கார அளவீட்டுமானி

கார அளவீட்டுமானி (ஆங்கிலத்தில்: pH meter) திரவங்களின் கார/அமில அளவை மின்னழுத்தவேறுபாட்டின் மூலம் அளவீடும் சாதனம் ஆகும், அதாவது நீர்க்கரைசல்களிலுள்ள ஹைட்ரஜன் அயனிகளின் செயல்பாடு அல்லது செறிவை அளவீடுகிறது. இது பொதுவாக கண்ணாடி மின்முனை, கலோமல் தரவு மின்முனை அல்லது இரண்டு மின்முனைகளின் கலவையாக இருக்கும்.^[1] இது பொதுவாக திரவங்களின் கார அளவை(pH) அளவீடும், இருப்பினும் சிறப்பு சோதனைக்கோல்(Probe) அரை-திடப் பொருளிலுள்ள கார அளவை அளவீடப் பயன்படுகிறது.

அடிப்படை மின்னழுத்தமானி கார/அமில மீட்டர் வெறுமனே இரண்டு மின்முனையங்களுக்கிடையேயுள்ள மின்னழுத்த வேறுபாட்டை அளவிட்டு அதற்கு தகுந்த pH மதிப்புகளாக மாற்றப்பட்டு திரையில் காட்டப்படுகிறது. இது பொதுவாக மின்துகள் மிகைப்பி, இரண்டு மின்முனைகளையோ அல்லது இரண்டின் கலவையான மின்முனைகளையோ மற்றும் pH மதிப்புகளை காட்டும் திரையைக் கொண்டிருக்கும். இதில் பொதுவாக மின்முனைகள் முக்கியத்துவம் வாய்ந்தது. இது கண்ணாடியால் உருவாக்கப்பட்டிருக்கும், அடிப்புறத்தில் ஓர் உணரி மற்றும் மின்விளக்குகளைக் கொண்டிருக்கும்.