ஆர்கோ (2012 திரைப்படம்)

நவம்பர் 4, 1979 அன்று போராட்டக்காரர்கள் டெஹ்ரானிலுள்ள அமெரிக்க தூதரகத்தினை கைப்பற்றினர், இரானில் சி.ஐ.ஏ வின் செயல்களை கண்டித்து. 50 இற்கும் அதிகமான தூதரக அலுவலர்கள் கைப்பற்றப்பட்டனர். அதில் ஆறு நபர்கள் தப்பித்து கனடா தூதரக தலைவர் கென் டெயிலர் (விக்டர் கார்பர்) வீட்டில் தஞ்சம் புகுந்தனர். அவர்களை தாய்நாட்டிற்கு திருப்ப அமெரிக்கா திட்டமிடுகிறது. டோனி மென்டெஸ் (பென் அஃப்லெக்), சி.ஐ.ஏ. அதிகாரியினை அனுகுகிறார்கள். தற்செயலாக பிளானட் ஆப் த ஏப்ஸ் திரைப்படத்தினைப் பார்க்க, திரைக்குழுவாக அவர்களை தாய்நாட்டிற்கு திரும்ப கொண்டு வரலாம் என்று முடிவெடுத்தார்.

மென்டெஸ் மற்றும் சாக் ஒ டான்னல் சாம் சேம்பர்ஸை, ஹாலிவுட் மேக்-அப் கலைஞர், சந்திக்கின்றனர். சேம்பர்ஸ் திரைப்படத் தயாரிப்பாளர் லெஸ்டர் சீகலிடம் தொடர்பு ஏற்படுத்திக் கொடுக்கின்றார். சேர்ந்து ஒரு பொய்யான திரைப்பட ஸ்டுடியோவினைத் தொடங்கி, வெற்றிகரமாக ஆர்கோ ஒரு "அறிவுபுனைத்" திரைப்படமென விளம்பரம் செய்கின்றனர். அதேசமயம் டெஹ்ரானில் தப்பித்தவர்கள் தூதரக தலைவர் வீட்டில் அதிக அச்சமடைகின்றனர். போராட்டக்காரர்கள் நார்-நாராக கிழிக்கப்பட்ட தூதரக தாள்களை ஒன்று சேர்க்கின்றனர். சிலர் தப்பித்து விட்டனர் என்று அறிகின்றனர்.

ஆர்கோவின் தயாரிப்பாளராக மென்டெஸ் இரானிற்கு செல்கிறார். தப்பித்த ஆறு நபர்களுடன் இணைகின்றார். அவர்களுக்கு கனடிய கடவுச்சீட்டுகளும் போலி தாள்களும் தருகின்றார். அவர்கள் மென்டெஸை நம்ப மறுத்தாலும் இந்த திட்டத்திற்கு ஒத்துழைக்கிறார்கள். டெஹ்ரான் சந்தைக்கு செல்கிறார்கள், அங்கு பிரச்சனையில் சிக்குகின்றனர். இரானிய கலாச்சார தொடர்பு அதிகாரியின் உதவியினால் தப்பிக்கின்றனர்.

சிஐஏ வின் மற்றொறு திட்டத்தினால் மென்டெஸ்சின் திட்டம் நிறுத்தப்படுகிறது. இருந்தும் மென்டெஸ் திட்டத்தினை நடத்துகிறார். டான்னல்-ஐ விமான டிக்கட்டுகள் வாங்க வைக்கிறார். விமான நிலையத்தில் பரபரப்பு நிலவுகிறது. கடைசி நிமிடத்தில் தப்பித்தவர்களின் டிக்கெட்டுகள் உறுதியாகிறது. மேலும் காவலரின் தொலைபேசி, ஹாலிவுட் ஸ்டூடியோவிற்கு, கடைசி நேரத்தில் எடுக்கப்படுகிறது. தப்பித்தவர்கள் விமானத்தில் ஏற இரானிய காவலர்கள் இவர்களைக் கண்டுகொண்டனர். விமானத்தை நிறுத்த முயல்கின்றனர் ஆனால் விமானம் வெற்றிகரமாக விமான நிலையத்தினை விட்டுச் செல்கின்றது. இவ்வாறாக மென்டெஸ்சும் ஆறு நபர்களும் இரானிலிருந்து தப்பிக்கின்றனர்.

மற்ற பிணைக்கைதிகளைக் காப்பாற்ற அனைத்து அமெரிக்க ஈடுபாடும் மறைக்கப்பட்டது, வெற்றி முழுமையும் கனடிய அரசாங்கிற்கும் தூதரக அதிகாரிக்கும் வழங்கப்பட்டது. (அவர்களின் வீட்டு வேலைக்காரி ஈராக்கிற்கு தப்பித்து செல்கிறார்). மென்டெஸ்சிற்கு சிறப்பு பதக்கம் வழங்கப்படுகிறது, இது இரக்சியம் என்பதால் இதை வெளியில் காட்ட அனுமதிக்கப்படவில்லை. 1997 இல் இந்தப் பதக்கம் பற்றி தகவல் பொதுமக்களுக்கு வெளியிடப்பட்டது. அனைத்து பிணைக்கைதிகளும் சனவரி 20, 1981 அன்று விடுதலை செய்யப்பட்டனர். அன்று ரானல்ட் ரேகன் ஐக்கிய அமெரிக்காவின் நாற்பதாவது குடியரசுத் தலைவராக பொறுபேற்றார். இத்திரைப்படம் முன்னாள் குடியரசுத்தலைவர் சிம்மி கார்டரின் இந்த நிகழ்ச்சி பற்றிய பேச்சினுடன் முடிவடைகிறது.

குறிப்புகள்

மேலும் படிக்க

• அதிகாரப்பூர்வ இணையதளம்
• இணையதள திரைப்பட தரவுத்தளத்தில் அர்கோ
• ஆல் மூவியில் அர்கோ
• அழுகிய தக்காளிகளில் அர்கோ
• மெடாகிரிடிக்கில் அர்கோ
• பாக்சு ஆபிசு மோசோவில் அர்கோ