வினோ நோகராதலிங்கம்
சுப்பிரமணியம் நோகராதலிங்கம், அல்லது பொதுவாக வினோ நோகராதலிங்கம் (பிறப்பு: சூன் 7, 1963) என்பவர் இலங்கைத் தமிழ் அரசியல்வாதியும், நாடாளுமன்ற உறுப்பினரும் ஆவார்.[1] இவர் முல்லைத்தீவு, புதுக்குடியிருப்பைப் பிறப்பிடமாகக் கொண்டவர்.
வினோ நோகராதலிங்கம் Vino Noharathalingam | |
|---|---|
| இலங்கை நாடாளுமன்ற உறுப்பினர் | |
பதவியில் உள்ளார் | |
| பதவியில் ஆகத்து 2020 | |
| தொகுதி | வன்னி மாவட்டம் |
| பதவியில் 2004–2015 | |
| தொகுதி | வன்னி மாவட்டம் |
| பதவியில் 2000–2001 | |
| தொகுதி | வன்னி மாவட்டம் |
| தனிப்பட்ட விவரங்கள் | |
| பிறப்பு | சுப்பிரமணியம் நோகராதலிங்கம் 7 சூன் 1963 |
| அரசியல் கட்சி | தமிழீழ விடுதலை இயக்கம் |
| பிற அரசியல் தொடர்புகள் | தமிழ்த் தேசியக் கூட்டமைப்பு |
அரசியலில்
டெலோ என்ற தமிழீழ விடுதலை இயக்கத்தைச் சேர்ந்த வினோ நோகராதலிங்கம் அக்டோபர் 2000 நாடாளுமன்றத் தேர்தலில் தமிழ்த் தேசியக் கூட்டமைப்பின் பட்டியலில் வன்னி மாவட்டத்தில் போட்டியிட்டு நாடாளுமன்றம் சென்றார்.[2] 2001 அக்டோபர் 20 இல் அகில இலங்கைத் தமிழ்க் காங்கிரஸ், ஈழமக்கள் புரட்சிகர விடுதலை முன்னணி, டெலோ, தமிழர் விடுதலைக் கூட்டணி ஆகிய கட்சிகள் இணைந்து தமிழ்த் தேசியக் கூட்டமைப்பு (ததேகூ) என்ற அரசியல் கூட்டை ஆரம்பித்தன.[3][4] டிசம்பர் 2001 தேர்தலில் இவர் டெலோ சார்பில் ததேகூ வேட்பாளராக போட்டியிட்டுத் தேர்வாகவில்லை.[5][6][7]
ஏப்ரல் 2004 தேர்தலில் மீண்டும் போட்டியிட்டுத் தெரிவு செய்யப்பட்டார்.[8] பின்னர் ஏப்ரல் 2010 தேர்தலிலும் தமிழ்த் தேசியக் கூட்டமைப்பின் வேட்பாளராகப் போட்டியிட்டு வெற்றி பெற்றார்.[9][10] 2015 நாடாளுமன்றத் தேர்தலில் மீண்டும் போட்டியிட்டு ததேகூ உறுப்பினர்களிடையே ஆறாவதாகத் தெரிவாகி, நாடாளுமன்ற வாய்ப்பை இழந்தார்.[11][12][13]
நோகராதலிங்கம் 2020 நாடாளுமன்றத் தேர்தலில் வன்னி மாவட்டத்தில் மீண்டும் ததேகூ வேட்பாளராகப் போட்டியிட்டு நாடாளுமன்றத்திற்கு மீண்டும் தேர்ந்தெடுக்கப்பட்டார்.[14][15][16]
தேர்தல் வரலாறு
| தேர்தல் | தொகுதி | கட்சி | கூட்டணி | வாக்குகள் | முடிவு | ||
|---|---|---|---|---|---|---|---|
| 2000 நாடாளுமன்றம்[2] | வன்னி மாவட்டம் | தமிழீழ விடுதலை இயக்கம் | 10,959 | தெரிவு | |||
| 2001 நாடாளுமன்றம் | வன்னி மாவட்டம் | தமிழீழ விடுதலை இயக்கம் | தமிழ்த் தேசியக் கூட்டமைப்பு | தெரிவு செய்யப்படவில்லை | |||
| 2004 நாடாளுமன்றம்[8] | வன்னி மாவட்டம் | தமிழீழ விடுதலை இயக்கம் | தமிழ்த் தேசியக் கூட்டமைப்பு | 28,252 | தெரிவு | ||
| 2010 நாடாளுமன்றம்[17] | வன்னி மாவட்டம் | தமிழீழ விடுதலை இயக்கம் | தமிழ்த் தேசியக் கூட்டமைப்பு | 12,120 | தெரிவு | ||
| 2015 நாடாளுமன்றம்[12] | வன்னி மாவட்டம் | தமிழீழ விடுதலை இயக்கம் | தமிழ்த் தேசியக் கூட்டமைப்பு | 17,721 | தெரிவு செய்யப்படவில்லை | ||
| 2020 நாடாளுமன்றம்[18] | வன்னி மாவட்டம் | தமிழீழ விடுதலை இயக்கம் | தமிழ்த் தேசியக் கூட்டமைப்பு | 15,180 | தெரிவு | ||