எச். ஜே. கனியா

குசராத்து மாநிலத்தில் சூரத்தில் பிறந்த இவருடைய தாத்தா ஆங்கில அரசில் வருவாய்த் துறை அதிகாரியாகவும், தந்தையார் சமசுக்கிருத பேராசிரியராகவும் இருந்தார்கள். கனியா பாவ் நகரில் உள்ள சமல்தாசு கல்லூரியில் இளங்கலைப் பட்டமும் மும்பை அரசு சட்டக் கல்லூரியில் எல். எல். பி. மற்றும் எல். எல். எம். ஆகிய சட்டக் கல்வியை முடித்தார்.

1915-ல் மும்பை உயர்நீதி மன்றத்தில் பாரிஸ்டராகத் தொழில் தொடங்கினார். 1930-ல் மும்பை உயர்நீதி மன்றத்தில் தற்காலிக நீதிபதியாகவும் பின்னர் கூடுதல் நீதிபதியாகவும் ஆனார். 1947-ல் மும்பை உயர்நீதிமன்ற முதன்மை நீதிபதியாக ஆனார்.

இந்திய நாடு 1950 சனவரி 26ஆம் நாள் குடியரசு ஆனதும் இந்திய அரசு கனியாவை இந்திய உச்சநீதி மன்ற முதன்மை நீதிபதியாக பதவியில் அமர்த்தியது. குடியரசுத் தலைவர் இராசேந்திர பிரசாத் கனியாவுக்குப் பதவிப் பிரமாணம் செய்து வைத்தார். பதவியில் இருக்கும்போதே மாரடைப்பால் கனியா காலமானார்.^[2].

• இந்தியத் தலைமை நீதிபதிகளின் பட்டியல்

• Short Biography Justice H.J. Kania