கெமரோவோ மாகாணம்
கெமரோவோ மாகாணம் (Kemerovo Oblast, உருசியம்: Ке́меровская о́бласть, கெமரோவ்ஸ்கயா ஓபிலாஸ்த்) என்பது உருசியாவின் நடுவண் அலகும், ஒரு உருசிய மாகாணமும் ஆகும். இது குசுபாசு (Kuzbass, Кузба́сс, குஸ்பாஸ்) எனவும் அழைக்கப்படுகிறது. தென்மேற்கு சைபீரியாவில் அமைந்துள்ளது. 95,500 சதுரகிமீ பரப்பளவுள்ள இம்மாகாணத்தின் எல்லைகளாக, வடக்கே தோம்சுக் மாகாணம், கிழக்கே கிராசினயார்சுக் கிராய், அக்காசியா, தெற்கே அல்த்தாய் குடியரசு, மேற்கே நோவசிபீர்சுக் மாகாணம், அல்த்தாய் கிராய் ஆகியவை உள்ளன. இம்மாகாணத்தின் தலைநகர் கெமரோவோ. இதன் பெரிய நகரம் நோவோகுசுனெத்சுக் ஆகும். 2010 கணக்கெடுப்பின் படி, இங்குள்ள மக்கள்தொகை 2,763,135 ஆகும். இவர்களில் பெரும்பாலானோர் உருசியர்கள் ஆவர். உக்ரைனியர், தத்தார்களும் இங்கு வசிக்கின்றனர்.[6]
கெமரோவோ மாகாணம் Kemerovo Oblast | |
---|---|
Кемеровская область | |
நாடு | உருசியா |
நடுவண் மாவட்டம் | சைபீரியா[1] |
பொருளாதாரப் பகுதி | மேற்கு சைபீரியா[2] |
நிருவாக மையம் | கெமரோவோ |
அரசு | |
• நிர்வாகம் | மக்கள் உறுப்பினர் பேரவை[3] |
• ஆளுநர்[3] | அமான் தூலெயெவ்[4] |
பரப்பளவு | |
• மொத்தம் | 95,500 km2 (36,900 sq mi) |
• பரப்பளவு தரவரிசை | 34வது |
மக்கள்தொகை (2010 மக்கள் தொகை கணக்கெடுப்பு)[6] | |
• மொத்தம் | 27,63,135 |
• மதிப்பீடு (2018)[7] | 26,94,877 (−2.5%) |
• தரவரிசை | 15வது |
• அடர்த்தி | 29/km2 (75/sq mi) |
• நகர்ப்புறம் | 85.4% |
• நாட்டுப்புறம் | 14.6% |
நேர வலயம் | ஒசநே+7 ([8]) |
ஐஎசுஓ 3166 குறியீடு | RU-KEM |
அனுமதி இலக்கத்தகடு | 42 |
OKTMO ஐடி | 32000000 |
அலுவல் மொழிகள் | உருசியம்[9] |
இணையதளம் | http://www.ako.ru |
மக்கள்
இம்மாகாணத்தில் உள்ள மக்கள் தொகை 2,763,135 (2010) ஆகும். இவர்களில் உருசியர்கள் - 93.7%, தத்தார்கள் - 1.5%, உக்ரைனியர் - 0.8%, செருமனியர் - 0.9%, ஏனையோர் - 1.5%.[6][10]
சமயம்
2012 அதிகாரபூர்வ தரவுகளின் படி,[11] 34.1% உருசிய மரபுவழித் திருச்சபையைப் பின்பற்றுகின்றனர். 7% பொதுக் கிறித்தவர்கள், 3% சிலாவிக், 1% பழமைவாதக் கிறித்தவர்கள், 1% முஸ்லிம்கள்.[11]