குதிரைக் கொட்டில்

குதிரைக் கொட்டில் வரலாற்றியலாக பண்ணைகளில் உருவாகிய இரண்டாம் வகைக் கட்டிடமாகும் உலகின் மிகப் பழைய குதிரைக் கொட்டில்கள் பண்டைய எகிப்தில் பை-இரமேசெசு எனும் தொல்நகரிலும் குவந்திரிலும் கண்டுபிடிக்கப்பட்டன. இவை இரமேசெசுவில் கிமு 1304- கிமு1237 கால இடைவெளியில் உருவாக்கப்பட்டுள்ளன. இவை 182,986 ச.அடி பரப்பளவு கொண்டவை. இவை நீர் வடிய சரிவான தரையுடன் 480 குதிரைகளைக் அடைக்கும் அளவுக்குப் பெரியனவாக அமைந்து இருந்தன. ^[2]

தனிக் குதிரைக் கொட்டில் 16 ஆம் நூற்றாண்டு முதலே கட்டப்பட்டுள்ளது. இவை வீட்டுக்கு அருகில் நல்லமுறையில் கட்டப்பட்டன. ஏனெனில், விலங்குகள் அக்காலத்தில் பெரிதும் பேணிப் போற்றப்பட்டன. இது பொருளியலாக பயன் தந்ததோடு அவர்களுக்கு சமூக மதிப்பையும் வழங்கின. 19 ஆம் நூற்றாண்டு இடையில் மேலாளர்களைக் கொண்டு கவனித்த தீவனக் கொட்டிகள் அமைந்த பல குதிரைகளைக் கட்டிவைத்த குதிரைக் கொட்டில்கள் அமைந்து இருந்ததாகத் தெரிய வந்துள்ளது.^[3][4]

பெரும்பிரித்தானியாவில் மரபாக மேல்தளத்தில் தீவனக் கிடங்கும் அமைந்திருந்துள்ளன. கொட்டிலின் முகப்பில் சுழல் கதவொன்று இருந்துள்ளது. கதவுகளும் சாளரங்களும் சீரொருமையோடு அமைக்கபட்டிருந்துள்ளன. கொட்டிலின் உட்பகுதிகள் பல கொட்டகைகளாகப் பிரிக்கப்பட்டிருந்துள்ளன. இவற்றில் குதிரை இனப்பெருக்கத்துக்காகவும் குட்டிகளுக்காகவும் நோயுற்ற குதிரைகளுக்காகவும் தனித்தனியாகப் பெரிய அறைகளும் அமைந்திருந்துள்ளன. தரைகள் கல்லடுக்காலும் பிறகு செங்கல்லடுக்காலும் நீர் வடிதாரைகளோடும் வடிவமைக்கப்பட்டுள்ளன. கொட்டிலுக்கு வெளியே முதல் தளத்தில் குதிரைகளைப் பேணியவர்கள் வாழ்ந்துள்ளனர்.^{[5][தெளிவுபடுத்துக]}

குதிரைக் கொட்டில் எப்போதும் பயற்சியாளர், நோட்டமிடுபவர், பேணுநர் வாழும் பெரிய வளாகத்தில் அமைந்திருக்கும்.

"Stable" எனும் ஆங்கிலச் சொல் ஒருவரால் பயிற்றப்பட்ட விளையட்டு வீரர் குழுவையும் கலயரங்கின் கலைஞர் குழுவையும் குறிக்கும்.

வரலாற்றியலாக இந்த ஆங்கிலச் சொல் குதிரைப்படை வீரர் குழுவையும் குறிக்கும்.

• 
  1802 இல் கட்டி, இன்னமும் வழக்கில் உள்ள மரபான குதிரைக் கொட்டில்.
• 
  சில கொட்டகைகளே உள்ள இடைநிலைப்பட்ட குதிரைக் கொட்டில்.
• 
  தனிகோட்டகை வரிசை அமைந்த குதிரைக் கொட்டில், பனாமா குதிரைக் குழுமம்.
• 
  சிவிட்சர்லாந்து, அய்ன்சிதீன், குதிரைக் கொட்டில்கள்.
• 
  நூறு ஆண்டுகட்கு முந்தைய குதிரைக் கொட்டில், சுட்டான்போர்டு பல்கலைக்கழகத்தில் இன்றும் புழக்கத்தில் உள்ளது.
• 
  வரிசையான கொட்டகைகள் அமைந்த கொட்டில், சாபுனிக், சுவேதி மார்ட்டின் நா முறி, குரோசியா.