அஸ்கர் அலி என்ஜினியர்

1939 ஆம் ஆண்டு முஸ்லீம் சமூகத்தின் போரா பிரிவில் பிறந்த அஸ்கர் அலி என்ஜினியர் இளமைக் காலத்தில் சமயம் சார்ந்த கல்வியை ஆழமாகப் பயின்றவர். பின்னர் அனைத்து சமய நூல்களையும் ஆழ்ந்து கற்றார். இதன் காரணமாக இஸ்லாத்தில் காலத்துக் கேற்ற சீர்திருத்தம் வேண்டும் என்பதை வலியுறுத்தினார்.^[3] இஸ்லாம் வரலாறு பற்றிய அவரது நூல் பழமை வாதத்தை அம்பலப்படுத்துவதாக இருக்கிறது. இந்தியாவில் மத வன்முறைகளால் ஏற்பட்ட பாதிப்புகளைக் கள ஆய்வு செய்து நூலாக்கினார். உள்நாட்டிலிருந்தும் வெளிநாடுகளிலிருந்தும் ஏராளமான இதழ்களில் ஆய்வுக்கட்டுரைகளை எழுதினார்.1993 ஆம் ஆண்டு சமூகம் மற்றும் மதச்சார் பின்மைக்கான ஆய்வு மையத்தைத் துவக்கி மக்கள் ஒற்றுமைக்கு அயராது பாடுபட்டார்.^[4]

“வாழும் உண்மை: அமைதி, நல்லிணக்கம், சமூக மாற்றத்துக்கான எனது தேடல்” என்ற தலைப்பில் அவர் எழுதியிருக்கும் சுய சரிதை நூல் அவரது வாழக்கை லட்சியத்தை வெளிப்படுத்துவதாக உள்ளது.^[5]

சமூக நல்லிணக்கத்திற்காக அவரது பங்களிப்பை பாராட்டி 1990ல் டால்மியா விருது அவருக்கு வழங்கப்பட்டது.1987ல் அமெரிக்காவின் புகழ் பெற்ற விருதான சர்வதேச மாணவர் பேரவை விருது அவருக்கு வழங்கப்பட்டது.^[6]

சிறிது காலமாக நோய் வாய்ப்பட்டிருந்த அவர், மே 14 , 2013 அன்று மும்பை புறநகரில் உள்ள சாந்தகுரூஸ் பகுதியில் உள்ள அவரது வீட்டில் காலமானார்.^[4]