பிளைத் நாணல் கதிர்க்குருவி

நாணல் கதிர்க்குருவி என்ற பெயரைப் பெற்றிருந்தாலும் இது பெரும்பாலும் நாணல்களில் காணப்படுவதில்லை; மாறாக, நீர்நிலைகளை விட்டு தொலைவில் புதர்கள் அதிகம் உள்ள இடங்களில் காணப்படும். பார்ப்பதற்கு இவை இடுனா பேரினக் கதிர்குருவிகளில் இடுனா ரமா -வைப் போல் இருக்கும். ஆனால் இவற்றின் குணமான, மரங்களின் மத்தியிலும் உச்சியிலும் காணப்படும் தன்மை பிளைத் நாணல் குருவிகளிடம் இல்லை; மாறாக இவை பெரும்பாலும் புதர்களின் அடிப்பகுதியிலும் தரையிலும் இருக்கும் தன்மை உடையன.[1]

ஐரோப்பா: கிழக்கில் உருசியா, வடக்கில் பின்லாந்து வரையிலும் மேற்கே ஐசுலாந்து வரையிலும் தெற்கே அவுஸ்திரியா வரையிலும்,

ஆசியா: தெற்கில் பாக்கித்தான் வரையிலும் மத்தியில் கசகஸ்தான் தஜிகிஸ்தான் உள்ளிட்ட பகுதிகளிலும் கிழக்கே மங்கோலியா வரையிலும் இது காணப்படுகிறது.

வலசை போகும் இடங்கள்: பெரும்பாலும் இந்தியத் துணைக்கண்டம் மற்றும் மயன்மார்.

சமவெளிப் பகுதிகள், மலைப் பகுதிகளில் 2100 மீ வரையிலும்

மேல்பகுதி:ஆலிவ் பச்சை கலந்த பழுப்பு நிறம்

புருவம் (அல்லது புருவமேலம்): கண்ணிற்கு முன் பகுதியில் மட்டும் தெளிவாக இருக்கும்

அடிப்பகுதி: வெண்ணிற தொண்டையும் பிற பகுதிகள் வெளிர் மஞ்சள் நிறமும் கொண்டது

பாலின வேறுபாடு: இல்லை