லெக்டின்

லெக்டின்கள் (Lectin) கார்போஹைட்ரேட்டுகளோடு பிணையும் புரதங்கள்.^[1] இயற்கையில் எல்லா உயிரினங்களிலும் லெக்டின்கள் காணப்படுகின்றன. ஒரு செல்லுக்கும் மற்றொரு செல்லுக்கும் இடையிலான தொடர்பாடலில் லெக்டின்கள் முக்கியப் பங்காற்றுகின்றன.

லெக்டின்கள் அவை பிணையும் கார்போஹைட்ரேட்டைப் பொருத்த அளவில் தனித்துவம் உடையவை. மானோசு பிணையும் லெக்டின் மானோசு-6-பாசுஃபேட்டை அடையாளம் கண்டு பிணையக் கூடியது.

சோயாபீன்சு போன்ற லெகூம் தாவர விதைகளில் அதிக அளவில் லெக்டின்கள் காணப்படுகின்றன. இவற்றைச் சமைக்கும் போது லெக்டின்களின் கார்போஹைட்ரேட்டுகளுடன் பிணையும் திறன் அழிந்து விடுகிறது. சரிவரச் சமைக்காமது இவற்றை உண்பது வயிற்றுக் கோளாறுகளை உண்டாக்கும்.