அந்தோணி மேக்கி
அந்தோணி மேக்கி (ஆங்கில மொழி: Anthony Mackie) (பிறப்பு:செப்டம்பர் 23, 1978) என்பவர் அமெரிக்க நாட்டு நடிகர் ஆவார். இவர் 2002 ஆம் ஆண்டு முதல் 8 மைல் (2002), பிரதர் டு பிரதர் (2004), ஹேவன் (2004), த ஹர்ட் லாக்கர் (2009), கேங்க்ஸ்டர் ஸ்குவாட் (2014) போன்ற பல திரைப்படங்களில் நடித்துள்ளார்.
அந்தோணி மேக்கி | |
---|---|
பிறப்பு | செப்டம்பர் 23, 1978 நியூ ஓர்லென்ஸ், ஐக்கிய அமெரிக்கா |
பணி | நடிகர் |
செயற்பாட்டுக் காலம் | 2002–இன்று வரை |
வாழ்க்கைத் துணை | ஷெலெட்டா சாபிடல் (தி. 2014; ம.மு. 2018) |
பிள்ளைகள் | 4 |
உறவினர்கள் | கால்வின் மேக்கி (சகோதரன்) |
இவர் 2014 ஆம் ஆண்டு முதல் மார்வெல் ஸ்டுடியோ தயாரித்த மார்வெல் திரைப் பிரபஞ்சத் திரைப்படங்களான கேப்டன் அமெரிக்கா: முதல் அவெஞ்சர் (2011), கேப்டன் அமெரிக்கா: த வின்றர் சோல்யர் (2014),[1][2] அவெஞ்சர்ஸ்: ஏஜ் ஆஃப் அல்ட்ரான் (2015),[3] கேப்டன் அமெரிக்கா: சிவில் வார் (2016), அவெஞ்சர்ஸ்: இன்பினிட்டி வார் (2018), அவெஞ்சர்ஸ்: எண்ட்கேம் (2019) போன்ற திரைப்படங்களில் 'சாம் வில்சன் / பால்கன்' என்ற கதாபாத்திரத்தில் நடித்ததன் மூலம் மிகவும் அறியப்படும் நடிகர் ஆவார். மற்றும் 2021 ஆம் ஆண்டு டிஸ்னி+ தொடரான பால்கன் அண்ட் வின்டர் சோல்ஜர் என்ற வலைத் தொடரிலும் நடித்துள்ளார்.[4][5]
ஆரம்ப கால வாழ்க்கை
இவர் நியூ ஓர்லென்ஸ்[6] நகரில் மார்தா மற்றும் வில்லி மேக்கி சீனியர் ஆகியோருக்கு மகனாக பிறந்தார்.[7][8][9] இவரது சகோதரர் கால்வின் மேக்கி என்பவர் துலேன் பல்கலைக்கழகத்தில் பொறியியல் முன்னாள் இணை பேராசிரியராக பணிபுரிந்தார். இப்போது லூசியானா மீட்பு ஆணையத்தில் பணிபுரிகிறார்.[10] இவர் 1997 இல் வட கரோலினா ஸ்கூல் ஆப் ஆர்ட்ஸில் உயர்நிலைப் பள்ளியில் நாடக கலையில் பட்டம் பெற்றார்.[11]