பிசுமார்க் தீவுக்கூட்டம்

இங்குள்ள தீவுகளுக்கு 33,000 ஆண்டுகளுக்கு முன்னர் நியூ கினியில் இருந்து பழங்குடியினர் பிசுமார்க் கடல் வழியாகவோ அல்லது தற்காலிகமாக உருவாகிய நிலப் பாலம் வழியாகவோ இங்கு வந்து குடியேறியதாக நம்பப்படுகிறது. பின்னர் லப்பித்தா பழங்குடியினர் இங்கு வந்தனர்.

1616 இல் நெதர்லாந்தில் இருந்து வில்லெம் சோர்ட்டன் என்பவர் இங்கு வந்தார்.^[1][2] 1884 ஆம் ஆண்டில் செருமனியின் கட்டுப்பாட்டில் வரும் வரை இங்கு ஐரோப்பியரின் வருகை குறைவாகவே இருந்தது. செருமனியின் அரசுத்தலைவர் ஒட்டோ ஃபொன் பிஸ்மார்க்கின் நினைவாக இத்தீவுக் கூட்டத்திற்கு பிசுமார்க் எனப் பெயரிடப்பட்டது.

1888 மார்ச் 13 இல் ரிட்லர் தீவில் எரிமலை வெடித்ததை அடுத்து இங்கு பெரும் ஆழிப்பேரலை உருவானது. எரிமலை வெடித்து அதன் குழம்புகள் அனைத்தும் கடலினுள் வீசப்பட்டதனால் சிறிய குழிவு ஏரி ஒன்று உருவானது.^[3]

முதல் உலகப் போர் ஆரம்பித்ததை அடுத்து, 1914 ஆம் ஆண்டில் ஆத்திரேலியக் கடற்படையினர் இத்தீவுக்கூடத்தைக் கைப்பற்றினர். உலக நாடுகளின் அமைப்பு ஆத்திரேலியாவை இதன் ஆட்சியாளராக ஏற்றுக் கொண்டது. இரண்டாம் உலகப் போர்க் காலத்தில் சிறிது காலம் சப்பானின் பிடியில் இருந்த இத்தீவுக் கூட்டத்தை ஆத்திரேலியா மீண்டும் கைப்பற்றியது. 1975 இல் பப்புவா நியூ கினி விடுதலை அடைந்த போது இத்தீவுகளும் அந்நாட்டிடம் கொடுக்கப்பட்டது.

பிசுமார்க் தீவுக்கூட்டத்தில் உள்ள பெரும்பாலான தீவுகள் உயர் தீவுகள் ஆகும். இவற்றின் மொத்த நிலப்பரப்பு 49,700 சதுரகிலோமீட்டர்கள் ஆகும்.

• மானுசு மாகாணம் (வரைபடத்தில் இல. 9)
  • ஆட்மிரால்ட்டி தீவுகள் 18 தீவுகளை உள்ளடக்கியது.
    • மானுசுத் தீவு, முக்கிய தீவு
    • லாசு நேகுரோசு தீவு
    • லோவு தூவு
    • இந்துரோவா தீவு
    • தொங் தீவு
    • பாலுவான் தீவு
    • பாக் தீவு
    • பர்டி தீவு
    • இரம்புத்தியோ தீவு
    • செயிண்ட் அன்ட்ரூசு தீவு
  • மேற்குத் தீவுகள்:
    • ஆவுஆ தீவு
    • எர்மித் தீவுகள்
    • கணியெத் தீவுகள்
      • சாயி தீவு
    • நினிகோ தீவுகள்
    • வுவுலு தீவு
• நியூ அயர்லாந்து மாகாணம் (இல. 12)
  • நியூ அயர்லாந்து தீவு முக்கிய தீவு
  • நியூ அனோவர் தீவு
  • செயிண்ட் மத்தாயசு கூட்டம்
  • தபார் கூட்டம்
  • லிகிர் கூட்டம்
  • தங்கா கூட்டம்
  • பெனி தீவுகள்
  • தியாவுல் தீவு

• கிழக்கு நியூ பிரிட்டன் மாகாணம் (இல. 4)
  • நியூ பிரிட்டன், முக்கிய தீவு
  • யோர்க் இளவரசர் தீவுகள்
    • கபக்கோன்
    • ஊளு தீவு
• மேற்கு நியூ பிரிட்டன் மாகாணம் (இல. 18)
  • நியூ பிரிட்டன், முக்கிய தீவு
  • விட்டு தீவுகள்
• மொரொபே மாகாணம் (இல. 11)
  • உம்போய் தீவு
  • தொளக்கிவா தீவு
  • சாகர் தீவு
  • ரிட்டர் தீவு
  • மலை தீவு
  • துவாம் தீவு
• மதாங்கு மாகாணம் (இல. 8)
  • லோங் தீவு
  • கிரவுண் தீவு
  • கர்கார் தீவு
  • பகபாக் தீவு
  • மானம் தீவு
• கிழக்கு செப்பிக் மாகாணம் (இல. 5)
  • சோட்டன் தீவுகள்

விக்கிமீடியா பொதுவகத்தில்,
பிசுமார்க் தீவுக்கூட்டம்
என்பதில் ஊடகங்கள் உள்ளன.

•   "Bismarck Archipelago". பிரித்தானிக்கா கலைக்களஞ்சியம் (11th). (1911). 
• about the provinces பரணிடப்பட்டது 2007-05-20 at the வந்தவழி இயந்திரம்