జీవా (తమిళ నటుడు)

జీవా తన తండ్రి నిర్మించిన సినిమాల్లో రెండు చిన్న పాత్రల్లో బాలనటునిగా నటించాడు.2003లో ఆసాయ్ ఆసాయి అనే తమిళ సినిమాతో హీరోగా తెరంగేట్రం చేశాడు.^[3] ఆ తరువాత తితికుదే (2003), అమీర్ దర్శకత్వం వహించిన రామ్ (2005) వంటి సినిమాల్లో నటించాడు.^[4][5] రామ్ సినిమా గోవాలో జరిగిన సిప్రస్ అంతర్జాతీయ ఫిలిం ఫెస్టివల్ లో ప్రదర్శింపబడటమే కాక, ఉత్తమ నటుడు పురస్కారం అందుకోవడం విశేషం.

ఆ తరువాత జీవా డిష్యుం (2006) సినిమాలో నటించాడు.^[4][6] అతను అదే ఏడాది మలయాళ సినీ రంగంలో కీర్తి చక్ర సినిమాతో తెరంగేట్రం చేశాడు. ఆ సినిమానే తమిళ్ లో అరన్ పేరుతో డబ్ చేశాడు.^[7] ఆ తరువాత ఇ సినిమాలో నటించాడ.2007లో కత్తరదు తమిజ్ సినిమాలో నటించాడు .^[8][9] ఈ సినిమాలో ప్రభాకర్ పాత్రలో అతని నటనకు విమర్శకుల నుంచి ప్రశంసలు లభించాయి. 2007లో ఈ చిత్రం అతిపెద్ద హిట్ గా నిలిచింది.^{[10][8][9][11]} ఈ సినిమా కోసం గెడ్డం పెంచుకుని, వేషం మార్చుకున్నాడు.

దాంతో అతనిపై ఎన్నో విమర్శలు వచ్చాయి. ఈ విమర్శలు ఇతనిని మానసికంగా చాలా కుంగదీసాయని ఒక ఇంటర్వ్యూలో తెలిపాడు .^[12][13] ఈ పాత్రలో తను చాలా లీనమైపోయానని వివరించాడు.^[13][14] ఈ సినిమా మాత్రం కమర్షియల్ గా పెద్ద ఫ్లాప్ అయింది.^[15]

2009లో ఎం.రాజేష్ దర్శకత్వంలో శివ మనసుల శక్తి సినిమాలో నటించాడు. 2010లో కచేరీ అరంబం సింగం పులి చిత్రంలో ద్విపాత్రాభినయం చేశాడు. 2011లో కె.వి.ఆనంద్ దర్శకత్వంలో కో సినిమాలో నటించాడు ఈ సినిమాలోని అతని నటనకు విమర్శకుల, ప్రేక్షకుల ప్రశంసలు లభించాయి.^[16][17] ఆ తరువాత అతను చేసిన రోవితరం, వందనం వెండరాన్ సినిమాలు విజయం సాధించాయి. కానీ విమర్శనాత్మకంగా మిశ్రమ ఫలితాలు లభించాయి.^[18][19][20]

2012లో ఎస్.శంకర్ దర్శకత్వంలో నంబన్ అనే కామెడీ సినిమాలో నటించాడు. ఈ సినిమా అతి పెద్ద హిట్ అవడమే కాక, విమర్శనాత్మకంగా మంచి విజయం సాధించింది. జీవా నటనకు విమర్శకుల ప్రశంసలు లభించాయి.^[21] మిస్స్కిన్ దర్శకత్వంలో  ముగమూడి, గౌతమ్ మీనన్దర్శకత్వంలో నీతానే ఎన్ పొన్ వసంతం సినిమాల్లో నటించాడు.^[22] ఆ తరువాత డేవిడ్, ఎంద్రెండ్రుం పున్నగై సినిమాల్లో కనిపించాడు. 2014లో అతను నటించిన యాన్ చిత్రం ఫ్లాప్ అయింది. ఆ తరువాత నటించిన పొక్కిరీ రాజా సినిమా తన 25వ చిత్రం. ఈ సినిమా విజయవంతం కాకపోవడమే కాక, విమర్శనాత్మకంగా కూడా పెద్ద అపజయంగా నిలిచింది. ప్రస్తుతం ^{[ఎప్పుడు?]} నయనతారతో కలసి తిరునాల్ సినిమాలో నటిస్తున్నాడు

స్టార్ విజయ్ టీవీలోని జోడి నెంబర్ వన్ డాన్స్ కాంపిటేషన్ మూడో సీజన్ లో సంగీతా, ఐశ్వర్య రజనీకాంత్ లతో కలసి జీవా న్యాయనిర్ణేతగా వ్యవహరించాడు. 2011లో తన అన్న జితిన్ రమేష్ తో కలసి స్పైరల్ డ్రీమ్స్ అనే నిర్మాణ సంస్థ మొదలుపెడతామని ప్రకటించాడు. తన తండ్రిలాగా కొత్త దర్శకులను ప్రోత్సహించేందుకే నిర్మాణ సంస్థ పెట్టబోతున్నట్టు వివరించాడు.^[23]

సినీ నిర్మాత ఆర్.బి.చౌదరి, మహ్జాబీన్ లకు 1984 జనవరి 4, న తమిళనాడులోని చెన్నైలో జీవా జన్మించాడు.అతని అసలు పేరు అమర్. నలుగురు అన్నదమ్ముల్లో జీవా ఆఖరివాడు. వారి స్వంత బ్యానర్ సూపర్ గుడ్ ఫిలింస్ కు అతని పెద్ద అన్నయ్య బి.సురేష్ సహ యజమానిగా వ్యవహరిస్తున్నాడు. రెండో అన్నయ్య జీవన్ స్టీల్ ఇండస్ట్రీలో వ్యాపారవేత్తగా ఉండగా, మూడో అన్నయ్య జితిన్ రమేష్ తమిళ సినీరంగంలో ఉన్నాడు.

2007 నవంబరు 21 న అతని ఢిల్లీకి చెందిన చిన్ననాటి స్నేహితురాలు సుప్రియను జీవా వివాహం చేసుకున్నాడు .^[24] సుప్రియా ఎంబిఎ చదివి, ఇంటీరియర్ డిజైనర్ గా పనిచేస్తుంది. 1994లో టి నగర్ లో స్కూలులో చదువుకునేటప్పుడు వారిద్దరికీ మొదటి పరిచయం అయింది.^[25] 2010లో ఈ జంటకు స్పర్శ్ అనే కొడుకు పుట్టాడు.^[26]1998 నుంచి 2002 వరకు ఆర్. శేఖర్ వద్ద మంసురియా కుంగ్ ఫూ నేర్చుకున్నాడు.^[27]