மணிப்பூர் புதர் காடை
| மணிப்பூர் புதர் காடை Manipur bush quail | |
|---|---|
 | |
| உயிரியல் வகைப்பாடு | |
| திணை: | |
| பிரிவு: | |
| வகுப்பு: | |
| வரிசை: | கல்லிபார்ம்சு |
| குடும்பம்: | பெசினிடே |
| பேரினம்: | பெர்டிகுலா |
| இனம்: | பெ. மாணிப்பூரென்சிசு |
| இருசொற் பெயரீடு | |
| பெர்டிகுலா மாணிப்பூரென்சிசு ஹூயும், 1888 | |
மணிப்பூர் புதர் காடை (பெர்டிகுலா மாணிப்பூரென்சிசு) என்பது வடகிழக்கு இந்தியா மற்றும் பங்களாதேஷில் காணப்படும் காடை வகைகளுள் ஒன்றாகும். இது ஈரமான புல்வெளி பகுதிகளில் உயரமான புற்களுக்கு இடையே வாழ்கிறது.[2] 1881ஆம் ஆண்டில் மணிப்பூருக்குப் பயணம் மேற்கொண்ட பறவை இயல் வல்லுநர் ஆலன் ஆக்டேவியன் ஹ்யூம் என்பவர் இதனைச் சேகரித்து முதன் முதலில் விவரித்தார்.
பெர்டிகுலா மாணிப்பூரென்சிசு பன்னாட்டு இயற்கைப் பாதுகாப்புச் சங்கத்தின் செம்பட்டியலில் அருகிவிட்ட இனம் எனச் சிற்றினப்பட்டியலில் இடப்பட்டுள்ளது.[1] இதனுடைய சிறிய வாழிடப்பகுதி துண்டாக்கப்படுவதுடன், ஆக்கிரமிக்கப்படுவதால் குறைந்து வருகின்றது.
1932 முதல் ஜீன் 2006 வரை இப்பறவையினை அன்வர்தீன் சவுத்ரி என்பவர் அசாமில் காணும் வரை எவரும் பார்த்ததாகத் தகவல்கள் இல்லை.[3][4]
இந்திய வனவிலங்கு அறக்கட்டளையின் பாதுகாப்பு இயக்குநர் ராகுல் கவுல் மேற்கோள் காட்டி பிபிசி செய்தி, “இந்த உயிரினம் கிட்டத்தட்ட அழிவிலிருந்து மீண்டதாகத் தெரிவிக்கின்றது"[3]
வரலாறு
1899அம் ஆண்டில் பிராங் பின், கேப்டன் வூட்டின் கள ஆய்வுக் குறிப்புகளை அடிப்படையாகக் கொண்டு இந்த இனங்கள் கடந்த காலங்களில் பொதுவானவை என்று குறிப்பிட்டார்.[5] மணிப்பூர் வனப்பகுதியில் காட்டு தீ விபத்துக்களில் பொதுவாகப் பாதிக்கப்படுவதால் உள்ளூர் மொழியில் லான்ஸ்-சோய்போல் அதாவது "பொறி காடை" என்று பொருள்படும் வகையில் குறிப்பிடுகின்றனர்.[6]