பென்சிலிடின் அசிட்டால்

பென்சிலிடின் அசிட்டால் (Benzylidene acetal) என்பது C₆H₅CH(OR)₂ என்ற கட்டமைப்பு வாய்ப்பாட்டைக் கொண்ட கரிமச்சேர்மங்களைக் குறிக்கும். இவ்வாய்ப்பாட்டிலுள்ள R என்பது கரிம வேதியியலில் உள்ள ஆல்கைல் அல்லது அரைல் குழுக்களில் ஒன்றைக் குறிக்கிறது. பென்சிலிடின் அசிட்டால்கள் கார்போவைதரேட்டுகள் மற்றும் கிளைக்கோசைடுகள் பற்றிய அறிவியலான கிளைக்கோவேதியியலில் பாதுகாப்புக் குழுக்களாகப் பயன்படுத்தப்படுகின்றன ^[1][2].1,2 அல்லது 1,3-டையால்கள் பென்சால்டிகைடுடன் வினைபுரிவதால் இவை உருவாகின்றன. பிற அரோமாட்டிக் ஆல்டிகைடுகளையும் இதற்காகப் பயன்படுத்தலாம் ^[3]