கிம் கி-டக் (திரைப்பட இயக்குநர்)

கிம் கி டக்
கிம் கி டக்
பிறப்பு	20 திசம்பர் 1960; போங்வா, தென் கொரியா
இறப்பு	11 திசம்பர் 2020 (அகவை 59); ரீகா, லாத்வியா
பணி	திரைப்பட இயக்குநர்; திரைக்கதை ஆசிரியர்;
செயற்பாட்டுக்; காலம்	1993–2020

கிம் கி டக் (ஆங்கில மொழி: Kim Ki-duk, 김기덕) (20 திசம்பர் 1960 – 11 திசம்பர் 2020) என்பவர் தென் கொரியாவைச் சேர்ந்த திரைப்பட தயாரிப்பாளர் மற்றும் இயக்குனராவார். இவருடைய திரைப்பட பாணி வித்தியாசமானதாகவும், கலைநுட்பமானதாகவும் இருப்பதால், ஆசியா அளவில் புகழ்பெற்ற இயக்குனர்களில் ஒருவராக இருக்கிறார்.

இவரது பல திரைப்படங்கள் சர்வதேச திரைப்பட விழாக்களில் பங்குபெற்றுள்ளன. அவற்றில் சில விருதுகளையும் பெற்றுள்ளன. இயக்குனராக, தயாரிப்பாளராக கிம் கி-டக் பெற்ற விருதுகளில் குறிப்பிடத்தக்கவை, 69வது வெனிஸ் சர்வதேச திரைப்பட விழாவில் கோல்டன் லயன் விருது 'பயட்டா' திரைப்படத்திற்காகவும், 61வது வெனிஸ் சர்வதேச திரைப்பட விழாவில் சில்வர் லயன் விருது சிறந்த இயக்குனருக்காக 3-அயன் திரைப்படத்திற்காகவும், 54வது பெர்லின் சர்வதேச திரைப்பட விழாவில் சிலவர் பீர் விருது சிறந்த இயக்குனருக்காக சமாரியா திரைப்படத்திற்காகவும் கிடைத்தது. மேலும் 2011 கேன்ஸ் பட திருவிழாவில் 'அன் சர்டர்ன் ரிகாட் பரிசு அரிராங்' படத்திற்காகவும் கிடைத்தது.

வாழ்க்கை மற்றும் தொழில்

கிம் கி-டக் திசம்பர் 20, 1960 ல் தென் கொரியாவில் போங்குவா எனும் இடத்தில் பிறந்தார். பாரிசில் நுண்கலையை 1990 லிருந்து 1993 வரை படித்தார். அதன் பின்பு தென் கொரியாவிற்கு வந்து திரைகதையாசிரியாராகப் பணியாற்றினார். 1995ல் நாடகமெழுதும் போட்டியில் முதற்பரிசு பெற்றார்.^[1] அதனைத் தொடர்ந்து குரோக்கோடைல் எனும் குறைந்த செலவினாலான படத்தை 1996ல் எடுத்தார். தென்கொரியாவில் இப்படம் உணர்ச்சிகரமான அதிர்வலையை ஏற்படுத்தியது. இவரது ரியன் பிரிக்சன் திரைப்படம் 23வது மாஸ்கோ சர்வதேச திரைப்பட விழாவில் திரையிடப்பட்டது.^[2]

2004ல் இவருடைய இயக்குனர் திறமைக்கு இரு திரைப்பட விழாவிருதுகள் வேறுவேறு படங்களுக்காக கிடைத்தது. பெர்லின் சர்வதேசத் திரைப்பட விழாவில் இவரது 'சமாரிடன் கேள்' (2004) மற்றும் வெனிஸ் திரைப்பட விழாவில் 3-அயன் (2004) படங்களுக்கா விருது பெற்றார். 2011ல் இவரது ஆவணப்படமான 'அரிராங்' திரைப்படத்திற்கு அன் சர்டர்ன் ரிகாட்விருது கான் திரைப்பட விழாவில் வழங்கப்பட்டது. 2012 வெனிஸ் சர்வதேச திரைப்பட விழாவில் இவரது பயட்டா திரைப்படத்திற்கு கோல்டன் லயன் விருதும் கிடைத்தது. இது சர்வதேச மூன்று திரைப்பட விழாக்களான வெனிஸ், பெர்லின், கேன்ஸ் ஆகியவற்றில் சிறந்த திகில் படத்திற்கான விருது வாங்கிய பெருமை பெற்றது.

திரைப்படங்கள்

ஆண்டு	தலைப்பு	கொரியன் தலைப்பு	மொழிபெயர்க்கப்பட்ட தலைப்பு
1996	குரோக்கோடைல்	악어	Ageo
1996	வைல்ட் அனிமல்ஸ்	야생동물 보호구역	Yasaeng dongmul bohoguyeog
1998	பேர்ட்கேஜ் இன்	파란 대문	Paran daemun
2000	தி அயில்	섬	Seom
2000	ரியல் பிரிக்சன்	실제 상황	Shilje sanghwang
2001	அட்ரஸ் அன்னௌன்	수취인불명	Suchwiin bulmyeong
2001	பேட் கை	나쁜 남자	Nabbeun namja
2002	தி கோஸ்ட் காட்	해안선	Haeanseon
2003	ஸ்பிரிங், சம்மர், பால், விண்டர்... அன்ட் ஸ்பிரிங்	봄 여름 가을 겨울 그리고 봄	Bom yeoreum gaeul gyeoul geurigo bom
2004	சமாரிடன் கேர்ள்	사마리아	Samaria
2004	3-அயன்	빈 집	Bin-jip
2005	தி பௌ	활	Hwal
2006	டைம்	시간	Shigan
2007	பிரத்	숨	Soom
2008	டிரீம்	비몽	Bimong
2011	அரிராங்	아리랑	Arirang
2011	அமென்	아멘	Ahmen
2012	பயட்டா	피에타	Pieta
2013	மோபியஸ்^[3]	뫼비우스	Moebius
2014	ஒன் ஆன் ஒன்	일대일	Il-dae-il
2015	ஸ்டாப்	스톱	Seutop
2016	நெட்^[4]	그물	Geumul

பிற செயல்பாடுகள்

பியூட்டிப்புல் (2008, எழுத்தாளர்/தயாரிப்பாளர்)
ரப் கட் (2008, எழுத்தாளர்/தயாரிப்பாளர்)
சீக்ரெட் ரியூனியன் (2010, எழுத்தாளர்- மதிப்பிடப்படாத)
பூங்சான் (2011, எழுத்தாளர்/தயாரிப்பாளர்)
ரப் பிளே (2013, எழுத்தாளர்/தயாரிப்பாளர்)
ரெட் பேமிலி (2013, எழுத்தாளர்/தயாரிப்பாளர்)
காட்சென்டு (2014, எழுத்தாளர்/தயாரிப்பாளர்)

இறப்பு

இவர் 11 திசம்பர் 2020 அன்று, தனது 60வது பிறந்தநாளுக்கு ஒன்பது நாட்களுக்கு முன்பு, லாட்வியாவில் கோவிட்-19 தொற்றுநோயின் போது 59 வயதில் கோவிட்-19ஆல் ஏற்பட்ட சிக்கல்களால் இறந்தார்.^[5]^[6]^[7]^[8]^[9]

ஆதாரங்கள்

வெளி இணைப்புகள்

ஐ.எம்.டி.பி இணையத்தளத்தில் Kim Ki-duk
Kim Ki-Duk: the past, the persistent problems and the near future பரணிடப்பட்டது 2012-06-27 at the வந்தவழி இயந்திரம் About Kim Ki-Duk's 2006 controversial declarations
Review of Kim Ki-duk's Time பரணிடப்பட்டது 2012-04-28 at the வந்தவழி இயந்திரம்
Working Biography

[1]

[2]

[3]

[4]

[5]

[6]

[7]

[8]

[9]

Search