குலாம் ஆசன் மிர்

குலாம் ஆசன் மிர் (Ghulam Hassan Mir) இந்தியாவைச் சேர்ந்த ஓர் அரசியல்வாதியாவார்.^[2] சம்மு மற்றும் காசுமீர் மாநில அரசியலில் இவர் சம்மு காசுமீர் அப்னி கட்சியின் உறுப்பினராகச் செயல்பட்டார்.^[3] சம்மு காசுமீர் மக்கள் சனநாயகக் கட்சியின் நிறுவன உறுப்பினராகவும் இருந்தார். 2002 ஆம் ஆண்டில் சம்மு காசுமீர் மக்கள் சனநாயகக் கட்சியின் வேட்பாளராக சம்மு மற்றும் காசுமீர் சட்டப் பேரவையின் குல்மார்க் தொகுதிக்கு சட்டப் பேரவை உறுப்பினராகத் தேர்ந்தெடுக்கப்பட்டார். குலாம் முகமது சா தலைமையிலான அமைச்சரவையில் இவர் சட்ட அமைச்சராக இருந்தார். முப்தி முகமது சயீத் தலைமையிலான அமைச்சரவையில் 2002 ஆம் ஆண்டு முதல் 2006 ஆம் ஆண்டு வரை சுற்றுலாத்துறை அமைச்சராக இருந்தார்.^[4][5][6] அலிகார் முசுலீம் பல்கலைக்கழகத்தில் இவர் சட்டப் பாடத்தில் இளநிலை பட்டம் பெற்றுள்ளார்.