கரமனை ஜனார்தனன் நாயர்
கரமனை ஜனார்தனன் நாயர் (Karamana Janardanan Nair) (25 சூலை 1936 – 24 ஏப்ரல் 2000) 1980கள் -1990களில் மலையாள திரைப்பட நடிகர்களில் மிகவும் பிரபலமான ஒருவராக இருந்தார்.[3] குறிப்பாக அடூர் கோபாலகிருஷ்ணனின் எலிப்பத்தயம் (1981) திரைப்படத்தில் கதாநாயகனின் பாத்திரத்திற்காக இவர் பரந்த பாராட்டைப் பெற்றார்.[4] 1988ஆம் ஆண்டில் வெளியான மம்மூட்டியின் நடிப்பில் கே.ஜி. ஜார்ஜ் இயக்கிய மட்டோரல் படத்தில் இவர் முக்கிய கதாபாத்திரத்தில் நடித்திருந்தார். இவரது கடைசி பாத்திரம் எஃப்.ஐ.ஆர் (1999) திரைப்படத்தில் திருத்தந்தை பவுலாசாக நடித்தார். இப்படம் வெளியான ஒரு வருடம் கழித்து இறந்தார்.
| கரமனை ஜனார்தனன் நாயர் | |
|---|---|
| பிறப்பு | 25 சூலை 1936 |
| இறப்பு | 24 ஏப்ரல் 2000 (அகவை 63) |
| மற்ற பெயர்கள் | கரமனை |
| பணி | நடிகர் |
| பெற்றோர் |
|
| வாழ்க்கைத் துணை | ஜெயா[2] |
| பிள்ளைகள் |
|
சொந்த வாழ்க்கை
இவர் கரமனை குஞ்ஞுவீட்டில் ராமசாமி ஐயருக்கும், பார்கவியம்மாவிற்கும் 1936 சூலை 27 அன்று பிறந்தார். அவர் முதன்மைக் கல்வியை சலாய் அரசு மாதிரி ஆண்கள் உயர்நிலைப் பள்ளியில் பெற்றார். இளங்கலை பட்டம் பெற்ற பிறகு , திருவனந்தபுரம் அரசு சட்டக் கல்லூரியில் சட்டப் பட்டமும் பெற்றார். பின்னர், திருவனந்தபுரம் பல்கலைக்கழக கல்லூரியில் வரலாற்றில் முதுகலைப் பட்டமும் பெற்றார். கல்லூரியில் படித்தபோது மாணவர் கூட்டமைப்பின் தீவிர உறுப்பினராக இருந்தார். இவர் பட்டம் , [[அனைத்திந்திய வானொலியின் பணியாளர் வருங்கால வைப்பு நிதி அமைப்பில் பணியாற்றினார். திருவனந்தபுரம் நாடகக் கழகங்களில் தீவிர உறுப்பினராக இருந்தார். இவர் 1962 இல் தேசிய நாடகப் பள்ளியில் படிக்கச் சென்றார்.[5]
இவர் ஜெயா என்பவரை மணந்தார். இந்த தம்பதியருக்கு சுனில், சுதீர், சுஜய் என்ற மூன்று மகன்கள் உள்ளனர். இவரது மகன் சுதீர் கரமனையும் ஒரு நடிகராவார்.[6]
இறப்பு
நீண்டகால நீரிழிவு நோயால் பாதிக்கப்பட்ட இவர் ஏப்ரல் 24, 2000 அன்று 64 வயதில் இறந்தார்.