தியன்வென்-1
தியன்வென்-1 (Tianwen-1; TW-1) என்பது செவ்வாய்க் கோளிற்கு தானியங்கி விண்கலம் ஒன்றை அனுப்பும் சீன தேசிய விண்வெளி நிறுவனத்தின் ஒரு திட்டம் ஆகும். இவ்விண்கலத்தில் சுற்றுக்கலன், ஒளிப்படக் கருவி, தரையிறங்கி, சுரோங் செவ்வாய்த் தரையுளவி ஆகியன அடங்கியுள்ளன. மொத்தமாக 5 தொன் எடையுள்ள இந்த விண்கலம் 13 அறிவியல் கருவிகளை எடுத்துச் சென்றது. செவ்வாய்க்குச் செலுத்தப்பட்ட அதிகூடிய எடையுள்ள விண்கலம் இதுவாகும்.
![]() 2019 இல் தியன்வெ-1 சோதிக்கப்படுகிறது. மேல் வெள்ளிப் பகுதியில் தரையிறங்கியும், சுரோங் தரையுளவும் உள்ளன, கீழ்ப் பகுதியில் சுற்றுக்கலன். | |
திட்ட வகை | சுற்றுக்கலன், தரையிறங்கி, தரையுளவியக் கொண்ட கோளியல் |
---|---|
இயக்குபவர் | சீன தேசிய விண்வெளி நிர்வாகம் (CNSA) |
காஸ்பார் குறியீடு | 2020-049A |
சாட்காட் இல. | 45935 |
திட்டக் காலம் | 1443 நாள்-கள், 21 மணிநேரம்-கள், 37 நிமிடம்-கள் (ஏவப்பட்ட காலம் முதல்) சுற்றுக்கலன்: 2 புவி ஆண்டுகள் (திட்டம்) 1241 நாள்-கள், 14 மணிநேரம்-கள், 26 நிமிடம்-கள் (சுற்றுப்பாதையில் இணைந்தது முதல்) தரையுளவி: 90 sols (திட்டம்)[1] |
விண்கலத்தின் பண்புகள் | |
விண்கல வகை | சுற்றுக்கலன், தரையிறங்கி, தரையுளவி, TW-1 பயன்படுத்தப்படக்கூடிய ஒளிப்படக் கருவி (TDC) |
தயாரிப்பு | சீன தேசிய விண்வெளி நிர்வாகம் |
ஏவல் திணிவு | மொத்தம்: 5,000 kg (11,000 lb) சுற்றுக்கலன்: 3,175 kg (7,000 lb) தரையுளவி:240 kg (530 lb) |
பரிமாணங்கள் | தரையுளவி: 2.6 மீ × 3 மீ × 1.85 மீ |
திட்ட ஆரம்பம் | |
ஏவப்பட்ட நாள் | 23 சூலை 2020, 04:41:15 ஒசநே [2] |
ஏவுகலன் | லாங் மார்ச் 5 |
ஏவலிடம் | வென்சாங், LC-101 |
ஒப்பந்தக்காரர் | சீனா விண்வெளி அறிவியல் மற்றும் தொழில்நுட்பக் கழகம் |
செவ்வாய் சுற்றுக்கலன் | |
விண்கலப் பகுதி | சுற்றுக்கலன் |
சுற்றுப்பாதையில் இணைதல் | 10 பெப்ரவரி 2021, 11:52 ஒசநே [3][4] |
செவ்வாய் தரையிறங்கி | |
விண்கலப் பகுதி | தரையிறங்கி |
தரையிறங்கிய நாள் | 14 மே 2021, 23:18 ஒசநே [5][6][7] |
தரையிறங்கிய பகுதி | உட்டோப்பியா பிளனீத்தியா [8] 25°06′N 109°54′E / 25.1°N 109.9°E [9] |
செவ்வாய் தேட்ட ஊர்தி | |
விண்கலப் பகுதி | தரையுளவி |
தரையிறங்கிய நாள் | 22 மே 2021 (திட்டம்) [10] |
தரையிறங்கிய இடம் | உட்டோப்பியா பிளனீத்தியா[8] |
இவ்விண்கலம் 2020 சூலை 23 இல் வென்சாங் ஏவுதளத்தில் இருந்து வெற்றிகரமாக[11] லாங் மார்ச் 5 என்ற மீகன செலுத்தூர்தியில் ஏவப்பட்டது. 7 மாதங்களின் பின்னர் இது 2021 பெப்ரவரி 10 இல் செவ்வாயின் சுற்றுப்பாதையை அடைந்தது.[4][12] அடுத்த மூன்று மாதங்களுக்கு இவ்விண்கலம் தரையிறங்குவதற்குப் பொருத்தமான இடத்தை ஆராய்ந்தது. அதன் பின்னர் 2021 மே 14 அன்று தரையிறங்கி/தரையுளவி ஆகியன அடங்கிய மேற்பகுதி தரையிறங்கும் கட்டம் ஆரம்பமானது. செவ்வாயின் வளிமண்டல நுழைவை மேற்கொண்டு, அதைத் தொடர்ந்து வான்குடையின் கீழ் மெதுவாகத் தரையிறங்க ஆரம்பித்தது. தரையிறங்கி செவ்வாய்க் கோளில் பின்நோக்கிய உந்துகை மூலம் மென்மையான தரையிறங்கலை வெற்றிகரமாக நிறைவு செய்தது. வெளியிடப்பட்ட அறிக்கைகளின்படி, தரையிறங்கிய நேரம் 2021 மே 14, 23:18 (ஒசநே) ஆகும்.[6][7][13] சிறிது நேரத்தின் பின்னர், சீன தேசிய விண்வெளி நிர்வாகம் இதனை உறுதிப்படுத்தியது.[5][13][14][15]