சீமா சம்ரிதி

உத்தரபிரதேசத்தின் எட்டாவா மாவட்டத்தில் உள்ள மகேவா நகரம் உக்ராபூர் கிராம பஞ்சாயத் பிதிபூர் வட்டம் சகர்நகர் என்ற சிறிய கிராமத்தில் பிறந்தார். பாலாதின் குசுவாகா மற்றும் ராம்குவான்ரி குசுவாகா ஆகியோருக்கு மகளாக சீமா பிறந்தார். இவரது தந்தை பாலதின் குசுவாகா பிதிபூர் கிராம பஞ்சாயத்தின் கிராம தலைவராக இருந்தார். 2005 ஆம் ஆண்டு கான்பூர் பல்கலைக்கழகத்தில் எல்.எல்.பி., எனப்படும் சட்டப்படிப்பில் பட்டப்படிப்பை முடித்தார். உத்தரபிரதேசத்தில் உள்ள ராசார்சி டாண்டன் திறந்தநிலை பல்கலைக்கழகத்தில் 2006 ஆம் ஆண்டு இளங்கலை இதழியல் பட்டமும் பெற்றார். அதன் பிறகு, அரசியல் அறிவியலில் முதுநிலை பட்டம் பெற்று 2014 ஆம் ஆண்டு முதல் இந்திய உச்ச நீதிமன்றத்தில் சட்டப் பயிற்சியைத் தொடங்கினார் ^[3][4]

நிர்பயா வழக்கு வெளிச்சத்துக்கு வந்ததும், அப்போது சட்டப் பயிற்சியாளராக இருந்த இவர் நீதி கேட்டு பல்வேறு போராட்டங்களில் பங்கேற்றார். 2014 ஆம் ஆண்டில் அதிகாரப்பூர்வமாக நிர்பயாவின் வழக்கறிஞரானார். வயது வந்த நான்கு குற்றவாளிகளுக்கும் விரைவில் மரண தண்டனை விதிக்க வேண்டும் என்று கோரினார். 2014 ஆம் ஆண்டு சனவரி 24 அன்று நிர்பயா சோதி அறக்கட்டளையில் சட்ட ஆலோசகராக சீமா சேர்ந்தார். நிர்பயா சோதி அறக்கட்டளை என்பது வன்முறையை அனுபவித்த பெண்களுக்கு தங்குமிடம் மற்றும் சட்ட உதவியைப் பெற உதவுவதற்காக பாதிக்கப்பட்டவரின் பெற்றோரால் நிறுவப்பட்ட ஒரு நிறுவனம் ஆகும். இவ்வழக்கு சீமாவின் முதல் வழக்காகும். விரைவு நீதிமன்ற பட்டியலுக்கு இவ்வழக்கை மாற்ற சீமா அழுத்தம் கொடுத்தார். ஆயினும்கூட, குற்றவாளிகளின் பல மறு ஆய்வு மற்றும் சரிசெய்தல் மனுக்கள், சட்ட அமைப்பின் மந்தநிலை போன்ற அம்சங்கள் காரணமாக தீர்ப்பு தாமதமானது. இறுதியாக 2020 ஆம் ஆண்டு மார்ச் 4 அன்று, நீதிமன்றத்தால் கடைசியாக மரண தண்டனை உத்தரவு பிறப்பிக்கப்பட்டது. 2020 ஆம் ஆண்டு மார்ச்சு மாதம் 20 ஆம் தேதி அன்று, அதிகாலை இந்திய சீர் நேரம் 5:30 மணிக்கு  வயது வந்த கைதிகள் நால்வரும் திகார் சிறையில் தூக்கிலிடப்பட்டனர்.^[5]

• நிர்பயாவின் வக்கீல் சீமா குசுவாகா பற்றிய 9 உண்மைகள் நீதிக்காக கடுமையான, 7 ஆண்டுகாலப் போராட்டத்தில் ஈடுபட்டவர். பரணிடப்பட்டது 2021-11-16 at the வந்தவழி இயந்திரம்
• सीमा समृद्धि उन्नाव पीड़िता को दिलाएंगी इंसाफ ,निर्भया को दिला चुकी हैं न्याय பரணிடப்பட்டது 2021-11-16 at the வந்தவழி இயந்திரம்
• इस लेडी लॉयर ने पहुंचाया निर्भया के दोषियों को फांसी के फंदे तक, बतौर वकील था पहला केस
• Punjab Kesari
• इंसाफ की लड़ाई में चट्टान की तरह खड़ी रहीं सीमा समृद्धि, जानें कौन हैं वो
• इंसाफ की लड़ाई में चट्टान की तरह खड़ी रहीं सीमा समृद्धि, जानें कौन हैं वो
• दिल्ली सरकार की गलतियों की वजह से दोषी अभी तक फांसी के फंदे से दूर हैं-निर्भया केस की वकील
• निर्भया के दरिंदों को फांसी तक पहुंचाने में इन 2 लोगों ने निभाई अहम भूमिका
• निर्भया के दोषियों को फांसी तक पहुंचाने वाली वकील सीमा ने कहा- देशभर में पोर्न साइट्स पर लगे रोक लगना चाहिए
• "Wanted To Make Them Pay": Nirbhaya's Lawyer Opens Up About Her Case
• Advocate Seema Kushwaha Talks About Her Journey As Nirbhaya's Lawyer
• Nirbhaya Gang Rape Case: Delhi Court Transfers the Case to Another Judge for a Fast-Track Hearing of the Execution Date for The Convicted Rapists