குடிவாடா

தெலுங்கு மொழியில் குடி என்பதற்கு கோயில் என்றும், வாடா என்பதற்கு குடியிருப்பு அல்லது நகரம் என்றும் பொருள்படும். இந்நகரத்தின் குடியிருப்புகள் சாதவாகனர் காலத்தில், கிமு 3 அல்லது 2ம் நூற்றாண்டு முதல் தொடர்ந்து உள்ளது.^[6] Archaeological excavations^[7] குடிவாடா தொல்லியல் களத்தின் அகழாய்வில் பௌத்த தூபிகளும், சமண தீர்த்தங்கரர் பார்சுவநாதர் நினைவுச்சின்னங்களும் கண்டெடுக்கப்பட்டுள்ளது.^[8]

குடிவாடா நகரம் கடற்கரை ஆந்திராப் பகுதியில் அமைந்துள்ளது. கிருஷ்ணா மாவட்டத் தலைநகரான மச்சிலிபட்டினத்திற்கு கிழக்கே 41 கிமீ (25.5 மைல்) கிழக்கேயும், ஆந்திரப் பிரதேசத் தலைநகர் வலயத்திலிருந்து 45 கிமீ (36.7 மைல்) தொலைவிலும் உள்ளது.^[9] குடிவாடா நகரம், வங்காள விரிகுடா கடற்கரையிலிருந்து 35 கிமீ மேற்கே உள்ளது.

2011ம் ஆண்டின் மக்கட்தொகை கணக்கெடுப்பின் படி, 30,834 வீடுகள் கொண்ட குடிவாடா நகரத்தின் மக்கள்தொகை 1,18,167 ஆகும். அதில் ஆண்கள் 59,062 ஆகவும், பெண்கள் 59,105 ஆகவும் உள்ளனர். பாலின விகிதம் ஆயிரம் ஆண்களுக்கு 1001 பெண்கள் வீதம் உள்ளனர். ஆறு வயதிற்குட்பட்டோர் 10,509 ஆக உள்ளனர். எழுத்தறிவு 81.64% ஆகவுள்ளது. குடிவாடா மக்கள்தொகையில் இந்துக்கள் 86.37%ம், இசுலாமியர் 9.23%ம், கிறித்தவர்கள் 3.63%ம், மற்றவர்கள் 0.77% ஆகவுள்ளனர்.^[10]

1937ல் நிறுவப்பட்ட குடிவாடா நகராட்சி, தற்போது 12.67 சகிமீ பரப்பளவுடன், 36 உறுப்பினர்களுடன் சிறப்பு நகராட்சி தகுதி பெற்றுள்ளது.^[1][11]

மூன்று நடைமேடைகள் கொண்ட குடிவாடா தொடருந்து நிலையத்திலிருந்து, விஜயவாடா வானூர்தி நிலையம் 24 கிமீ தொலைவில் உள்ளது.^[12] குடிவாடாவிருந்து, விசாகப்பட்டினத்திற்கு நாள்தோறும் தொடருந்துகள் செல்கிறது.^[13]

• ஆந்திரப் பிரதேசத்திலுள்ள நகரங்களின் பட்டியல்