செவஸ்தோபோல்

1954-ஆம் ஆண்டில் சோவியத் ஒன்றியத்தின் அதிபர் குருசேவ், செவஸ்தபோல் உள்ளிட்ட கிரிமியா மூவலந்தீவு பகுதிகளை உக்ரைன் குடியசின் நிர்வாகப் பகுதியில் இணைத்தார். 1955-ஆம் ஆண்டின் உக்ரைனிய குடியரசுத் தேர்தலின் போது செவஸ்தபோல் நகரத்தை இரண்டு தேர்தல் மாவட்டத் தொகுதிகளாகப் பிரிகக்ப்பட்டது.^[3][4]

2013-2014 ஆண்டுகளில் உக்ரைனில் நடைபெற்ற யூரோமைதான் போராட்டத்தின் முடிவில், 23 பிப்ரவரி 2014 அன்று கீவ் நகரத்தில் உருசியாவின் எதிர்ப்பாளர்கள் அணி ஒன்று கூடி, உருசியாவிற்கு ஆதரவான உக்ரைன் அதிபர் விக்டர் யானுக்கோவிச்சை பதவியிலிருந்து விலக்கினர்.^[5] 27 மற்றும் 28 பிப்ரவரி 2014 நாட்களில் ருசிய ஆதரவுக் ஆயுதக் கும்பல் மற்றும் ருசியப்படையினர் கிரிமியாவின் செவஸ்தோபோல் நகரத்தின் அரசுக் கட்டிடங்கள், துறைமுகம், வானூர்தி நிலையம் மற்றும் இராணுவ நிலைகளைக் கைப்பற்றினர்.^[6][7]

16 மார்ச் 2014 அன்று கிரிமியாவின் நிலையை அறிய செவஸ்தோபோல் நகரத்தில் நடத்தப்பட்ட பொதுமக்கள் வாக்கெடுப்பில், 89.5% வாக்குகள் பதிவானது. அதில் 95.6% வாக்குகள், செவஸ்தோபோல் நகரம் உள்ளிட்ட கிரிமியா பகுதிகள் உருசியாவுடன் இணைப்பதற்கு ஆதரவாக வாக்களிப்பட்டது.^[8][9] 18 மார்ச் 2014 அன்று உருசியாவின் மேற்பார்வையில் கிரிமியா குடியரசு மற்றும் செவஸ்தோபோல் நகரம் தன்னாட்சி பெற்ற பகுதிகளானது.^[10][11] கிரிமியாக் குடியரசு மற்றும் செவஸ்தோபோல் நகரம் உருசியாவுடன் இணைந்தது குறித்து சர்வதேச நாடுகள் இதுவரை அங்கீகாரம் வழங்கவில்லை. ஆனால் கிரிமியா தன்னாட்சிக் குடியரசு மற்றும் செவஸ்தோபோல் நகரத்தை உக்ரைனிக்குட்பட்ட பகுதியாக சர்வதேச நாடுகள் அங்கீகாரம் வழங்கியுள்ளது.^[12] உக்ரேனிய மற்றும் பன்னாட்டுச் சட்டப்படி செவஸ்தோபோல் நகரம் உக்ரைனின் பகுதியாகவே நீடித்தாலும், சட்டவிரோதமான செவஸ்தோபோல் நகரம் உருசியாவின் ஆளுகையின் கீழ் நிர்வகிக்கப்படுகிறது. இந்த நகரத்தில் உருசியர்கள் பெரும்பான்மையாகவும், உக்ரேனியர்கள் சிறுபான்மையாகவும் வாழ்கின்றனர்.

செவஸ்தோபோல் நகரம் கடல்சார் உயிரியல் ஆய்வு மற்றும் கடற்படை மையமாகவும்^[13], கடற்கரை சுற்றுலாத் தளமாகவும் விளகுகிறது. இங்கு கோடைக்காலம் மென்மையாக உள்ளது.

செவஸ்தோபோல் நகரத்தின் அதிகபட்ச கோடைக்கால வெப்பம் 22 °C (72 °F) ஆகும். குளிர்காலத்தில் பகல் நேர வெப்பம் 15–16 °C (59–61 °F) ஆகவும், இரவில் 9 °C (48 °F) வெப்பம் இருக்கும். ஆண்டில் சனவரி மற்றும் பிப்ரவரி மாதங்களின் பகலில் 5–6 °C (41–43 °F) வெப்பமும், இரவில் 1 °C (34 °F) பாகை வெப்பமும் இருக்கும். கோடைக்காலத்தில் பகல் நேர வெப்பம் 26 °C (79 °F) ஆகவும், இரவு நேர வெப்பம் 19 °C (66 °F) ஆகவும் இருக்கும். இந்நகரத்தில் கோடைக்காலம் மே மாதம் நடுவிலிருந்து செப்டம்பர் மாதம் முடிய 5 மாதங்கள் நீட்டிக்கும். இதன் ஆண்டின் சராசரி மழைப்பொழிவு 400 மில்லிமீட்டர்கள் (16 அங்) ஆகும்.^[14]

உக்ரைன் நாட்டின் அரசியல் அமைப்பு சட்டப்படி, செவஸ்தோபோல் நகரம், உக்ரைன் நாட்டில் இருப்பினும், 2014-ஆம் ஆண்டு முதல் இந்நகரம் உருசியாவின் நேரடிக் கட்டுப்பாட்டில் உள்ளது.

2012 செவஸ்தோபோல் கடற்படை நாள் (உருசியாவின் கடற்படையினர்)

2012 செவதோபோல் கடற்படை நாள் (உக்ரைனின் கடற்படையினர்)

நிர்வாக வசதிக்காக செவஸ்தோபோல் நகரம் 4 மாவட்டப் பகுதிகளாகப் பிரிக்கப்பட்டுள்ளது.

செவஸ்தோபோல் நகரத்தில் வானூர்திகள் உற்பத்தி தொழிற்சாலை, உலோக உற்பத்தி, கப்பல் கட்டும் தொழிற்சாலைகள், வேதியியல் பொருட்கள் உற்பத்தி நிலையங்கள் உள்ளது. இந்நகரத்தில் நெல், கோதுமை, திராட்சை, தேயிலை, புகையிலை பயிரிடப்படுகிறது.

செவஸ்தோபோல் துறைமுகத்தின் நுழைவாயிலின் (இடது) அகலப்பரப்புக் காட்சி

• 
  செவஸ்தோபோல் பீரங்கி குடா
• 
  செவஸ்தோபோல் கடல் பரப்புக் காட்சி
• 
  விளாடிமீர் பேராலயம்
• 
  புனித விக்டர் மற்றும் பால் பேராலாயம்
• 
  செவஸ்தோபோல் நகரத்தின் வடக்குக் காட்சி
• 
  நகரத்தின் பழைய கல்லறை
• 
  முக்கிய தொடருந்து நிலையம்
• 
  கிரிமியப் போர் அருங்காட்சியகம்
• 
  பாலக்லாவா குடா நுழைவாயில், 2010.

• செவஸ்தோபோல் தேசிய தொழில்நுட்ப பல்கலைக்கழகம்
• செவஸ்தோபோல் தேசிய அணுசக்தி மற்றும் தொழில் பல்கலைக்கழகம்
• கிரிமியன் கூட்டமைப்பு பல்கலைக்கழகத்தின் கிளை

2021-ஆம் ஆண்டின் கணக்கெடுப்பின் படி, செவஸ்தோபோல் நகரத்தின் மக்கள் தொகை 4,29,922 ஆகும்.^[16] இந்நகரத்தைச் சுற்றியுள்ள பகுதிகளின் மக்கள் தொகையைச் சேர்த்தால் செவஸ்தோபோல் நகரத்தின் மொத்த மக்கள் தொகை 5,09,992 ஆகும். 1989-ஆம் ஆண்டின் கணக்கெடுப்பின்படி, இந்நகரத்தில் உருசியர்கள் 74.4% ஆக இருந்தனர்^[17] 22001-ஆம் ஆண்டின் கணக்கெடுப்பின்படி, செவஸ்தோபோல் நகரத்தில் இரசியர்கள் 71.6%, உக்ரேனியர்கள் 22.4%), பெலரசியர்கள் 1.6%, தார்த்தர்கள் 0.7%, கிரிமிய தார்த்தர்கள் 0.5%, ஆர்மீனியர்கள் 0.3%, யூதர்கள் 0.3%, மால்டோவியர்கள் 0.2% மற்றும் அசர்பைஜைனியர்கர்கள் 0.2% ஆக இருந்தனர்^[18]

• 
  செவஸ்தோபோல் துறைமுகக் காட்சி]]
• 
  கருங்கடலின் செவஸ்தோபோல் துறைமுகத்தில் நிறுத்தப்பட்டுள்ள கடற்படை கப்பல்கள்
• 
  நகிமோவ் சதுக்கம்
• 
  பண்பாட்டு அரண்மனை
• 
  லுனார்கார்ஸ்கை அரங்கம்
• 
  ஆர்டிலரி விரிகுடா

• அதிகாரப்பூர்வ இணையதளம் (in உருசிய மொழி) (Russian administration)
• Official website at the வந்தவழி இயந்திரம் (archive index) (Ukrainian administration)
• Satellite picture by Google Maps
• The murder of the Jews of Sevastopol during World War II, at Yad Vashem website.