மாதவரம் மண்டலம் (சென்னை மாநகராட்சி)

மாதவரம் வட்டம் , தமிழ்நாட்டின் திருவள்ளூர் மாவட்டத்தில் உள்ள வட்டங்களில் ஒன்றாக இருந்தது. புழல் மற்றும் மாதவரம் என இரண்டு உள்வட்டங்களும், 25 வருவாய் கிராமங்களும் கொண்டிருந்தது.^[1] இதில் மாதவரம் உள்வட்டத்தின் 9 வருவாய் கிராமங்கள் சென்னை மாநகராட்சியுடன் இணைக்கப்பட்டது.

பெருநகர சென்னை மாநகராட்சியை விரிவாக்கம் செய்த போது^[2] மாதவரம் உள்வட்டத்தின் மாதவரம் 1, மாதவரம் 2, மாத்தூர், மஞ்சம்பாக்கம், கொசப்பூர், புத்தகரம், செங்குன்றம், கதிர்வேடு மற்றும் சூரப்பட்டு என 9 வருவாய் கிராமங்களை சென்னை மாநகராட்சியின் மாதவரம் மண்டல எண் 3-இல் இணைக்கப்பட்டது. மாதவரம் மண்டலத்தில் வார்டு எண்கள் 22 – 33 வரை உள்ளது.^[3]