வார் (பொறிமுறை)

பொறிமுறையில் வார் [ஆங்கிலத்தில் belt (mechanical)] என்பது, வளைந்து கொடுக்கும் தன்மையுடைய பொருளினால் செய்யப்பட்ட வளைய வடிவ சாதனமாகும். இயந்திர பாகமான வார், பொதுவாக இரண்டு அல்லது அதற்கு மேற்பட்ட சுழலும் தண்டுகளை பொறிமுறையில் இணைக்கிறது.

வார்கள் பொதுவாக இயக்கத்தின் மூலங்களாகவோ, ஆற்றலை அதிகத் திறனுடன் மாற்றவோ அல்லது ஒப்பு-நகர்விற்காகவோ பயன்படுத்தப்படுகின்றன. இயக்கத்தின் மூலமாக செயல்படுதலுக்கு சுமந்து-செல்லி வாரை (conveyor belt) உதாரணமாகக் கூறலாம். இங்கு வாரானது இரு புள்ளிகளுக்கிடையே சுமைகளை தொடர்ச்சியாகக் கொண்டு செல்கிறது.