கசுபெகி

சியார்சிய பழமைவாதித் துறவியான இசுட்டீவன் என்பவரின் பெயரால் இதற்கு "இசுடெபண்ட்சுமிண்டா" என பெயரிடப்பட்டது. அவர் இந்த இடத்தில் ஒரு ஆலயத்தைக் கட்டினார். பின்னர் இது சியார்சிய இராணுவ சாலையாக மாறியது.

இந்த நகரம் தெரெக் ஆற்றங்கரையில் 157 கிலோமீட்டர் (98 மைல்) நாட்டின் தலைநகரமான திபிலீசியின் வடக்கே கடல் மட்டத்திலிருந்து 1,740 மீட்டர் (5,710 அடி) உயரத்தில் அமைந்துள்ளது. ஒப்பீட்டளவில் வறண்ட, குளிர்ந்த குளிர்காலம் மற்றும் நீண்ட மற்றும் குளிர்ந்த கோடைகாலங்களில் இதன் காலநிலை மிதமான ஈரப்பதமாக இருக்கும். சராசரி ஆண்டு வெப்பநிலை 4.9 டிகிரி செல்சியசு என்ற அளவில் இருக்கும். சனவரியில் சராசரியாக -5.2 டிகிரி செல்சியசு வெப்பநிலையுடன் இருக்கும் குளிர் மாதமாகும். சூலையில் சராசரியாக 14.4 டிகிரி செல்சியசு வெப்பநிலையுடன் இருக்கும். பதிவுசெய்யப்பட்ட குறைந்தபட்ச குறைந்தபட்ச வெப்பநிலை -34 டிகிரி செல்சியசு. மேலும், முழுமையான அதிகபட்ச வெப்பநிலை 32 டிகிரி செல்சியஸ் ஆகும். நகரின் சராசரி ஆண்டு மழை 790  மிமீ. (31.1 அங்குலங்கள்) என்ற அளவில் இருக்கிறது. ^[2]

இந்த நகரத்தின் எல்லா பக்கங்களிலும் பெரிய மலைகள் ஆதிக்கம் செலுத்துகிறது. இப்பகுதியின் மிகவும் குறிப்பிடத்தக்க மலையான கசுபெகி மலை நகரின் மேற்கே அமைந்துள்ளது. இரண்டாவது மிக முக்கியமான சனி சிகரம், நகரின் கிழக்கே 9 கிலோமீட்டர் தொலைவில், கடல் மட்டத்திலிருந்து 4,451 மீட்டர் (14,600 அடி) உயரத்தில் அமைந்துள்ளது. இந்த நகரம் புகழ்பெற்ற தெரியல் சியார்சு நதிப் பள்ளத்திற்கு ^[3] தெற்கே 10 கிலோமீட்டர் தொலைவில் அமைந்துள்ளது.

காக்கேசியா மலைகளில் உள்ள அழகிய இருப்பிடத்திற்காக இந்த நகரம் அறியப்படுகிறது. மேலும் இது நடைப் பிரயாணம் செய்வபர்களுக்கும், மலையேற்றம் செய்பவர்களுக்கும் ஏற்ற ஒரு மையமாகும். உள்ளூர் ஈர்ப்புகளில் நகரத்தில் உள்ள கசுபெகி அருங்காட்சியகம், மானுடவியல் அருங்காட்சியகம், நகரத்திற்கு வெளியே அமைந்துள்ள கெர்கெட்டி டிரினிட்டி தேவாலயம், அத்துடன் காசுபெகி மலை, சுற்றியுள்ள காசுபெகி இயற்கை வன அல்பைன் தூந்திரம் மற்றும் காடுகள் ஆகியவை அடங்கும்.

கெர்கெட்டி டிரினிட்டி தேவாலயமும் பின்னணியில் வானவில்லும்

உருசிய கூட்டமைப்பிற்கு வடக்கே சுமார் 12 கிலோமீட்டர் தொலைவில் சியார்சிய எல்லையைக் கடக்கும் இடமாக "லார்சி" உள்ளது. இது,2010 மார்ச் 1 அன்று திறக்கப்பட்டது. இது சுங்கங்கள், உலகின் அனைத்து பலதரப்பு குடிமக்களுக்கும் 24 மணிநேரமும் திறந்திருக்கும். எல்லை தாண்டிய சாலை ஒரு மலை சுரங்கத்தில் உள்ளது. நடந்து சென்று இதனை கடக்க முடியாது.

நகரத்தில் சர்வதேச விமான நிலையத்தை உருவாக்க ஏஜிஹெச் ஹோல்டிங் என்ற நிறுவனம் திட்டமிட்டுள்ளதாக 2016 திசம்பரில் அறிவிக்கப்பட்டது. ஏஜிஹெச் நிறுவனத்தால் நிறுவப்பட்ட "ஏவியேட்டர்" நிறுவனம் வாடகை விமான சேவையை வழங்கும். இது சியார்சியாவிலுள்ள எந்த விமான நிலையங்களுக்கும் அண்டை நாடுகளுக்கும் செல்லும் தனிப்பட்ட குறிப்பிட்ட தூர விமானங்களையும் உள்ளடக்கும். ^[4]

• "Kazbegi." Georgian Soviet Encyclopedia. Vol. 10, Tbilisi, 1984, pp. 617
• Rosen, Roger. Georgia: A Sovereign Country of the Caucasus. Odyssey Publications: Hong Kong, 1999. ISBN 962-217-748-4

விக்கிமீடியா பொதுவகத்தில்,
இசுடெபண்ட்சுமிண்டா
என்பதில் ஊடகங்கள் உள்ளன.

விக்கிப்பயணத்தில் இசுடெபண்ட்சுமிண்டா என்ற இடத்திற்கான பயண வழிகாட்டி உள்ளது.

• Kazbegi Municipality. Mtskheta-Mtianeti Regional Administration website.