தீ எச்சரிக்கை அமைப்பு

இதில் கணிப்பு, எச்சரிக்கை அமைப்புக் கருவிகள் ஒருங்கே ஒரு வளைசுற்றின் (loop) மூலமாக மையக்கட்டுப்பாட்டு அமைப்புடன் இணைக்கப்பட்டிருக்கும். இதே போல பல வளைசுற்றுகள் ஒரே மையக்கட்டுப்பாட்டு அமைப்புடன் இணைக்கப்பட்டிருக்கும். மேலும் இதில் இணைக்கப்படும் ஒரு வளைசுற்றானது ஒரு குறிப்பிட்ட பகுதியை மட்டும் கண்காணிக்கும் வகையில் அமைக்கப்படுகின்றது. எடுத்துக்காட்டாகப் பத்து மாடிகள் கொண்ட ஒரு கட்டடத்திற்கு மாடிக்கு ஒன்றாகப் பத்து வளைசுற்றுகள் இணைக்கப்படுகின்றன. இதன் மூலம் ஒரு குறிப்பிட்ட பகுதியில் தீ விபத்து ஏற்படும்பொழுது, அந்தக் குறிப்பிட்ட பகுதியை மட்டும் எச்சரிக்கை செய்வது இலகுவாகிறது.

கட்டடத்தின் ஒரு குறிப்பிட்ட பகுதியில் தீ விபத்து ஏற்படும்போது, அதன் அருகே இணைக்கப்பட்டிருக்கும் கணிப்பானானது தனது உணரியின் மூலம் விபத்தைக் கணித்து மையக்கட்டுப்பாட்டு அமைப்புக்குக் குறிகாட்டல்களை அனுப்புகின்றது. இந்தக் குறிகாட்டல்களை அலசிய பின்பு மையக்கட்டுப்பாட்டு அமைப்பானது குறிப்பிட்ட அந்தப் பகுதிகளில் உள்ள எச்சரிக்கை அலறிகளை உயிர்ப்பிக்கின்றது. இதன் மூலம் அந்தப் பகுதிகளில் உள்ள மக்கள் எச்சரிக்கை செய்யப்பட்டு வெளியேற்றப்படுகின்றனர். தீ கணிப்பான் மட்டுமல்லாது ஆளியக்க அழைப்பான் தூண்டல் மூலமும் எச்சரிக்கை அலறிகளைத் தூண்டி மக்கள் வெளியேற்றப்படுகின்றனர்.

இதில் மையக்கட்டுப்பாட்டு அமைப்பு, தீ கணிப்பான், ஆளியக்க அழைப்பான், எச்சரிக்கை அலறி ஆகியன மிக முக்கியமான உட்கூறு கருவிகள் ஆகும்.

இது கட்டடங்களின் அனைத்துப் பகுதிகளிலும் மிக நெருக்கமாக இணைக்கப்பட்டிருக்கும். ஒவ்வொரு கணிப்பானின் கணிப்புத்திறனை அடிப்படையாகக் கொண்டு இது இரண்டு மீட்டர் வரையான இடைவெளியில் பொருத்தப்படுகின்றது. இதன் உள்ளே இருக்கும் உணரி அதன் கணிப்புக்குட்பட்ட பகுதிகளில் ஏற்படும் தீ, புகை ஆகியவற்றைக் கணித்து, மையக்கட்டுப்பாட்டு அமைப்புக்கு எச்சரிக்கைக் குறிகாட்டல்களை அனுப்புகின்றன. இவை ஒவ்வொன்றிற்கும் அவை பொருத்தப்பட்டிருக்கும் இடத்தைக் குறிப்பிடும் வகையில் தனித்தனிப் பெயர்கள் கொடுக்கப்பட்டிருக்கும். இவை உணரிகளை அடிப்படையாகக் கொண்டு புகை கணிப்பான், வெப்பக் கணிப்பான், பன்முகக் கணிப்பான் எனப் பல வகைகளில் பிரிக்கப்படுகின்றன. அதிக வெப்பத்தாக்கம் உள்ள பகுதிகளான சமையல் அறை, மின்னியற்றி அறை போன்ற பகுதிகளில் வெப்பக் கணிப்பானும் மற்றப் பகுதிகளில் புகை, பன்முகக் கணிப்பான்களும் பயன்படுத்தப்படுகின்றன.

இது மக்கள் அதிகம் கூடும் இடங்களில் (குறிப்பாக வரவு முகப்பிடம்) இணைக்கப்படுகின்றது. இதன் வழியாகவே மற்ற அனைத்துக் கருவிகளும் இணைக்கப்படுகின்றன. இது தீ கணிப்பான் மற்றும் ஆளியக்க அழைப்பான் ஆகியவற்றில் இருந்து உள்ளீட்டுக் குறிகைகளைப் (சமிக்ஞைகளைப்) பெற்று அதற்குத் தகுந்தாற்போல் எச்சரிக்கை அலறிகளை இயக்குகின்றன. அதே நேரம் தூண்டப்பட்ட தீ கணிப்பானின் பெயரையும் இதில் உள்ள காட்சித்திரையில் அறிவிக்கின்றது. இதன் மூலம் தொடர்புபட்ட நபர்கள் குறிப்பிட்ட தீ நிகழ்வுப் (விபத்துப்) பகுதிக்கு விரைந்து சென்று தீயை அணைக்க இலகுவாகின்றது. இவை தீ நேர்வுக்கு (விபத்து) மட்டும் அன்றி மொத்த அமைப்பில் ஏற்படும் பிழைகளையும் சுட்டிக்காட்டுகின்றன.

இது மனிதத்தூண்டல் மூலம் தீ கட்டுப்பாட்டு அமைப்பை உயிர்ப்பிக்கும் ஒரு கருவி. சாதாரண தொடுப்பி (ஆளி, Switch) போல இயங்கும். இது புகைக் கணிப்பான் செயலிழந்த நிலையிலும் மற்ற பிற அவசர காலங்களிலும் தீக் கட்டுப்பாட்டு அமைப்பைத் தூண்ட உதவுகின்றது. இவை பெரும்பாலும் வெளியேறும் வாயில், அவசரகால வாயில்கள் ஆகியவற்றின் அருகில் பொருத்தப்படுகின்றன. இவற்றில் பொருத்தப்பட்டிருக்கும் கண்ணாடிகளை உடைப்பதன் மூலமோ விசைகளை இழுப்பதன் மூலமோ இவை இயக்கப்படுகின்றன.

இவை கட்டடத்தின் அனைத்துப் பகுதிகளிலும் பொருத்தப்படுகின்றன. இவற்றின் ஒலியானது கட்டடத்தின் அனைத்துப் பகுதிகளிலும் கேட்கும்படி பொருத்தப்படுவது அவசியமாகும். சில இடங்களில் ஒலிப்பானோடு சேர்த்து பளிச்சொளி விளக்குகளும் (Flash Light) பொருத்தப்படுகின்றன. இவற்றின் அனுமதிக்கப்பட்ட ஒலி அளவானது (டெசிபல்) ஒவ்வொரு இடங்களுக்கும் வேறுபடும். இவை இந்தியாவில் இந்திய அரசால் வரையறுக்கப்படுகின்றன.

இந்திய அரசின் தரம் நிறுவு அமைப்பு (BIS), தீக் கட்டுப்பாட்டு அமைப்பு எச்சரிக்கை அலறிகளின் அதிகவெல்லையான ஒலி-டெசிபல் அளவை பின்வருமாறு தீர்வு செய்துள்ளது^[1].

• http://shop.bsigroup.com/en/Browse-by-Subject/Fire/Fire-Detection-and-Alarm-Systems/ பரணிடப்பட்டது 2009-11-23 at the வந்தவழி இயந்திரம்
• http://www.bis.org.in/
• http://www.nfpa.org/aboutthecodes/AboutTheCodes.asp?DocNum=805&cookie%5Ftest=1