ఆశ్రిత దగ్గుబాటి

ఆశ్రిత 1990లో దగ్గుబాటి వెంకటేష్, నీరజ దంపతులకు మొదటి సంతానంగా ఆంధ్రప్రదేశ్‌లోని కారంచేడులో జన్మించింది. ఆమెకు చెల్లెల్లు హయవాహిని, భావన, అరుణ్ అనే తమ్ముడు ఉన్నారు. మాస్టర్స్ డిగ్రీ యూకే లో పూర్తిచేసింది.

సినీ పరిశ్రమ నేపథ్యం నుంచి వచ్చినప్పటికీ ఆమె ఏ సినిమాలోనూ నటించలేదు. ఆమె ఒక శిక్షణ పొందిన బేకర్. ఆమె ఇన్ఫినిటీ ప్లాటర్ ను స్థాపించి రామానాయుడు స్టూడియోలో బేకరీ స్టాల్స్‌ను ప్రారంభించింది. యూట్యూబర్, కంటెంట్ సృష్టికర్త కూడా అయిన ఆమె సోషల్ మీడియా ఇన్‌ఫ్లుయెన్సర్. ల‌క్ష‌కుపైగా ఫాలోవ‌ర్లతో హోప‌ర్ ఇన్‌స్టాగ్రామ్ రిచ్ లిస్ట్‌లో పేరు నమోదు చేసుకున్న ఆమె ఇన్‌స్టాగ్రామ్ పోస్టుల ద్వారా, అలాగే యూట్యూబర్ గా ఆదాయం సంపాదిస్తోంది.

ఇన్‌స్టాగ్రాంలో అధికంగా సంపాదిస్తున్న వారి జాబితాను హోపర్‌డాట్‌కాం అనే సంస్థ విడుదల చేసిన జాబితాలో ఆశ్రిత దగ్గుబాటి అంతర్జాతీయంగా 377, ఆసియాలో 27వ ర్యాంకులు సాధించింది.

ఆశ్రిత తన చిన్ననాటి స్నేహితుడు వినాయక్ రెడ్డిని 2019 మార్చి 24న వివాహం చేసుకుంది.^[3]