மறைப்பணியாளர்
மறைப்பணியாளர் (missionary) என்பவர் ஒரு சமயத்தின் நம்பிக்கைகளைப் பரப்புரை செய்வதற்காகவும், கல்வி, எழுத்தறிவு, சமூக நீதி, சுகாதாரப் பாதுகாப்பு, பொருளாதார மேம்பாடு போன்ற திருப்பணிச் சேவைகளுக்காகவும் நாடொன்றுக்கோ அல்லது ஒரு பிரதேசத்திற்கோ அனுப்பப்படும் ஒரு மதக்குழு உறுப்பினரைக் குறிக்கும்.[1][2]
விவிலியத்தின் இலத்தீன் மொழிபெயர்ப்பில், இயேசு கிறிஸ்து தனது பெயரில் நற்செய்திகளைப் பிரசங்கிக்க சீடர்களை அனுப்பும்போது இந்தச் சொல்லைப் பயன்படுத்துகிறார். இச்சொல் பொதுவாக கிறிஸ்தவப் பணிக்காகப் பயன்படுத்தப்படுகிறது, ஆனால் எந்தச் சமயத்திற்கும் அல்லது சித்தாந்தத்திற்கும் இச்சொல்லைப் பயன்படுத்தப்படலாம்.[3]
1598 ஆம் ஆண்டு முதல் இயேசு சபை தனது உறுப்பினர்களை வெளிநாடுகளுக்கு அனுப்பியபோது, இலத்தீன் சொல்லான missionem ("மிசியோ" என்றால் 'அனுப்பும் செயல்') அல்லது மிட்டேர் mittere, 'அனுப்புதல்' என்று பொருளில் 'மிசனரி' என்ற சொல்லைப் பயன்படுத்தினார்கள்.[4]