பருத்தித்துறை பிரதேச செயலாளர் பிரிவு

பருத்தித்துறை பிரதேச செயலாளர் பிரிவு அல்லது வடமராட்சி வடக்கு பிரதேச செயலாளர் பிரிவு (Vadamaradchi North Divisional Secretariat) இலங்கையின் யாழ்ப்பாண மாவட்டத்தில் உள்ள ஒரு நிர்வாக அலகாகும். இது யாழ்ப்பாணக் குடாநாட்டின் வடமராட்சிப் பிரிவில் அமைந்துள்ளது. இப் பிரிவு துணை நிர்வாக அலகுகளாக 35 கிராம அலுவலர் பிரிவுகளைக் கொண்டுள்ளது. துன்னாலை, தும்பளை, புலோலி, மந்திகை, பருத்தித்துறை, அல்வாய், பொலிகண்டி, வல்வெட்டித்துறை, கெருடாவில், தொண்டைமானாறு, வியாபாரிமூலை, கற்கோவளம், வல்லிபுரம் ஆகிய ஊர்கள் இப் பிரதேச செயலாளர் பிரிவினுள் அடங்குகின்றன. இந்தியப் பெருங்கடல் இதன் வடக்கு, கிழக்கு ஆகிய எல்லைகளில் உள்ளது. மேற்கில் தொண்டைமானாறு நீரேரியும், தெற்கில் கரவெட்டி, மருதங்கேணி ஆகிய பிரதேச செயலாளர் பிரிவுகளும் உள்ளன. இதன் நிர்வாகத் தலைமையகம் பருத்தித்துறை நகரில் அமைந்துள்ளது.

இதன் பரப்பளவு 29 சதுர கிலோமீட்டர் ஆகும்^[1].