அம்ரிதா பிரீதம்

இவருடைய இயற்பெயர் அம்ரிதா கவுர். பஞ்சாபில் (தற்போது பாகிஸ்தானில் உள்ளது) குஜ்ரன்வாலா என்னும் ஊரில் பிறந்தார்^[3]. அவருடைய தந்தை ஒரு பள்ளி ஆசிரியரும், சீக்கிய மதப் போதகரும், ஓர் இலக்கிய இதழாசிரியருமாவார்^[4][5][6]. அம்ரிதா பதினோரு வயதுச் சிறுமியாக இருந்தபோது அவருடைய தாயார் காலமானார். அப்பிரிவினால் ஏற்பட்ட தனிமை உணர்வு அவரைக் கவிதைகளை எழுதத் தூண்டியது. இவரது முதல் கவிதைத் தொகுப்பான ’அம்ரித் லெஹ்ரான்’ (’சாகா அலைகள்’) 1936 இல் அவரது 16ஆவது வயதில் வெளியானது. 1936 முதல் 1943 வரை இவரால் எழுதப்பட்ட ஆறு கவிதை நூல்கள் வெளிவந்தன. இவர் பிரீதம் சிங் என்பவரை 1935இல் மணந்தார். திருமணத்திற்குப் பின்னர் அம்ரிதா பிரீதம் என்று தம் பெயரை அமைத்துக் கொண்டார்.^[7]

இந்தியா, பாகிஸ்தான் என இரண்டு நாடுகளாகப் பிரிந்த போது நிகழ்ந்த கொடுமையான வன்முறைகளினாலும் கொலைகளினாலும் அகதியானார். அம்ரிதா லாகூரிலிருந்து புது தில்லிக்குக் குடியேறினார். தம் ஆண் மகவுடன் டேராடூனிலிருந்து தில்லிக்கு தொடர்வண்டியில் ஒரு முறை பயணம் செய்த வேளையில் தம்முள் எழுந்த அவல உணர்வை ஒரு தாளில் எழுதினார்^[8]. 'நான் வாரிஸ் ஷாவை கேட்கிறேன்' என்னும் தலைப்பிட்ட ஓர் அருமையான கவிதையே அது^[9]. வாரிஸ் ஷா என்பவர் பதினெட்டாம் நூற்றாண்டில் வாழ்ந்த பஞ்சாபைச் சேர்ந்த 'சுபி' கவிஞர் ஆவார்^[10].

அம்ரிதாவின் எழுத்துகள் முற்போக்குக் கொள்கைகளை அடிப்படையாகக் கொண்டிருந்தன. 1943 இல் வங்கப் பஞ்சம் ஏற்பட்டபோது பொருளியல் பற்றிய திறனாய்வுக் கருத்துகளை முன்வைத்தார்.1960 இல் இவருக்கும் கணவருக்கும் பிணக்கு ஏற்பட்ட காரணத்தால் மண விலக்கு நிகழ்ந்தது. தம் இல்லற வாழ்வில் பட்ட கசப்பான அனுபவங்களை கவிதைகளிலும் கதைகளிலும் வெளிப் படுத்தினார். எனவே பெண்ணிய எழுத்தாளர் என்னும் ஒரு பரிமாணத்தையும் பெற்றார்.அம்ரிதாவின் சில புதினங்கள் திரைப் படங்களாகவும் ஆக்கப் பட்டன. பிஞ்சர் என்னும் படத்துக்கு விருதும் கிடைத்தது நாகமணி என்னும் பெயரில் ஓர் இலக்கிய இதழை நடத்தி வந்தார்^[1][11].ஓஷோவின் சில நூல்களுக்கு முன்னுரைகள் எழுதினார்^[12]. ஆன்மீக எழுத்துகளிலும் சிறந்து விளங்கினார்^[13]. பிற்காலத்தில் இந்தி மொழியிலும் தம் எழுத்து வன்மையைக் காட்டினார்.ஆல் இந்தியா ரேடியோவில் சில காலம் பணி புரிந்தார்.

• பஞ்சாப் ரத்தன் விருது
• சாகித்திய அகாதமி விருது (1956)
• ஞானபீட விருது (1982)^[14]
• பத்மசிறீ விருது (1969)
• பத்ம விபூசண் விருது (2004)
• தில்லிப் பல்கலைக் கழகம் முனைவர் பட்டம் (1973)
• ஜபல்பூர் பல்கலைக் கழகம் முனைவர் பட்டம் (1973)
• விஸ்வ பாரதி முனைவர் பட்டம் (1987)
• பல்கேரிய நாட்டு விருது (1979)
• பிரெஞ்சு அரசு விருது (1987)
• பாக்கிஸ்தான் அரசு பஞ்சாபி இலக்கிய விருதை இவருடைய இறுதிக் காலத்தில் வழங்கியது.
• 1986 முதல் 1992 வரை இந்தியப் நாடாளுமன்ற மாநிலங்களவை உறுப்பினராகப் பதவி வகித்தார்.
• புகழ் வாய்ந்த இசை அமைப்பாளர் குல்சார் அம்ரிதாவின் கவிதைகளுக்கு இசை அமைத்து ஒலி நாடா ஆல்பத்தை 2007ஆம் ஆண்டில் வெளியிட்டார்^[15][16].

• Amrita Pritam
• Amrita Pritam gets top award^{[தொடர்பிழந்த இணைப்பு]}

விக்கிமீடியா பொதுவகத்தில்,
அம்ரிதா பிரீதம்
என்பதில் ஊடகங்கள் உள்ளன.

• Amrita Pritam at Gadya Kosh (her prose work in Devanagari script)
• Amrita Pritam and her Works at South Asian Women's Network (Sawnet)
• Amrita Pritam 1919-2005-a tribute by Raza Rumi பரணிடப்பட்டது 2008-06-18 at the வந்தவழி இயந்திரம்
• Poems by Amrita Pritam at Kavitayan( 2009-10-25)

காணொளி இணைப்புகள்

• Aj Waris Shah Nu, Amrita Pritam's most important poem, recited by Gulzar
• Amrita Pritam's poem Main Tainu Pir Milangi recited by Gulzar