கோகராஜு கங்கராஜு

கோகராஜு கங்கராஜு (Gokaraju Ganga Raju) ஓர் இந்திய அரசியல்வாதியும், ஆந்திரப் பிரதேசத்தின் நர்சாபுரம் மக்களவைத் தொகுதியிலிருந்து பதினாறாவது மக்களவைக்குத் தேர்தெடுக்கப்பட்ட உறுப்பினர் ஆவார். 2014 இந்தியப் பொதுத் தேர்தலில் பாரதிய ஜனதா கட்சி வேட்பாளராகப் போட்டியிட்டு வெற்றி பெற்றார்.^[1]

இவர், லைலா குழும நிறுவனங்களின் நிறுவனரும் ஆவார். சமீபத்தில், இவர் இந்தியத் துடுப்பாட்டக் கட்டுப்பாட்டு வாரியத்தின் தென் மண்டலத்தின் துணைத் தலைவராக தேர்ந்தெடுக்கப்பட்டார்.^[2]

இவரது தந்தை, மறைந்த கோகராஜு ரங்க ராஜு, உண்டி தொகுதியின் சட்டமன்ற உறுப்பினராவார். கங்கராஜு ஆந்திர துடுப்பாட்டச் சங்கத்தின் செயலாளராகவும், இந்தியத் துடுப்பாட்டக் கட்டுப்பாட்டு வாரியத்தின் நிதிக் குழுவின் தலைவராகவும், வாரியம் நடத்தும் இந்தியன் பிரீமியர் லீக்கின் நிர்வாகக் குழு உறுப்பினராகவும் உள்ளார்.