2021 காபூல் வானூர்தி நிலையத் தாக்குதல்
- பக்கம்
- உரையாடல்
கருவிகள்
Actions
பொது
அச்சு/ஏற்றுமதி
பிற திட்டங்களில்
2021 காபூல் வானூர்தி நிலையத் தாக்குதல் | |
---|---|
![]() ஹமித் கர்சாய் பன்னாட்டு வானூர்தி நிலையத்திலிருந்து வெளிநாட்டவர்களை ஆப்கனிலிருந்து வெளியேற்றும் பணியில் அமெரிக்கத் துருப்புகள் | |
![]() | |
இடம் | ஹமித் கர்சாய் பன்னாட்டு வானூர்தி நிலையம், காபூல், ஆப்கானித்தான் |
ஆள்கூறுகள் | 34°33'31"N 69°13'13"E |
நாள் | 26 ஆகத்து 2021 (2021-08-26) 17:50 (UTC+04:30) |
தாக்குதலுக்கு உள்ளானோர் | ஆப்கானிய மக்கள், வெளிநாட்டுத் துருப்புகள் மற்றும் தாலிபான்கள் |
தாக்குதல் வகை | தற்கொலை குண்டு வெடிப்பு[1][2] |
இறப்பு(கள்) | 182+[3] |
காயமடைந்தோர் | 150+[4][5] |
தாக்கியோர் | இசுலாமிய அரசு, கொராசான்[6][7] |
2021 காபூல் வானூர்தி நிலையத் தாக்குதல் (2021 Kabul airport attack) அமெரிக்க அரசும், தாலிபான்களும் செய்து கொண்ட 2020-ஆம் ஆண்டின் தோகா ஒப்பந்தப்படி 31 ஆகஸ்டு 2021-ஆம் தேதிக்குள் ஆப்கானித்தானில் வாழும் வெளிநாட்டினர் ஹமித் கர்சாய் பன்னாட்டு வானூர்தி நிலையத்திலிருந்து வானூர்திகள் மூலம் வெளியேறும் நடவடிக்கைகளில், 16 ஆகஸ்டு 2021-ஆம் நாளிலிருந்து அமெரிக்கா மற்றும் பிரித்தானியத் துருப்புகள் ஈடுப்பட்டிருந்தனர். இதனிடையே ஆப்கானித்தான் நாட்டின் தலைநகரான காபூலில் உள்ள ஹமித் கர்சாய் பன்னாட்டு வானூர்தி நிலைத்தின் கிழக்கு நுழைவாயில் அருகே மற்றும் அதனருகே அமைந்த விடுதி அருகில் 26 ஆகஸ்டு 2021 அன்று மாலையில் நடைபெற்ற 2 தற்கொலை குண்டு வெடிப்பு தாக்குதல்கள் நடைபெற்றது.[1] [8][9][10][11] இந்த தாக்குதல்களில் ஆப்கானியர்கள் உள்ளிட்ட 182 பேர் கொல்லப்பட்டனர். இதில் 13 அமெரிக்கத் துருப்புகளும், 2 பிரித்தானியத் துருப்புகளும் அடங்குவர். மேலும் 150க்கும் மேலானோர் குண்டு வெடிப்பில் காயமுற்றனர்.[12] இந்த தற்கொலை குண்டு வெடிப்பு தாக்குதல்களுக்கு ஆப்கானில் செயல்படும் இசுலாமிய அரசு, கொராசான் தீவிரவாதக் குழுவினர் பொறுப்பேற்றனர்.[13]
27 ஆகஸ்டு 2021 அன்று அமெரிக்கா ஆளில்லா போர் விமானகள் ஆப்கானித்தானின் கிழக்கில், பாகிஸ்தானின் கைபர் பக்துவா மாகாணத்தின் எல்லையில் அமைந்த நங்கர்கார் மாகாணத்தில் ஒளிந்து செயல்படும், காபூல் விமான நிலைய தாக்குதல்களுக்கு திட்டமிட்ட இசுலாமிய அரசு, கொராசான் தீவிரவாதக் குழுவினர் மீது வான் தாக்குதல்கள் நடைபெற்றதாக அமெரிக்கா கூறியது.[14][15]