தேசிய நாடகப் பள்ளி

பள்ளியின் தோற்றம் 1954ஆம் ஆண்டில் ஒரு கருத்தரங்கில் தொடங்கியது. அங்கு நாடகத்திற்கான ஒரு மைய நிறுவனம் உருவாக்கப்பட வேண்டும் என்ற யோசனை உருவாக்கப்பட்டது. பின்னர், 1955ஆம் ஆண்டில் ஒரு வரைவுத் திட்டம் தயாரிக்கப்பட்டது. ஜவகர்லால் நேருவை அதன் தலைவராகக் கொண்டிருந்த சங்கீத நாடக அகாதமி, நிறுவனத்திற்கான திட்டங்களை மேற்கொகொள்ளத் தொடங்கியது. இதற்கிடையில், தில்லியின் பிற இடங்களில், யுனெஸ்கோவின் உதவியுடன் பாரதிய நாட்டிய சங்கம் என்ற சுயாதீன நிறுவனம் 20 சனவரி 1958 இல் நிறுவப்பட்டது. சூலை 1958 இல் சங்கீத நாடக அகாதமி இதனை கையகப்படுத்தியது. ^{[3] [4]}

அடுத்த ஆண்டில், அரசாங்கம் இதை புதிதாக நிறுவப்பட்ட பள்ளியுடன் இணைத்தது. இதனால் தேசிய நாடகப்பள்ளி ஏப்ரல் 1959 இல் சங்கீத நாடக் அகாதமியின் அனுசரணையில் நிறுவப்பட்டது. ஆரம்பத்தில், இந்த பள்ளி மேற்கு நிசாமுதீனில் அமைந்திருந்தது. மற்றும் 'தேசிய நாடகப்பள்ளி மற்றும் ஆசிய நாடக நிறுவனம்' என்று அழைக்கப்பட்டது, அதன் முதல் தொகுதி மாணவர்கள் 1961 இல் வெளியேறினர். இந்நிறுவனத்தின் இயக்குநராக இருந்த காலத்தில், இப்ராஹிம் அல்காசி (1962-1977), பாடத்திட்டத்தை மாற்றியமைத்தது மட்டுமல்லாமல், மாணவர்கள் வாடகைக்கு எடுத்த கைலாஷ் காலனி வீட்டின் கொல்லைப்புறத்தில் ஒரு நாடக அரங்கத்திற்கான தளங்களைத் கட்டியெழுப்பினர். பின்னர் இது அங்கே செயல்பட ஆரம்பித்தது. பின்னர் அது தற்போதைய இடத்திற்கு சென்றபோது, அவர் 200 இருக்கைகள் கொண்ட நாடக அரஙக்ம் மற்றும் ஒரு ஆலமரத்தின் கீழ் திறந்தவெளி மேக்தூத அரங்கம் உள்ளிட்ட இரண்டு அரங்கங்களையும் உருவாக்கினார். ^{[4] [5]} செப்டம்பர் 10, 2020 நிலவரப்படி, தேசிய நாடகப் பள்ளியின் தலைவராக பரேஷ் ராவல் நியமிக்கப்பட்டுள்ளார். ^[6]

1975ஆம் ஆண்டில் இது ஒரு தன்னாட்சி அமைப்பாக மாறியது. முந்தைய கல்வி அமைச்சகம் மற்றும் கலாச்சார அமைச்சகம், கலாச்சாரத் துறை, ஆகியவற்றின் மூலம்'தேசிய நாடகப் பள்ளி' என்ற பெயருடன், மே 1975இல் இடமாற்றம் செய்யப்பட்டது. ^[4]

1999 ஆம் ஆண்டில், பள்ளி 'பாரத் ரங் மகோத்சவம்' என்ற அதன் முதல் தேசிய நாடக விழாவை ஏற்பாடு செய்தது. பொதுவாக ஒவ்வொரு ஆண்டும் சனவரி இரண்டாவது வாரத்தில் விழா நடைபெறுகிறது. 2008ஆம் ஆண்டில், நிறுவனம் தனது வருடாந்திர நாடக விழாவான 'பாரத் ரங் மகோத்சவத்தை' நாடு முழுவதிலுமிருந்து அதன் முன்னாள் மாணவர்களை வரவழைத்தது. ^[7] மும்பையில் நடந்த திருவிழாவின் செயற்கைக்கோள் பதிப்பில், இரத்தன் தியாமின் முன்னுரை, பன்சி கவுல் (ஆரண்யாதிபதி தாந்தியா), நீலம் மான்சிங் சவுத்ரி (தி சூட்), சஞ்சய் உபாத்யாய் (ஹர்சிங்கர்), பஹருல் இஸ்லாம் (ஆகாஷ்), மோகன் மகரிஷ் மற்றும் எம்.கே.ரெய்னா ( ஸ்டே எட் வொயில்) போன்றவர்களின் நாடகங்களைக் காண்பித்தது. வாமன் கேந்திரே 2013ஆம் ஆண்டில் பள்ளியின் இயக்குநராக நியமிக்கப்பட்டார். அவர் ஐந்தாண்டு காலத்திற்கு பணி புரிந்தார். ^[8]

• அனுபம் கெர் ^[9]
• அதுல் குல்கர்ணி
• பி. ஜெயஸ்ரீ
• பி. வி. கராந்த்
• இர்பான் கான் ^[10]
• நசிருதீன் ஷா ^[11]
• நவாசுதீன் சித்திகி
• நீனா குப்தா ^[12]
• ஓம் பூரி
• பங்கஜ் திரிபாதி
• பியுஷ் மிஷ்ரா
• ரீட்டா கங்குலி
• ரோகினி ஹட்டங்காடி
• சதீசு கௌசிக்
• சீமா பிஸ்வாஸ்
• சுரேகா சிக்ரி

• இப்ராஹிம் அல்காசி
• திரைப்பட மற்றும் தொலைக்காட்சி நிறுவனம்
• கலாபவன்

• Rang yatra: twenty-five years of the National School of Drama Repertory Company, by National School of Drama. Published by National School of Drama, 1992.

• Official NSD (National School of Drama) website
• Official Bharat Rang Mahotsav website
• NSD Alumni – Activities and Associations

விக்கிமீடியா பொதுவகத்தில்,
தேசிய நாடகப் பள்ளி
என்பதில் ஊடகங்கள் உள்ளன.