எசுமத் தௌலத்சாகி

எசுமத் தௌலத்சாகி 1905 இல் பிறந்தார் இவர் குவாஜர் வம்சமத்தைச் சேர்ந்தவர். ^{[1] [2]} இவரது தந்தை குலாம் அலி மிர்சா "மோஜலால் தௌலே" தௌலத்சாகி (1878-1934). ^[1] இவரது தாயார் மும்தாட்ஜ்-ஓட்-தௌலே. ^[1] இரண்டாம் அசரப் சுல்தான் என்ற ஒரு சகோதரி உட்பட இவருக்கு இரண்டு சகோதரர்கள் இருந்தனர். ^[1] ஈரான் நாடாளுமன்ற உறுப்பினரும் ஈரானிய தூதருமான மெக்ராங்கிசு தௌலத்சாகி இவரது உறவினராவார்.

எசுமத் தௌலத்சாகியும் மற்றும் ரேசா ஷாவும் 1923 இல் திருமணம் செய்து கொண்டனர். ^{[3] [4]} இவர் அவருடைய நான்காவது, கடைசி மற்றும் விருப்பமான மனைவிய்டுமாவார். ^{[5] [6]} இவர்கள் திருமணம் செய்தபோது ரேசா ஷா போர் அமைச்சராக இருந்தார். ^[3] தம்பதியருக்கு இந்த திருமணத்தின் மூலம் அப்துல் ரெசா, அகமத் ரேசா, மகமூத் ரெசா, பதேமே மற்றும் அமீத் ரெசா பகலவி என ஐந்து குழந்தைகள் பிறந்தனர். ^[1] இவரது கணவர் 1925 இல் ஈரானின் ஷா ஆனார். இருப்பினும், இவரது கணவரின் இரண்டாவது மனைவியான தாட்ஜ் உல்-மொலுக்கிற்கு ராணி என பட்டம் வழங்கப்பட்டது. ^[7] இதனால் எசுமத் தௌலத்சாகி மிகுந்த பொறாமை கொண்டதாக தனது நினைவுக் குறிப்புகளில் வெளிப்படுத்தியுள்ளார். ^[7]

ரேசா ஷா தனது ஆட்சியில் ஈரானை மேற்கத்திய பாணியில் சமூக, பொருளாதார, கல்வி மற்றும் அரசியலில் முன்னேற்ற வழியில் அழைத்துச் சென்றார். இவர் நவீன ஈரானை நிறுவுவதில் நாட்டம் கொண்டவர். எசுமத் தௌலத்சாகி மற்றும் ரேசா ஷா ஆகியோர் தங்கள் குழந்தைகளுடன் தெகுரானில் உள்ள மார்பிள் அரண்மனையில் வசித்து வந்தனர். ^[5] 1941 இல் ஈரானின் ஆங்கிலேய-சோவியத் படையெடுப்பிற்குப் பிறகு ரேசா ஷா பதவி விலக வேண்டியிருந்தது. ஷா செப்டம்பர் 1941 இல் மொரிசியசுக்கு நாடுகடத்தப்பட்டபோது இவரும் தனது கணவருடன் சென்றார். ஆனால் சில மாதங்களுக்குப் பிறகு இவர்கள் ஈரானுக்குத் திரும்பினர். ^[8] ஆட்சிக் கவிழ்ப்புக்கு இரண்டு ஆண்டுகளுக்குப் பிறகு, ஈரானின் தேசிய சட்டமன்றத்தின் ஆதரவுடன், ஈரானின் பிரதம மந்திரியாக ரேசா நியமிக்கப்பட்டார்.

1979 இல் நடந்த ஈரானியப் புரட்சிக்குப் பிறகும் தௌலத்சாகி ஈரானில் தங்கியிருந்தார். ^[8] இவர் 1980 இல் தென்னாப்பிரிக்காவின் ஜோகானஸ்பேர்க்கில் உள்ள ரெசா ஷா பக்லவி அருங்காட்சியகத்தை பார்வையிட்டார் ^[9] 25 ஜூலை 1995 இல் இறந்தார். ^[10] பின்னர் இவரது உடல் தெகுரானில் உள்ள பெகேசு-இ சக்ரா கல்லறையில் அடக்கம் செய்யப்பட்டது. ^[11]

• பொதுவகத்தில் எசுமத் தௌலத்சாகி பற்றிய ஊடகங்கள்