ச. கனகரத்தினம்

கனகரத்தினம் யாழ்ப்பாணம் நல்லூரில் பிறந்தவர்.^[1][2] செங்குந்தா இந்துக் கல்லூரியில் கல்வி கற்றார்.^[2] இவரது சகோதரர் செல்வநாயகம் (செல்லக்கிளி) விடுதலைப் புலிகளின் ஆரம்பகால உறுப்பினர் ஆவார். செல்லக்கிளி 1983 திருநெல்வேலித் தாக்குதலில் கொல்லப்பட்டார்.^[2] கனகரத்தினத்திற்கு இரண்டு ஆண் பிள்ளைகளும் ஒரு பெண் பிள்ளையும் உள்ளனர்.^[2]

கனகரத்தினம் 2004 நாடாளுமன்றத் தேர்தலில் விடுதலைப் புலிகளால் பரிந்துரைக்கப்பட்டு தமிழ்த் தேசியக் கூட்டமைப்பு வேட்பாளராக வன்னி மாவட்டத்தில் போட்டியிட்டு,^[3] இவர் 30,390 விருப்பு வாக்குகள் பெற்று வெற்றி பெற்று நாடாளுமன்றம் சென்றார்.^[4]

ஈழப்போரின் நிறைவுக் கட்டத்தில் கனகரத்தினமும், அவரது குடும்பமும் முள்ளிவாய்க்கால் பகுதியில் 300,000 இற்கும் அதிகமான பொது மக்களுடன் சேர்ந்து இலங்கை இராணுவத்தினரின் பாதுகாப்பு வலயத்தினுள் சிக்கியிருந்தனர்.^[5] 2009 மே மாதம் போர் முடிவர்டைந்ததை அடுத்து இவர் காணாமல் போனார்.^[6] இவர் பின்னர் காவல் துறையினரால் அகதி முகாமில் இருக்கக் கண்டுபிடிக்கப்பட்டு, கொழும்புக்குக் கொண்டு செல்லப்பட்டார்.^[7][8] இவர் பாதுகாப்பு செயலாளர் கோத்தாபய ராஜபக்ச உத்தரவின் பேரில் அவசரகாலச் சட்டத்தின் கீழ் விடுதலைப் புலிகளுக்கு உதவி செய்தமைக்காகத் தடுத்து வைக்கப்பட்டார்.^[9][10][11] எட்டு மாதங்கள் தடுத்து வைக்கப்பட்டிருந்த பின்னர் 200 சனவரியில் 2010 அரசுத்தலைவர் தேர்தலில் மகிந்த ராசபக்சவிற்கு ஆதரவளிக்க வாக்குறுதி பெறப்பட்டு விடுதலை செய்யப்பட்டார்.^[3][12][13] இவருக்கு வவுனியாவில் வடமாகான ஆளுனரின் வீட்டுத் திட்டத்தில் ஒரு வீடு ஒன்றில் தங்க வைக்கப்பட்டார்.^[14][15]

கனகரத்தினம் தமிழ்த் தேசியக் கூட்டமைப்பில் இருந்து விலகி ராசபக்சவின் ஐக்கிய மக்கள் சுதந்திரக் கூட்டணியில் சேர்ந்தார்.^[16] 2010 நாடாளுமன்ரத் தேர்தலில் ஐமசுகூ வேட்பாளராக வன்னி மாவட்டத்தில் போட்டியிட்டு 3,570 விருப்பு வாக்குகள் பெற்றுத் ஐமசுகூ வேட்பாளர்களில் ஆறாவதாக வந்து தோல்வியடைந்தார்.^[17]