చలపతిరావు తమ్మారెడ్డి
చలపతిరావు అలియాస్ తమ్మారెడ్డి చలపతిరావు (1944 మే 8 - 2022 డిసెంబరు 25) సుప్రసిద్ద తెలుగు సినీ నటుడు. ఇతను పన్నెండు వందల పైగా సినిమాల్లో పలు రకాలైన పాత్రల్లో నటించాడు. ఆయన స్వస్థలం కృష్ణాజిల్లా పామర్రు మండలంలోని బల్లిపర్రు. నాన్న పేరు మణియ్య. అమ్మ వియ్యమ్మది పక్కనే ఉన్న మామిళ్ళపల్లి . 1966లో విడుదలైన గూఢచారి 116 సినిమాతో ఆయన చిత్రపరిశ్రమలో అడుగుపెట్టాడు. కాగా తన చివరి చిత్రం 2021లో విడుదలైన బంగార్రాజు. ఎన్టీఆర్ కృష్ణ నాగార్జున చిరంజీవి వెంకటేష్ చిత్రాల్లో ఆయన సహాయ నటుడిగా ప్రతి నాయకుడిగా నటించి అందరి ప్రశంసలు అందుకున్నాడు కలియుగ కృష్ణుడు కడప రెడ్డమ్మ జగన్నాటకం పెళ్లంటే నూరేళ్లపంట తదితర సినిమాలకు చలపతిరావు నిర్మాతగా వ్యవహరించారు యమగోల యుగపురుషుడు డ్రైవర్ రాముడు అనార్కలి బాలకృష్ణుడు జస్టిస్ చౌదరి సర్దార్ రాముడు బొబ్బిలి పులి చట్టంతో పోరాటం దొంగరాముడు అల్లరి అల్లుడు అల్లరి నిన్నే పెళ్లాడతా నువ్వే కావాలి సింహాద్రి బన్నీ బొమ్మరిల్లు అరుంధతి సింహ దమ్ము లెజెండ్ ఇలా ఎన్నో వందల చిత్రాల్లో ఆయన కీలకపాత్రలు పోషించారు అనారోగ్య సమస్యలతో కొంతకాలంగా నటనకు దూరంగా ఉన్నా చలపతిరావు గుండెపోటుతో 2022 డిసెంబర్ 25న తెల్లవారుజామున తుది శ్వాస విడిచాడు
చలపతిరావు | |
|---|---|
 తమ్మారెడ్డి చలపతిరావు | |
| జననం | తమ్మారెడ్డి చలపతిరావు [1] 1944 మే 8 కృష్ణాజిల్లా పామర్రు మండలంలోని బల్లిపర్రు |
| మరణం | 2022 డిసెంబరు 25 (వయసు 78) హైదరాబాదు |
| మరణ కారణం | గుండెపోటు |
| సుపరిచితుడు/ సుపరిచితురాలు | నటుడు , నిర్మాత |
| జీవిత భాగస్వామి | ఇందుమతి |
| పిల్లలు | ఇద్దరు అమ్మాయిలు, ఒక అబ్బాయి రవిబాబు |
| తల్లిదండ్రులు |
|
వ్యక్తిగత వివరాలు
ఆయనకు ఇద్దరు అమ్మాయిలు, ఒక అబ్బాయి. ఆడపిల్లలు అమెరికాలో ఉంటారు. వాళ్లు ఇండియా వచ్చినప్పుడు పిల్లలందరితో కలిసి బల్లిపర్రు వెళుతుంటారు. అక్కడ ఉన్న వారికి స్వంత ఇల్లు, రెండెకరాలు పొలం ఉంది.
పాక్షిక సినీ జాబితా
నటుడుగా
నిర్మాతగా[17]
- కలియుగ కృష్ణుడు
- కడపరెడ్డెమ్మ
- జగన్నాటకం
- పెళ్లంటే నూరెళ్ల పంట
- ప్రసిడెంట్ గారి అల్లుడు
- అర్ధరాత్రి హత్యలు
- రక్తం చిందిన రాత్రి
మరణం
చలపతిరావు 78 సంవత్సరాల వయసులో హైదరాబాదులోని తన నివాసంలో గుండెపోటుతో కన్నుమూశారు.[18] ఆయన భార్య ఇందుమతి గతంలోనే అగ్ని ప్రమాదంలో చనిపోయింది. ఆయనకు కొడుకు రవిబాబు, ఇద్దరు కుమార్తెలు మాలినిదేవి, శ్రీదేవి ఉన్నారు.[19]