செல்வராசா கஜேந்திரன்
செல்வராசா கஜேந்திரன் (Selvarajah Kajendren, பிறப்பு: அக்டோபர் 29, 1974) இலங்கைத் தமிழ் அரசியல்வாதியும், நாடாளுமன்ற உறுப்பினரும் ஆவார்.[1]
செல்வராசா கஜேந்திரன் | |
---|---|
![]() | |
இலங்கை நாடாளுமன்ற உறுப்பினர் | |
பதவியில் உள்ளார் | |
பதவியில் ஆகத்து 2020 | |
தொகுதி | தேசியப் பட்டியல் |
பதவியில் 2004–2010 | |
தொகுதி | யாழ்ப்பாண மாவட்டம் |
தனிப்பட்ட விவரங்கள் | |
பிறப்பு | 29 அக்டோபர் 1974 |
தேசியம் | இலங்கையர் |
அரசியல் கட்சி | தமிழ்த் தேசிய மக்கள் முன்னணி |
பிற அரசியல் தொடர்புகள் | தமிழ்த் தேசியக் கூட்டமைப்பு |
வாழிடம்(s) | மணல்தரை ஒழுங்கை, கந்தர்மடம், யாழ்ப்பாணம் |
இனம் | இலங்கைத் தமிழர் |
வாழ்க்கைக் குறிப்பு
கஜேந்திரன் 1974 அக்டோபர் 29 இல் பிறந்தார்.[1] 2001/02 காலப்பகுதியில் யாழ்ப்பாணப் பல்கலைக்கழகத்தின் மாணவர் அமைப்புத் தலைவராக இருந்தார்.[2]
அரசியலில்
கஜேந்திரன் 2004 நாடாளுமன்றத் தேர்தலில் தமிழீழ விடுதலைப் புலிகள் இயக்கத்தினால் முன்மொழியப்பட்டு தமிழ்த் தேசியக் கூட்டமைப்பு வேட்பாளராக யாழ்ப்பாண மாவட்டத்தில் போட்டியிட்டு,[3] வெற்றி பெற்று நாடாளுமன்றம் சென்றார்.[4] 2010 மார்ச்சில், கஜேந்திரனும், ததேகூ நாடாளுமன்ற உறுப்பினர்கள் கஜேந்திரகுமார் பொன்னம்பலம், பத்மினி சிதம்பரநாதன் ஆகியோரும் இணைந்து கூட்டமைப்பில் இருந்து விலகி, தமிழ்த் தேசிய மக்கள் முன்னணி என்ற அமைப்பை ஆரம்பித்தனர்.[5][6]
கஜேந்திரன் 2010 நாடாளுமன்றத் தேர்தலில் தமிழ்த் தேசிய மக்கள் முன்னணியின் வேட்பாளராக யாழ்ப்பாண மாவட்டத்தில் போட்டியிட்டார். இத்தேர்தலில் இவரது கட்சியைச் சேர்ந்த எவரும் வெற்றி பெறவில்லை.[7][8] 2011 பெப்ரவரியில், தமிழ்த் தேசிய மக்கள் முன்னணியின் பொதுச் செயலாளராக நியமிக்கப்பட்டார்.[9] 2015 நாடாளுமன்றத் தேர்தலில் இம்முன்னணியின் வேட்பாளராக யாழ்ப்பாண மாவட்டத்தில் மீண்டும் போட்டியிட்டார், எனினும் இம்முன்னணியின் எந்த உறுப்பினரும் வெற்றி பெறவில்லை.[10][11]
கஜேந்திரன் 2020 நாடாளுமன்றத் தேர்தலில் யாழ்ப்பாண மாவட்டத்தில் தமிழ்த் தேசிய மக்கள் முன்னணியின் வேட்பாளராக மீண்டும் போட்டியிட்டார். ஆனாலும் இவர் தெரிவு செய்யப்படவில்லை.[12][13][14] ஆனாலும், தமிழ்த் தேசிய மக்கள் முனன்ணிக்குக் கிடைத்த ஒரு தேசியப் பட்டியல் உறுப்பினர் பதவி இவருக்கு கட்சி வழங்கியது.[15][16]
தேர்தல் வரலாறு
தேர்தல் | தொகுதி | கட்சி | வாக்குகள் | முடிவு |
---|---|---|---|---|
2004 நாடாளுமன்றம் | யாழ்ப்பாண மாவட்டம் | ததேகூ | 1,12,077 | தெரிவு |
2010 நாடாளுமன்றம் | யாழ்ப்பாண மாவட்டம் | ததேமமு | தெரிவு செய்யப்படவில்லை | |
2015 நாடாளுமன்றம் | யாழ்ப்பாண மாவட்டம் | ததேமமு | தெரிவு செய்யப்படவில்லை | |
2020 நாடாளுமன்றம் | யாழ்ப்பாண மாவட்டம் | ததேமமு | தெரிவு செய்யப்படவில்லை(தேசியப் பட்டியல் மூலம் தெரிவு)[15] |