கார்த்தி செல்வம்

கார்த்தி இந்தியாவின் தமிழ்நாடு மாநிலத்தில் உள்ள அரியலூர் என்ற ஊரைச் சேர்ந்தவர். இவரது தந்தை செல்வம் அரசு கல்லூரியில் காவலாளியாக பணிபுரிகிறார். இவருடைய குடும்பத்தில் பிறந்துள்ள மூன்று குழந்தைகளில் இரண்டாவது குழந்தை கார்த்தி செல்வம் ஆவார். ^[2]

தமிழ்நாடு அரசின் அதிகாரப்பூர்வ விளையாட்டு அமைப்பான விளையாட்டு மேம்பாட்டு ஆணையத்தின் கீழ் செயல்பட்டு வந்த கோவில்பட்டியில் உள்ள விளையாட்டு விடுதியில் வளைதடி பந்தாட்ட வீரராக கார்த்தி பயிற்சி பெற்றார். 2022 ஆம் ஆண்டு நிலவரப்படி, அவர் கோவில்பட்டிக்கு அருகிலுள்ள எசு.எசு.துரைசாமி மாரியம்மாள் கலைக் கல்லூரியில் பட்டப்படிப்பைத் தொடர்ந்தார். ^[3]

2018 ஆம் ஆண்டில், இளையோர் தேசிய வெற்றியாளர் போட்டியில் தமிழ்நாட்டிற்காக விளையாடுகையில் தொடர்ச்சியான சிறந்த செயல்பாட்டிற்குப் பிறகு கார்த்தி 21 வயதுக்குட்பட்டவர்களுக்கான இந்திய தேசிய அணியில் சேர்க்கப்பட்டார். ^[2] 2022 ஆம் ஆண்டு மே மாதத்தில் இவர் ஆசிய கோப்பைக்கான இந்திய அணியில் ஒருவராக இடம் பெற்றார்.^[4] மாரீசுவரன் சக்திவேலுடன் இணைந்து, கடந்த 13 வருடங்களில் தமிழ்நாட்டிலிருந்து இந்திய தேசிய அணிக்குத் தெரிவான முதல் நபர் கார்த்தி செல்வன் ஆவார். ^[5]

• வளைதடி பந்தாட்டம் இந்தியாவில் செல்வம் கார்த்தி சுயவிவரம்