రెంచ్ ట్యూట‌ర్‌. సింగిల్ పేరెంట్, కూతురు నికిత (కళ్యాణి ప్రియదర్శన్) తో కలిసి జీవనాధారంగా కోసం ఫ్రెంచ్ ట్యూషన్స్ , క్లాసికల్ డ్యాన్స్ క్లాసెస్ తీసుకుంటుంది. నికితాకు సరైన వ‌రుడిని వెతక‌డంలో నీనా బిజీగా ఉన్న స‌మయాన, ఆమెకు తన ప‌క్కింటిలో ఉండే మేజ‌ర్ చిన్నికృష్ణ (సురేశ్ గోపీ) తో అనుబంధం ఏర్ప‌డుతుంది. ఈ విషయం తెలిసిన నికిత తన తల్లిపై అయిష్టంగాపెరుగుతుంది. ఈ క్రమంలో ఆమె బిబీష్ (దుల్కర్ సల్మాన్) తో పరిచయం ఏర్పడి అది ప్రేమగా మారుతుంది. మ‌రి నీనా పెళ్లి విష‌యంలో మ‌రో నిర్ణ‌యం తీసుకుంటుందా ? మ‌రి కుమార్తె నికితా నుంచి ఆమె పెళ్లికి అంగీకారం దొరుకుతుందా? అనేదే మిగతా సినిమా కథ.[2]
నటీనటులు
- దుల్కర్ సల్మాన్
- కల్యాణి ప్రియదర్శన్
- సురేశ్‌గోపి
- శోభన
- కెపిఏసీ లలిత
- లాలూ అలెక్స్
సాంకేతిక నిపుణులు
- బ్యానర్: వేఫారెర్ ఫిలిమ్స్ , ఎం.స్టార్ట్ ఎంట‌ర్‌టైన్‌మెంట్స్
- నిర్మాత: దుల్కర్ సల్మాన్
- కథ, స్క్రీన్‌ప్లే , దర్శకత్వం: అనూప్ సత్యన్
- సంగీతం: అల్ఫాన్స్‌ జోసెఫ్‌
- సినిమాటోగ్రఫీ: ముఖేష్ మురళీధరన్