అల్లోల ఇంద్రకరణ్ రెడ్డి

ఇంద్రకరణ్ నిర్మల్ జిల్లా, నిర్మల్ మండలం ఎల్లపల్లిలో 1949 ఫిబ్రవరి 16న జన్మించాడు.^[4] ఈయన తండ్రి నారాయణరెడ్డి. ఇంద్రకరణ్ నిజామాబాదులోని గిరిజ ప్రభుత్వ కళాశాలలో బి.కాం, ఉస్మానియా విశ్వవిద్యాలయంలో ఎల్.ఎల్.బి చదివాడు.^[5]

1975 మే 4న విజయలక్ష్మితో వివాహం జరిగింది. వారికి ఇద్దరు కుమారులు.

ఉపాధ్యాయుడు, వ్యవసాయదారుడు.

1980ల ప్రారంభం నుండి క్రియాశీల రాజకీయాలలో ఉన్న ఇంద్రకరణ్, జిల్లా పరిషత్ ఛైర్మన్ కూడా పనిచేశాడు. 1999 నుండి 2009 వరకు కాంగ్రెస్ పార్టీ తరపున నిర్మల్ శాసనసభ నియోజకవర్గం సభ్యుడిగా ఎన్నికయ్యాడు. 2008లో ఉపఎన్నికల తర్వాత 14వ లోక్‌సభకు ఎన్నికయ్యాడు.^[1][6] 10వ లోక్‌సభలో తెలుగుదేశం పార్టీ సభ్యుడిగా ఉన్నాడు. 2018లో నిర్మల్ శాసనసభ నియోజకవర్గం నుండి పోటీ చేసి ఎమ్మెల్యేగా ఎన్నికయ్యాడు.^{[7][8][9][10]}

ఆయన 2023లో జరిగిన శాసనసభ ఎన్నికల్లో నిర్మల్ నుండి బీఆర్‌ఎస్‌ ఎమ్మెల్యే అభ్యర్థిగా పోటీ చేసి 18738 ఓట్ల తేడాతో ఓడిపోయాడు.^[11][12] అల్లోల ఇంద్రకరణ్ రెడ్డి 2024 లోక్‌సభ ఎన్నికలకు ముందు బీఆర్ఎస్ పార్టీకి రాజీనామా చేసి మే 01న కాంగ్రెస్ పార్టీ తెలంగాణ రాష్ట్ర వ్యవహారాల ఇంచార్జి దీపాదాస్ మున్షీ సమక్షంలో కాంగ్రెస్ పార్టీలో చేరాడు.^[13][14]

భారత జాతీయ కాంగ్రెస్ తరపున ఆదిలాబాదు లోక్‌సభ నియోజకవర్గం ఎమ్.పి.గా 10వ లోక్ సభ (1991-96),2008లో 14వ లోక్ సభ ఉపఎన్నికలలో ఎన్నికయ్యాడు.^[15][16]

• 1985 ఆదిలాబాద్ జిల్లా గ్రంథాలయ సంస్థ చైర్మన్^[17]
• 1987 మే 2- 1991 జూలై 1 ఆదిలాబాద్ జిల్లా ప్రజా పరిషత్ ఛైర్మన్
• తెలంగాణ రాష్ట్రం వచ్చిన తరువాత 2014లో కెసీఆర్ తొలి మంత్రివర్గంలో దేవాదాయ, గృహ నిర్మాణ, న్యాయశాఖల బాధ్యతలు నిర్వర్తించాడు. 2019లో కెసీఆర్ రెండవ మంత్రివర్గంలో దేవాదాయ, గృహ నిర్మాణ, న్యాయశాఖల, అటవీశాఖ మంత్రిగా ఉన్నాడు.^[18][19][20]

హాంకాంగ్, మలేసియా, సింగపూర్, శ్రీలంక, థాయిలాండ్, ఫిలిప్పీన్స్ దేశాలు సందర్శించాడు.

• సాంస్కృతిక కార్యక్రమాలలో పాల్గొన్నాడు.