எக்சாமெதிலீன்டைஅமீன்
எக்சாமெதிலீன்டைஅமீன் (Hexamethylenediamine) H2N(CH2)6NH2. என்ற மூலக்கூற்று வாய்ப்பாட்டை உடைய ஒரு கரிமச் சேர்மம் ஆகும். இந்த மூலக்கூறானது அமீன் வேதிவினைக் குழுக்களைக் கொண்டு முடியப்பெற்ற எக்சாமெதிலீன் ஐதரோகார்பன் சங்கிலியைக் கொண்டுள்ள டைஅமீன் ஆகும். இது நிறமற்ற திண்மமாகும். சில வணிகரீதியிலான மாதிரிகள் மஞ்சள் நிறத்தைக் கொண்டிருக்கலாம். இது கடுமையான அமீன் நாற்றத்தைக் கொண்டு, விந்தினை ஒத்ததாக இருக்கிறது. ஆண்டொன்றுக்கு நுாறு கோடி கிலோகிராம் அளவுக்கு இச்சேர்மம் உற்பத்தி செய்யப்படுகிறது.[4]
![]() | |
![]() | |
![]() | |
பெயர்கள் | |
---|---|
ஐயூபிஏசி பெயர் எக்சேன்-1,6-டைஅமீன்[3] | |
வேறு பெயர்கள்
| |
இனங்காட்டிகள் | |
124-09-4 ![]() | |
Beilstein Reference | 1098307 |
ChEBI | CHEBI:39618 ![]() |
ChEMBL | ChEMBL303004 ![]() |
ChemSpider | 13835579 ![]() |
DrugBank | DB03260 ![]() |
EC number | 204-679-6 |
Gmelin Reference | 2578 |
InChI
| |
யேமல் -3D படிமங்கள் | Image |
ம.பா.த | 1,6-diaminohexane |
பப்கெம் | 16402 |
வே.ந.வி.ப எண் | MO1180000 |
| |
UN number | 2280 |
பண்புகள் | |
C6H16N2 | |
வாய்ப்பாட்டு எடை | 116.21 g·mol−1 |
தோற்றம் | நிறமற்ற படிகங்கள் |
அடர்த்தி | 0.84 கி/மிலி |
உருகுநிலை | 39 முதல் 42 °C (102 முதல் 108 °F; 312 முதல் 315 K) |
கொதிநிலை | 204.6 °C; 400.2 °F; 477.7 K |
490 கி லி−1 | |
மட. P | 0.386 |
வெப்பவேதியியல் | |
Std enthalpy of formation ΔfH | −205 கிலோயூல்மோல்−1 |
தீங்குகள் | |
GHS pictograms | ![]() ![]() |
GHS signal word | DANGER |
H302, H312, H314, H335 | |
P261, P280, P305+351+338, P310 | |
தீப்பற்றும் வெப்பநிலை | 80 °C (176 °F; 353 K) |
வெடிபொருள் வரம்புகள் | 0.7–6.3% |
Lethal dose or concentration (LD, LC): | |
LD50 (Median dose) |
|
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். | |
தொகுப்பு முறை தயாரிப்பு
எக்சாமெதிலீன்டைஅமீன் முதன் முதலில் தியோடர் கர்டியசு என்பவரால் கண்டறியப்பட்டது.[5] இது அடிப்போநைட்ரைலின் ஐதரசனேற்றத்தால் தயாரிக்கப்படுகிறது.
- NC(CH2)4CN + 4 H2 → H2N(CH2)6NH2
இந்த ஐதரசனேற்றமானது, அம்மோனியாவால் நீர்த்துப் போகச் செய்யப்பட்ட உருகிய அடிப்போநைட்ரைலைக் கொண்டு நிகழ்த்தப்படுகிறது.[சான்று தேவை] இவ்வினைக்கான வினைவேக மாற்றிகள் கோபால்ட்டு மற்றும் இரும்பினை அடிப்படையாகக் கொண்டவையாகும். விளைபொருள் நல்ல அளவில் கிடைக்கப் பெறுகிறது. ஆனால் வணிகரீதியில் முக்கியத்துவம் வாய்ந்த குறிப்பிடத்தக்க இணை விளைபொருட்கள், பகுதியளவு ஐதரசனேற்றம் செய்யப்பட்ட வினையிடைப்பொருட்களின் வினைத்திறனைப் பொறுத்து கிடைக்கப் பெறுகின்றன. 1,2 -டைஅமினோவளையஎக்சேன், எக்சாமெதிலீன்இமின் மற்றும் டிரைஅமீன் பிஸ் (எக்சாமெதிலீன்டிரைஅமீன்) ஆகியவையும் இந்த இணை விளைபொருட்களுள் உள்ளடங்கும்.
மற்றொரு மாற்று செயல்முறையில், இரானே நிக்கல் வினைவேக மாற்றியாகவும் எக்சாமெதிலீன்டைஅமீனையேக் கரைப்பானாகக் கொண்டு நீர்த்துப் போகச் செய்யப்பட்ட அடிப்போநைட்ரைலும் பயன்படுத்தப்படுகின்றன. இந்தச் செயல்முறையானது அம்மோனியா இல்லாமலும், குறைவான அழுத்தம் மற்றும் வெப்பநிலையிலும் நிகழ்கிறது.
பயன்பாடுகள்
பலபடிகளின் உற்பத்தியில், ஏறத்தாழ தனிப்பட்ட முறையில் எக்சாமெதிலீன்டைஅமீன் பெருமளவு பயன்படுகிறது. இதன் இரண்டு வினைசெயல் தொகுதிகளைக் (அல்லது வேதிவினைக்குழு) கொண்ட அமைப்பு இதற்கு நன்மை செய்யும் விதத்தில் உள்ளது. அடிபிக் அமிலத்துடனான குறுக்க வினை வழியாக, நுகர்வு செய்யப்படும் பெரும்பான்மையான டைஅமீன்களானவை, நைலான் 66 உற்பத்திக்கே செலவிடப்படுகிறது. இல்லாவிடில், இந்த டைஅமீனிலிருந்து பாலியூரித்தேன் தயாரிப்பின்போது, ஒற்றை மூலக்கூறு நுழைநிலை மூலமாக, எக்சாமெதிலீன் டைஐசோசயனேட்டானது உற்பத்தியாகிறது. டைஅமீனானது, இப்பாக்சி பிசின்களில் குறுக்குப் பிணைப்பு ஏற்படுத்தும் காரணியாகவும் பயன்படுகிறது.
பாதுகாப்பு
எக்சாமெதிலீன்டைஅமீனானது மிதமான நச்சுத்தன்மை உடையதாகும். இதன் LD50 மதிப்பானது 792-1127 மிகி/கிகி ஆக உள்ளது. மற்ற கார அமீன்களைப் போலவே இது தீவிரமான காயங்களையும் கடுமையான எரிச்சலையும் உண்டாக்க வல்லவை. இத்தகைய காயங்கள் பிரித்தானிய நாட்டில், பில்லிங்காம் அருகில், சீல் சாண்ட்ஸ் எனும் இடத்தில்ப பி.எ.எசு.எப் இல் 2007 ஆம் ஆண்டு சனவரி 4 ஆம் நாள் அன்று ஏற்பட்ட விபத்தின் விளைவாக உண்டானது உலகத்தால் அறியப்பட்டதாகும். இந்த நிகழ்வில் 37 நபர்கள் காயமடைந்தனர். அவர்களில் ஒருவர் மிகத் தீவிரமாக பாதிக்கப்பட்டார். [6][7]
நிலைத்தன்மை
எக்சாமெதிலீன்டைஅமீன்னாது காற்றில் நிலைத்தன்மை வாய்ந்ததாகும். ஆனால், தீப்பற்றக்கூடியதும் ஆகும். வலிமையான ஆக்சிசனேற்றிகளுடன் இது ஒத்துப்போக இயலாத ஒரு சேர்மமாகும்.