பா. கஜதீபன்

1982 ஆம் ஆண்டில் பிறந்த கஜதீபன் யாழ்ப்பாணம் இந்துக் கல்லூரியில் கல்வி பயின்று, கோப்பாய் ஆசிரியர் பயிற்சிக் கல்லூரியில் சேர்ந்து ஆசிரியப் பயிற்சியை முடித்தவர்..^[1] அனலைதீவு சதாசிவம் மகா வித்தியாலயம், தெல்லிப்பழை யூனியன் கல்லூரி ஆகியவற்றில் ஆசிரியராகப் பணியாற்றினார்.^[1] இலங்கைத் தமிழரசுக் கட்சியின் இளைஞர் அணியின் தலைவரும் ஆவார்.^[1]

கஜதீபன் 2013 வட மாகாண சபைத் தேர்தலில் இலங்கை தமிழரசுக் கட்சியினால் பரிந்துரைக்கப்பட்டு தமிழ்த் தேசியக் கூட்டமைப்பின் வேட்பாளராக யாழ் மாவட்டத்தில் போட்டியிட்டு 23,669 விருப்பு வாக்குகள் பெற்று வட மாகாண சபை உறுப்பினரானார்.^[2][3] இவர் 2013 அக்டோபர் 11 ஆம் நாள் மாகாண சபை உறுப்பினராக முதலமைச்சர் க. வி. விக்னேஸ்வரன் முன்னிலையில் யாழ்ப்பாணத்தில் பதவியேற்றுக் கொண்டார்.^[4][5][6]