న్యాపతి నారాయణమూర్తి

ఎన్.జి.రంగా నడిపిన వాహిని వారపత్రికకు సంపాదకుడిగా పనిచేశాడు. ఆంధ్రవాణి పత్రికకు సంపాదకునిగా ఉన్నాడు. ఆంధ్రప్రభ దినపత్రికకు ఖాసా సుబ్బారావు తరువాత సంపాదకుడిగా వ్యవహరించాడు. ఆంధ్రప్రభలో పాన్-సుపారి అనే శీర్షికను నిర్వహించాడు. భారతి, కళింగ పత్రికలకు అనేక వ్యాసాలు వ్రాశాడు. జైభారత్ అనే పత్రికను స్థాపించి నిర్వహించాడు. విజయప్రభ పత్రికకు 1951లో సంపాదకుడిగా ఉన్నాడు.^[1]

ఇతడు సహాయనిరాకరణోద్యమంలో, విదేశీవస్తు బహిష్కరణ ఉద్యమంలో పాల్గొన్నాడు. మద్యం దుకాణాలవద్ద, విదేశీ షాపులవద్ద పికెటింగ్‌లో పాల్గొని 1922లో నెలరోజుల పాటు జైలుశిక్షను అనుభవించాడు. 1930లో ఉప్పు సత్యాగ్రహంలో పాల్గొని ఏడాదికి పైగా కారాగారంలో ఉన్నాడు.^[2]